السلام عليكم
يا جماعة خلونا نسوي هذا التجمع علشان نأزر بعضنا البعض لين ما ربكم يفرجها ان شاء الله
انا اشتريت في استوديو في برج الهلال وخذيت القدم على 600 ودفعت لهم تقريبا 67الف درهم حتى الان واتصلت اليوم وقالوا بعدنا ما حطينا طوبة والاجراءات تأخذ وقت والمحصلة يعني حامض على بوزي والاجراءات في هيئة التنظيم وقلت لهم ياللي ما اتخافون ربكم انا اشتريت علشان ادور لي دخل ثاني وانتوا اتقولون لي بعدنا ما سوينا شيىء والمشروع بيتأخر يعني من التسليم 2011 حتى وحطبة ما ادري وين بس سلمت امري لله؟
2- مشروع الراشد اشتريت في برج الراشد 1 ودفعت حول 148 الف درهم ولين الحين محلك سر المشكلة الراشد كمن مشروع اموقف ولما سألت هيئة التنظيم قالوا لي الراشد ما جاءهم علشان يسوي له حساب ضمان مب حرام معقولة هذا ؟ يعني فلوسنا راحت في شربة ماي ويوم قلت لهم اريد انسحب وارجع الشقة قالوا لي راح نخصم يمكن 10 او 30 % مب حراااااااااااااااااااااااااام عليهم ؟ ربي وكلت لك امري
اللي عندهم تجارب ياريت كل واحد يكتب لنا وانصبر بعضنا البعض وربكم يسهل الله امين
مع شكري وتقديري لرحابة صدركم
اختكم
ام عيسي
اخواني
انا شارية شقة في سويت هوم على أساس المشروع بيتنهي في أخر 2010 بس شكلهم مطوولين
و كل ثلاث شهور يسحبون مني المبالغ عن طريق الشيكات محتاره شو اسوي هل أدفع لهم والا أوقف؟؟؟؟؟
مكن حد يفيدنا عن شركة كسب العقارية
لانه ربيعي ابوه ماخذ في برج السلام طابق وشركة كسب انباعت لشخص ثاني وقاموا يتصلون فيهم
حد اتصلوا فيه ؟؟
اتمنى تخبرونا باخر المستجدات
السلام عليكم ورحمة الله وبركاته
كيفكم اخواني واخواتي….
ظهرت شركة بتقوم بالبدل مع مسثمرين شركة الراشد.
1- تقوم بتحويل كامل المبلغ المدفوع الي المشروع الجديد.. وعدم خصم اي قيمه خلال عملية التحويل.
2- نقل العملاء الي وحدات ذات مواصفات تماثل مواصفات وحداتهم بالمشروع الاصلي.
وفي اشخاص كتير وصلهم هذا الاميل.. اكيد حيوصل لباقي المستثمرين.
ارجوا منكم توخي الحذر من ناحية هذا المشروع الجديد.
اخر خبر
صاحب (( شركة كسب العقارية )) باع الشركه لرجل الاعمال بن عقيل
ومارف شو مصيؤر اللي اشتروا الشقق من عندهم
هذه اخر الاخبار عن مجموعة كسب الحرامية
والله يكون في عونكم بصراحه
الله يكون بعونكم الصراحة حالتكم تكسر الخا طر الله يعوض عليكم