السلام عليكم
يا جماعة خلونا نسوي هذا التجمع علشان نأزر بعضنا البعض لين ما ربكم يفرجها ان شاء الله
انا اشتريت في استوديو في برج الهلال وخذيت القدم على 600 ودفعت لهم تقريبا 67الف درهم حتى الان واتصلت اليوم وقالوا بعدنا ما حطينا طوبة والاجراءات تأخذ وقت والمحصلة يعني حامض على بوزي والاجراءات في هيئة التنظيم وقلت لهم ياللي ما اتخافون ربكم انا اشتريت علشان ادور لي دخل ثاني وانتوا اتقولون لي بعدنا ما سوينا شيىء والمشروع بيتأخر يعني من التسليم 2011 حتى وحطبة ما ادري وين بس سلمت امري لله؟
2- مشروع الراشد اشتريت في برج الراشد 1 ودفعت حول 148 الف درهم ولين الحين محلك سر المشكلة الراشد كمن مشروع اموقف ولما سألت هيئة التنظيم قالوا لي الراشد ما جاءهم علشان يسوي له حساب ضمان مب حرام معقولة هذا ؟ يعني فلوسنا راحت في شربة ماي ويوم قلت لهم اريد انسحب وارجع الشقة قالوا لي راح نخصم يمكن 10 او 30 % مب حراااااااااااااااااااااااااام عليهم ؟ ربي وكلت لك امري
اللي عندهم تجارب ياريت كل واحد يكتب لنا وانصبر بعضنا البعض وربكم يسهل الله امين
مع شكري وتقديري لرحابة صدركم
اختكم
ام عيسي
تسلم اخوي والله يوفقك
مية بالميه يا عين يافع
حسبي الله ونعم الوكيل … والله يا اخوي الموضوع اكبر عن كونه مشكلة مع مطورين … واتخذ مسار ثاني … حتى ان وسائل الاعلام ممنوعين عن الحديث واثارت مواضيع كهذه,,, ما خلينا باب للصحافة الا ودقيناه ,,, لا خلينا اذاعة ولا صحيفة ولا تلفزيون الا وكلمناهم … ولكنهم يتهربون عن الحديث عن مثل هذه المواضيع … لا اعلم لماذا ….
فيما لو ذهبت اليهم واشتكيت عن وجود كلب بالشارع ( وانتوا بكرامة) لقامت الدنيا ولم تقعد .. واحتمال يحطون صورته بالصفحة الاولى … وبيضخمون الموضوع ويخلونه مشكلة العام .. لما لهذا الكلب السائب من خطر على المجتمع والبشرية بشكل عام …
الله بنصر كل مظلوم ويرد الحقوق لاصحابها ويجعل كيد النصابين في نحورهم يا ارحم الرحمين … قولوا امين
يا اخوان حد عنده فكرة شو صار في موضوع برج الهلال لكسب العقاريه ؟
مادري شوه ها العب ريال مطلوب وفلوسنا راحن وحكومه ماتدخل شوه معناته اي واح ياخذ شي من عجمان ينسرق ؟؟؟؟؟
اوراق حكوميه ومختومه وكل شي نصب ؟
الازم اقول نصب على اقل لو كلمونا وقالو بنأجل مشروعك الين 2011 بنقول معاليه او تصلو فيا ورد مبالغ الي ستلموها حشا نحن في الامارات هوب دوله ثانيه وين شيوخ عجمان ما عندهم خبر عن موضوع حتى مصرحو فيها ؟؟
شي عجيب صراحه