السلام عليكم
يا جماعة خلونا نسوي هذا التجمع علشان نأزر بعضنا البعض لين ما ربكم يفرجها ان شاء الله
انا اشتريت في استوديو في برج الهلال وخذيت القدم على 600 ودفعت لهم تقريبا 67الف درهم حتى الان واتصلت اليوم وقالوا بعدنا ما حطينا طوبة والاجراءات تأخذ وقت والمحصلة يعني حامض على بوزي والاجراءات في هيئة التنظيم وقلت لهم ياللي ما اتخافون ربكم انا اشتريت علشان ادور لي دخل ثاني وانتوا اتقولون لي بعدنا ما سوينا شيىء والمشروع بيتأخر يعني من التسليم 2011 حتى وحطبة ما ادري وين بس سلمت امري لله؟
2- مشروع الراشد اشتريت في برج الراشد 1 ودفعت حول 148 الف درهم ولين الحين محلك سر المشكلة الراشد كمن مشروع اموقف ولما سألت هيئة التنظيم قالوا لي الراشد ما جاءهم علشان يسوي له حساب ضمان مب حرام معقولة هذا ؟ يعني فلوسنا راحت في شربة ماي ويوم قلت لهم اريد انسحب وارجع الشقة قالوا لي راح نخصم يمكن 10 او 30 % مب حراااااااااااااااااااااااااام عليهم ؟ ربي وكلت لك امري
اللي عندهم تجارب ياريت كل واحد يكتب لنا وانصبر بعضنا البعض وربكم يسهل الله امين
مع شكري وتقديري لرحابة صدركم
اختكم
ام عيسي
انا اتصلت لمكتب سويت هومز وقالوا تعال وييب معاك الاوراق عشان نغير لك الدفعات لانهم ماراح يسلمون الشقه خلال هالسنة وعندهم مشكلة مع حكومة عجمان على قولته
الله المستعان …
شو الجل معاهم عاد والله نصب عنبوه وينها الحكومه ماتدخل في هالامور على الاقل في دبي صار تنظيم بس في عجمان مانشوف اي شي
انا البارحة اتصلت حق المطور اللي شاريه من عنده الشقه وقالي انهم وصلوا الدور الثامن وأونه بنستملها على اخر 2010 بس ما صدقته
الاسبوع الياي بسير لهم المكتب و بوقعهم على ورقة تثبت ان المشروع بيخلص خلال هالفترة يحطولي التاريخ واذا ما طاعوا ما بدفع يولوووووووون
انا نفس الشي شاري شقة من سويت هومز وكل 3 شهور يخصمون مني بس قلت اول مارجع البلاد بسير عندهم عشان اوقف الدفع لانهم مابيسلمون الشقه في موعدها
واللي عنده يديد اتمنى يخبرنا
ننتظركم