ما ادري انا احلم والا لا…..؟؟!!!؟؟
تخيلوا البارحه الساعه 9 في الليل ولد اختي كان واقف حذال بيت ربيعه…
ويتكلم بالتيلفون …. وشوي تحاوطوا عليه 3 نياسين ونزلوا تقريبا فوق العشرة
وعندهم شواطير وسجاجين وقبوب وتخيلوا هجموا عليه لا بارك الله فيهم
وقطعوه من الطعنات وهو وحليه يقاومهم…
طعنات بظهره وايده وريله ولا وعقبها شايتينه ومرفسينه
وكاسرين حوضه ….
حسبي الله عليهم فوق العشرة …
تهجمون على ياهل عمره 16 سنه
وعقبها شردوا …
وطاف ريال وشافه غرقان بدمه ودق الباب عليهم
تراكضوا ربعه واخوانه …
قالوا اصلا هو ما كمل 10 دقايق واقف برع
شو هالحيوانات شو هالغجر…
وين نحن عايشين..؟؟؟
وتعرفون وين صارت هالسالفه البارحه في القراين بالشارجه
وهالمرغده اونهم مسوين عصابه واي احد يشوفونه وما يعرفونه بس جذه
يضربونه…
نحن قلنا يمكن صاير شيء… صايره مشكله معاهم…؟؟ عداوه..؟؟
وولد اختي ما يعرفهم وتوهم منتقلين من ابوظبي وسكنوا بالشارجه
وما يعرفون احد وعلاقاتهم محدوده مع شباب الفريج….
وتخيلوا كيف حال اختي وزوجها وكيف حالنا نحن….؟؟؟؟!!!!
شو هالاجرام؟؟؟ ولكن الحمدلله عرفناهم من شباب الفريج
والتحريات عرفوهم… وقالوا زعيمهم اسمه حمود …
عنده سوابق… والعام بعد نفس الشيء معتدين على كمن واحد…
ولكنه طلع …. لان عنده واسطه…وتعرفون شو مسمي عمره؟؟؟
حمود ابليس…
حسبي الله عليه اسمه على اسم اشرف خلق العالمين
ورابطه بابليس….
ونحن نقول اليهود يسون هالسويات لان قلوبهم ما فيها رحمه…
لكن هاذيل …شو جنسهم؟؟
ووين اهلهم …وكيف مربينهم؟؟؟
……
هم شردوا صوب عيمان …
ولين الحين ما زخوهم..؟؟
ولكن لو شو صار محد راح يتنازل
والكل متحلف لهم؟؟؟
وتخيلوا اليوم متصل واحد منهم..
لولد اخوي الكبير… ويعتذر منه ويقول له اونه ما كنا نعرف انه من اهلكم
؟؟؟؟
تخيلوا اونه يعتذر؟؟؟ عقب ما بغوا يجتلونه ولااااا يتعذر بس لان هذا الولد يقرب لنا…؟؟!!!
يعني لو واحد ثاني ..جان الوضع كان عادي؟؟؟
لكن لو يموتون ما راح نتنازل عن القضية
لو يموتون ما راح نبرد ولا قلوبنا بتبرد
ولو كان ولد منووه؟؟
فوق العشرة على ياهل … فوق العشره على واحد
وين المريله ؟؟ وليش شاردين اذا هم مسوين عمرهم زعامه؟؟؟
ولو تشوفون ولد اختي قلبكم بيتقطع عليه…
ربي يعافيه ويقومه بالسلامه…
بعدني مب قادره اتخيل !!!!
حسبي الله ونعم الوكيل
حسبي الله ونعم الوكيل
حسبي الله ونعم الوكيل
تحذروا تحذروا من هالحيوانات …بلادنا مب امان مثل قبل…
لا حول ولا قوة الا بالله
اختكم
سهمي عالي
الله يسلمج الغاليه …ومشكورة على مواساتج
وصادقه الغاليه …هذا اللي نحن خايفين منه ان الولد حالته النفسيه تسوء،،،
والله المستعان
وتسلمين حبوبه كلج ذووق وطيب
لا هنتــــي
المفروض مايظهر من السجن لانه ينطبق عليه قانون محاوله قتل سبق الاصرار والترصد!!
بس واسطته فوق القانون!!
ويعين اليميع ان شاء الله
تسلم يا اخوي وربي يبارك فيك ان شاء الله
وصدق تتكلم عن اللي في خاطري يا اخوي
وصح هالمجزرة اللي صارت …شو سوو فيها ..؟؟؟
نحن سمعنا عن هالمجزرة…. ولكن ما سمعنا شيء عن النهايه!!!!
وهل تم اجراء اللازم .. ام لا…؟؟
ونحن نريد نوصلها للشيخ سيف بن زايد ربي يطول بعمره
لان محد راح يصلبهم غيره ويغدون رياييل وعبره لغيرهم…
وان شاء الله خير
وتسلم اخوي الفاضل ويزاك ربي كل خير
ولا عدمت هالاخوه الطيبه
ربي يخليك لنا ويحفظك
هههههههه ضحكيتني يا اخوي
وقلبي ممزور…
صادق يا اخوي …
لكن هذه هي الاصول الله يسلمك
وتعرف عيب عليهم اذا غيروها،،،
اااااه
شو بنقول..؟؟؟ الله كريم
وان شاء الله لازم هالمره تكون غير
والا خلاص…. على الدنيا السلام
بارك الله فيك يا اخوي وتسلم كلك طيب
ربي لا هانك