ما ادري انا احلم والا لا…..؟؟!!!؟؟
تخيلوا البارحه الساعه 9 في الليل ولد اختي كان واقف حذال بيت ربيعه…
ويتكلم بالتيلفون …. وشوي تحاوطوا عليه 3 نياسين ونزلوا تقريبا فوق العشرة
وعندهم شواطير وسجاجين وقبوب وتخيلوا هجموا عليه لا بارك الله فيهم
وقطعوه من الطعنات وهو وحليه يقاومهم…
طعنات بظهره وايده وريله ولا وعقبها شايتينه ومرفسينه
وكاسرين حوضه ….
حسبي الله عليهم فوق العشرة …
تهجمون على ياهل عمره 16 سنه
وعقبها شردوا …
وطاف ريال وشافه غرقان بدمه ودق الباب عليهم
تراكضوا ربعه واخوانه …
قالوا اصلا هو ما كمل 10 دقايق واقف برع
شو هالحيوانات شو هالغجر…
وين نحن عايشين..؟؟؟
وتعرفون وين صارت هالسالفه البارحه في القراين بالشارجه
وهالمرغده اونهم مسوين عصابه واي احد يشوفونه وما يعرفونه بس جذه
يضربونه…
نحن قلنا يمكن صاير شيء… صايره مشكله معاهم…؟؟ عداوه..؟؟
وولد اختي ما يعرفهم وتوهم منتقلين من ابوظبي وسكنوا بالشارجه
وما يعرفون احد وعلاقاتهم محدوده مع شباب الفريج….
وتخيلوا كيف حال اختي وزوجها وكيف حالنا نحن….؟؟؟؟!!!!
شو هالاجرام؟؟؟ ولكن الحمدلله عرفناهم من شباب الفريج
والتحريات عرفوهم… وقالوا زعيمهم اسمه حمود …
عنده سوابق… والعام بعد نفس الشيء معتدين على كمن واحد…
ولكنه طلع …. لان عنده واسطه…وتعرفون شو مسمي عمره؟؟؟
حمود ابليس…
حسبي الله عليه اسمه على اسم اشرف خلق العالمين
ورابطه بابليس….
ونحن نقول اليهود يسون هالسويات لان قلوبهم ما فيها رحمه…
لكن هاذيل …شو جنسهم؟؟
ووين اهلهم …وكيف مربينهم؟؟؟
……
هم شردوا صوب عيمان …
ولين الحين ما زخوهم..؟؟
ولكن لو شو صار محد راح يتنازل
والكل متحلف لهم؟؟؟
وتخيلوا اليوم متصل واحد منهم..
لولد اخوي الكبير… ويعتذر منه ويقول له اونه ما كنا نعرف انه من اهلكم
؟؟؟؟
تخيلوا اونه يعتذر؟؟؟ عقب ما بغوا يجتلونه ولااااا يتعذر بس لان هذا الولد يقرب لنا…؟؟!!!
يعني لو واحد ثاني ..جان الوضع كان عادي؟؟؟
لكن لو يموتون ما راح نتنازل عن القضية
لو يموتون ما راح نبرد ولا قلوبنا بتبرد
ولو كان ولد منووه؟؟
فوق العشرة على ياهل … فوق العشره على واحد
وين المريله ؟؟ وليش شاردين اذا هم مسوين عمرهم زعامه؟؟؟
ولو تشوفون ولد اختي قلبكم بيتقطع عليه…
ربي يعافيه ويقومه بالسلامه…
بعدني مب قادره اتخيل !!!!
حسبي الله ونعم الوكيل
حسبي الله ونعم الوكيل
حسبي الله ونعم الوكيل
تحذروا تحذروا من هالحيوانات …بلادنا مب امان مثل قبل…
لا حول ولا قوة الا بالله
اختكم
سهمي عالي
انا بعدني منصدمه من هالكلام
شو هالتخلف شو هالمصايب
وشرطه مابردها الين الحين مايبوهم
ولله دواهم سجن ولا يشوفون النور
حسبي الله ونعم الوكيل مايشوف شر
و تستحقون سلامته لا بارك الله فيهم
وين اهلهم حسبي الله ونعم الوكيل
بسم الله وين نحن عايشين صدق فالامارات وعصابات شوارع ،،
حسبي الله ونعم الوكيل
لاحول ولا قوة الا بالله،،
الله يعافيه ويقومه بالسلامة،،،،
ربي يخليك يا اخوي
الحمدلله شوي اليوم قدر يتكلم ..؟؟؟
ولكنه مخدر … كل كمن ساعه يعطونه ابره…
وقبل شوي غيروا الربطات …
ااااااااااخ لو تشوفه كيف يصرخ من العوار؟؟؟
والحمدلله على كل حال
وربي يعافيه ان شاء الله
وتسلم يا اخوي ربي يخليك
مره طلعوا عصابه مسلحين وعندهم جلاب ويسون نفس سوالفهم فضحوهم في اخبار الامارات شباب
صغار الله يهدي شبابنا ويعقلهم ويبعدهم عن المشاكل
قطع الله ايدهم ويخيسون فالسجن ان شاء الله
أهم شي الولد كيف حالته الحين؟
ربي يعافيه ويشفيه