ما ادري انا احلم والا لا…..؟؟!!!؟؟
تخيلوا البارحه الساعه 9 في الليل ولد اختي كان واقف حذال بيت ربيعه…
ويتكلم بالتيلفون …. وشوي تحاوطوا عليه 3 نياسين ونزلوا تقريبا فوق العشرة
وعندهم شواطير وسجاجين وقبوب وتخيلوا هجموا عليه لا بارك الله فيهم
وقطعوه من الطعنات وهو وحليه يقاومهم…
طعنات بظهره وايده وريله ولا وعقبها شايتينه ومرفسينه
وكاسرين حوضه ….
حسبي الله عليهم فوق العشرة …
تهجمون على ياهل عمره 16 سنه
وعقبها شردوا …
وطاف ريال وشافه غرقان بدمه ودق الباب عليهم
تراكضوا ربعه واخوانه …
قالوا اصلا هو ما كمل 10 دقايق واقف برع
شو هالحيوانات شو هالغجر…
وين نحن عايشين..؟؟؟
وتعرفون وين صارت هالسالفه البارحه في القراين بالشارجه
وهالمرغده اونهم مسوين عصابه واي احد يشوفونه وما يعرفونه بس جذه
يضربونه…
نحن قلنا يمكن صاير شيء… صايره مشكله معاهم…؟؟ عداوه..؟؟
وولد اختي ما يعرفهم وتوهم منتقلين من ابوظبي وسكنوا بالشارجه
وما يعرفون احد وعلاقاتهم محدوده مع شباب الفريج….
وتخيلوا كيف حال اختي وزوجها وكيف حالنا نحن….؟؟؟؟!!!!
شو هالاجرام؟؟؟ ولكن الحمدلله عرفناهم من شباب الفريج
والتحريات عرفوهم… وقالوا زعيمهم اسمه حمود …
عنده سوابق… والعام بعد نفس الشيء معتدين على كمن واحد…
ولكنه طلع …. لان عنده واسطه…وتعرفون شو مسمي عمره؟؟؟
حمود ابليس…
حسبي الله عليه اسمه على اسم اشرف خلق العالمين
ورابطه بابليس….
ونحن نقول اليهود يسون هالسويات لان قلوبهم ما فيها رحمه…
لكن هاذيل …شو جنسهم؟؟
ووين اهلهم …وكيف مربينهم؟؟؟
……
هم شردوا صوب عيمان …
ولين الحين ما زخوهم..؟؟
ولكن لو شو صار محد راح يتنازل
والكل متحلف لهم؟؟؟
وتخيلوا اليوم متصل واحد منهم..
لولد اخوي الكبير… ويعتذر منه ويقول له اونه ما كنا نعرف انه من اهلكم
؟؟؟؟
تخيلوا اونه يعتذر؟؟؟ عقب ما بغوا يجتلونه ولااااا يتعذر بس لان هذا الولد يقرب لنا…؟؟!!!
يعني لو واحد ثاني ..جان الوضع كان عادي؟؟؟
لكن لو يموتون ما راح نتنازل عن القضية
لو يموتون ما راح نبرد ولا قلوبنا بتبرد
ولو كان ولد منووه؟؟
فوق العشرة على ياهل … فوق العشره على واحد
وين المريله ؟؟ وليش شاردين اذا هم مسوين عمرهم زعامه؟؟؟
ولو تشوفون ولد اختي قلبكم بيتقطع عليه…
ربي يعافيه ويقومه بالسلامه…
بعدني مب قادره اتخيل !!!!
حسبي الله ونعم الوكيل
حسبي الله ونعم الوكيل
حسبي الله ونعم الوكيل
تحذروا تحذروا من هالحيوانات …بلادنا مب امان مثل قبل…
لا حول ولا قوة الا بالله
اختكم
سهمي عالي
الله يشفيه ويكون في عونه وعونكم
ايه يا اخوي بوراشد صح هذا هو بوفهد
الاعلامي اسماعيل عبدالله ،،،
ياريت بس طارين بطنه …
تراهم طارين ظهره …وريولاته وايده ،،،
مكسرينه ….
حسبي الله عليهم علي ايدهم التجسح ان شاء الله
ومالت على الاعلام ..تعبت وانا اتصل …شكل حتى الاعلام يبيله واسطه
عشان ينشرون الخبر…!!!!!؟؟؟؟!!!!!
قلت لهم اذا تبون فلوس عشان تعرضون الخبر بنعطيكم؟؟؟؟
مالت على امارات اليوم …
اونه بتتصل فيج سوزان؟؟!!!
ومالت على جريدة الاتحاد>>> سامحيني العذوب …
بس هذا الصدق….
ومالت على اخبار الامارات >>> هاذيل صدق مال واسطه ،،،
ومالت على البيان اونهم بيمرون اليوم عشان يصورن … ولين الحين ما شفت احد؟؟؟
ما اعرف هل هو جبن وخوف….؟؟؟!!!
ام انتظار الواسطه لنشر مثل هذا الخبر المخيف…؟؟!!!!
يوم انتوا مب كفوء تردعونهم….
خبروا الناس عشان تتحذر منهم؟؟؟
ما اقول غير ربي وفوق
وحسبي الله عليهم ونعم الوكيل
وانا الحين رايحه للمستشفى عشان اطمن عليه
وان شاء الله بطمنكم،،،
والله كريم
وصدق يا اخوي بوراشد…
ابتسم انت في مكسيكو سيتي…
لا هنتـــــ
هاذيلااا حراام ينسجنون فدوله !
المفروووض يعذبوونهم عذاب ويسووولهم ابعاااد مايدشوون الدوله ….
عشااان يحسوون على الي سوووه
……………………………..
طمنينااا عليه .. عساااه بخير ان شاء الله
اليوم كنت في مستشفى القاسمي وخبروني عن ولد المذيع اسماعيل عبدالله من قناة الشارجة وحليله الولد مضروب بقبان وطارين بطنه بسجين
ابتسم انت في مكسيكو سيتي
طمنيينا ياختي على ولد اختج شحاله اليوم عساه بخير وسهاله ان شاء الله