ما ادري انا احلم والا لا…..؟؟!!!؟؟
تخيلوا البارحه الساعه 9 في الليل ولد اختي كان واقف حذال بيت ربيعه…
ويتكلم بالتيلفون …. وشوي تحاوطوا عليه 3 نياسين ونزلوا تقريبا فوق العشرة
وعندهم شواطير وسجاجين وقبوب وتخيلوا هجموا عليه لا بارك الله فيهم
وقطعوه من الطعنات وهو وحليه يقاومهم…
طعنات بظهره وايده وريله ولا وعقبها شايتينه ومرفسينه
وكاسرين حوضه ….
حسبي الله عليهم فوق العشرة …
تهجمون على ياهل عمره 16 سنه
وعقبها شردوا …
وطاف ريال وشافه غرقان بدمه ودق الباب عليهم
تراكضوا ربعه واخوانه …
قالوا اصلا هو ما كمل 10 دقايق واقف برع
شو هالحيوانات شو هالغجر…
وين نحن عايشين..؟؟؟
وتعرفون وين صارت هالسالفه البارحه في القراين بالشارجه
وهالمرغده اونهم مسوين عصابه واي احد يشوفونه وما يعرفونه بس جذه
يضربونه…
نحن قلنا يمكن صاير شيء… صايره مشكله معاهم…؟؟ عداوه..؟؟
وولد اختي ما يعرفهم وتوهم منتقلين من ابوظبي وسكنوا بالشارجه
وما يعرفون احد وعلاقاتهم محدوده مع شباب الفريج….
وتخيلوا كيف حال اختي وزوجها وكيف حالنا نحن….؟؟؟؟!!!!
شو هالاجرام؟؟؟ ولكن الحمدلله عرفناهم من شباب الفريج
والتحريات عرفوهم… وقالوا زعيمهم اسمه حمود …
عنده سوابق… والعام بعد نفس الشيء معتدين على كمن واحد…
ولكنه طلع …. لان عنده واسطه…وتعرفون شو مسمي عمره؟؟؟
حمود ابليس…
حسبي الله عليه اسمه على اسم اشرف خلق العالمين
ورابطه بابليس….
ونحن نقول اليهود يسون هالسويات لان قلوبهم ما فيها رحمه…
لكن هاذيل …شو جنسهم؟؟
ووين اهلهم …وكيف مربينهم؟؟؟
……
هم شردوا صوب عيمان …
ولين الحين ما زخوهم..؟؟
ولكن لو شو صار محد راح يتنازل
والكل متحلف لهم؟؟؟
وتخيلوا اليوم متصل واحد منهم..
لولد اخوي الكبير… ويعتذر منه ويقول له اونه ما كنا نعرف انه من اهلكم
؟؟؟؟
تخيلوا اونه يعتذر؟؟؟ عقب ما بغوا يجتلونه ولااااا يتعذر بس لان هذا الولد يقرب لنا…؟؟!!!
يعني لو واحد ثاني ..جان الوضع كان عادي؟؟؟
لكن لو يموتون ما راح نتنازل عن القضية
لو يموتون ما راح نبرد ولا قلوبنا بتبرد
ولو كان ولد منووه؟؟
فوق العشرة على ياهل … فوق العشره على واحد
وين المريله ؟؟ وليش شاردين اذا هم مسوين عمرهم زعامه؟؟؟
ولو تشوفون ولد اختي قلبكم بيتقطع عليه…
ربي يعافيه ويقومه بالسلامه…
بعدني مب قادره اتخيل !!!!
حسبي الله ونعم الوكيل
حسبي الله ونعم الوكيل
حسبي الله ونعم الوكيل
تحذروا تحذروا من هالحيوانات …بلادنا مب امان مثل قبل…
لا حول ولا قوة الا بالله
اختكم
سهمي عالي
ربي يخليك يا اخوي
صدقك والله المفروض نذبحهم ونفك المجتمع منهم
بس ان شاء الله الشرطة مب مقصره والحين زخوا اثنين من هالعصابه
وهددوهم انهم يعترفون وين ربعهم …والحين ننتظر ونشوف
الامور لوين بتوصل ،،،
بس تعرف يا اخوي اتصلت بالاعلام،،،
لكن ابرد منهم ما شفت؟؟؟
يردون علي بانهم مهتمين وياخذون الرقم وبنتصل ،،
ولا يتصلون؟؟؟
اتصلت بامارات اليوم
والاتحاد>>> طلعوا عيوني لين ما ردوا علي….
واخبار الامارات
واتريا منهم رد،،،،
واذا احد من الاخوه يعرف احد منهم يخبرهم عشان يساعدونا
وتسلم اخوي وربي يخليك لنا
ويديمك بكل خير
لا هنتـــــ كلك طيب
ربي يحفظك
لا حول ولا قوة الا بالله
لاحــول ولاقوة الا بالله
تستاهلوووووووون سلامته والله يحفظه لاهله
والله استغربت من اللي قريته ..الله يحفظ البلاد من هالنوعيه من النااااااس
الله يقومه بالسلامة .. والحمدلله على كل حال..
وهذيلا المجرمين فعلاً يحتاجون لعقوبات رادعة.. ولازم ما أحد يتهاون وياهم لإنهم صغار.. لإنهم فعلاً مجرمين.. عيل يوم بيكبرون شوي شو بيصيرون؟ مهندسين ولا دكاترة؟! بعض الحزم مطلوب ..وبحزم
مالت عليهم