ما ادري انا احلم والا لا…..؟؟!!!؟؟
تخيلوا البارحه الساعه 9 في الليل ولد اختي كان واقف حذال بيت ربيعه…
ويتكلم بالتيلفون …. وشوي تحاوطوا عليه 3 نياسين ونزلوا تقريبا فوق العشرة
وعندهم شواطير وسجاجين وقبوب وتخيلوا هجموا عليه لا بارك الله فيهم
وقطعوه من الطعنات وهو وحليه يقاومهم…
طعنات بظهره وايده وريله ولا وعقبها شايتينه ومرفسينه
وكاسرين حوضه ….
حسبي الله عليهم فوق العشرة …
تهجمون على ياهل عمره 16 سنه
وعقبها شردوا …
وطاف ريال وشافه غرقان بدمه ودق الباب عليهم
تراكضوا ربعه واخوانه …
قالوا اصلا هو ما كمل 10 دقايق واقف برع
شو هالحيوانات شو هالغجر…
وين نحن عايشين..؟؟؟
وتعرفون وين صارت هالسالفه البارحه في القراين بالشارجه
وهالمرغده اونهم مسوين عصابه واي احد يشوفونه وما يعرفونه بس جذه
يضربونه…
نحن قلنا يمكن صاير شيء… صايره مشكله معاهم…؟؟ عداوه..؟؟
وولد اختي ما يعرفهم وتوهم منتقلين من ابوظبي وسكنوا بالشارجه
وما يعرفون احد وعلاقاتهم محدوده مع شباب الفريج….
وتخيلوا كيف حال اختي وزوجها وكيف حالنا نحن….؟؟؟؟!!!!
شو هالاجرام؟؟؟ ولكن الحمدلله عرفناهم من شباب الفريج
والتحريات عرفوهم… وقالوا زعيمهم اسمه حمود …
عنده سوابق… والعام بعد نفس الشيء معتدين على كمن واحد…
ولكنه طلع …. لان عنده واسطه…وتعرفون شو مسمي عمره؟؟؟
حمود ابليس…
حسبي الله عليه اسمه على اسم اشرف خلق العالمين
ورابطه بابليس….
ونحن نقول اليهود يسون هالسويات لان قلوبهم ما فيها رحمه…
لكن هاذيل …شو جنسهم؟؟
ووين اهلهم …وكيف مربينهم؟؟؟
……
هم شردوا صوب عيمان …
ولين الحين ما زخوهم..؟؟
ولكن لو شو صار محد راح يتنازل
والكل متحلف لهم؟؟؟
وتخيلوا اليوم متصل واحد منهم..
لولد اخوي الكبير… ويعتذر منه ويقول له اونه ما كنا نعرف انه من اهلكم
؟؟؟؟
تخيلوا اونه يعتذر؟؟؟ عقب ما بغوا يجتلونه ولااااا يتعذر بس لان هذا الولد يقرب لنا…؟؟!!!
يعني لو واحد ثاني ..جان الوضع كان عادي؟؟؟
لكن لو يموتون ما راح نتنازل عن القضية
لو يموتون ما راح نبرد ولا قلوبنا بتبرد
ولو كان ولد منووه؟؟
فوق العشرة على ياهل … فوق العشره على واحد
وين المريله ؟؟ وليش شاردين اذا هم مسوين عمرهم زعامه؟؟؟
ولو تشوفون ولد اختي قلبكم بيتقطع عليه…
ربي يعافيه ويقومه بالسلامه…
بعدني مب قادره اتخيل !!!!
حسبي الله ونعم الوكيل
حسبي الله ونعم الوكيل
حسبي الله ونعم الوكيل
تحذروا تحذروا من هالحيوانات …بلادنا مب امان مثل قبل…
لا حول ولا قوة الا بالله
اختكم
سهمي عالي
السلام عليكم … مرحبا سهوم …
تستاهلون سلامته و ما يشوف شر و الله يعينه و ايقومه بالسلامه و ايصبر والديه و اهله ان شاء الله …
الله يرحم ايام زمان … اذا دشت سياره غريبه لفريج ما تظهر الا بتحقيق من اهل الفريج وشبابه … بس الحينه فقد الفريج بريقه و ترابطه و الجار صار جنه غريب و ما عنده علم بجاره …
هذه التصرفات اتدل على خلل في تربية هذا الجيل و قصور واضح … اساس ضياع هذه الأشكال البيت و المجتمع …
الأمور الحياتيه و الهروله وراء المصالح الدنيويه نست كثير من الأباء و الأمهات واجباتهم اتجاه ابناءهم و التربيه السليمه …
الله ينصركم عليهم و لابد ينفضح امرهم و يتخذون اجراء صارم ضدهم عسب يكونون عبره لغيرهم لي يشوفون ان المرايل ضرب ياهل بهذا العمر ولا ارتكاب جريمه على مبدأ الكثره تغلب الشجاعه و اعتمادهم على قانون الغاب في تصرفاتهم …
الله يحفظ البلاد و العباد يارب .
أمبينا عصابات المافيا؟؟
حسبي الله ونعم الوكيل
لاحول ولا قوة الا بالله،،
الله يعافيه ويقومه بالسلامة،،،،
يا رب تقومه بالسلامة
طمنينا عليه أختي
الله يكون في عون أهلة وربعة
ما يشوف شر ان شاء الله … والله يقومه بالسلامه .
لا حول ولا قوة الا بالله العلي العظيم
وين عايشين نحنا !!!!!!!!!!
الحمدلله ان ربنا سلّم ولد اختك…
الله يشفيه ويعافيه