ما ادري انا احلم والا لا…..؟؟!!!؟؟
تخيلوا البارحه الساعه 9 في الليل ولد اختي كان واقف حذال بيت ربيعه…
ويتكلم بالتيلفون …. وشوي تحاوطوا عليه 3 نياسين ونزلوا تقريبا فوق العشرة
وعندهم شواطير وسجاجين وقبوب وتخيلوا هجموا عليه لا بارك الله فيهم
وقطعوه من الطعنات وهو وحليه يقاومهم…
طعنات بظهره وايده وريله ولا وعقبها شايتينه ومرفسينه
وكاسرين حوضه ….
حسبي الله عليهم فوق العشرة …
تهجمون على ياهل عمره 16 سنه
وعقبها شردوا …
وطاف ريال وشافه غرقان بدمه ودق الباب عليهم
تراكضوا ربعه واخوانه …
قالوا اصلا هو ما كمل 10 دقايق واقف برع
شو هالحيوانات شو هالغجر…
وين نحن عايشين..؟؟؟
وتعرفون وين صارت هالسالفه البارحه في القراين بالشارجه
وهالمرغده اونهم مسوين عصابه واي احد يشوفونه وما يعرفونه بس جذه
يضربونه…
نحن قلنا يمكن صاير شيء… صايره مشكله معاهم…؟؟ عداوه..؟؟
وولد اختي ما يعرفهم وتوهم منتقلين من ابوظبي وسكنوا بالشارجه
وما يعرفون احد وعلاقاتهم محدوده مع شباب الفريج….
وتخيلوا كيف حال اختي وزوجها وكيف حالنا نحن….؟؟؟؟!!!!
شو هالاجرام؟؟؟ ولكن الحمدلله عرفناهم من شباب الفريج
والتحريات عرفوهم… وقالوا زعيمهم اسمه حمود …
عنده سوابق… والعام بعد نفس الشيء معتدين على كمن واحد…
ولكنه طلع …. لان عنده واسطه…وتعرفون شو مسمي عمره؟؟؟
حمود ابليس…
حسبي الله عليه اسمه على اسم اشرف خلق العالمين
ورابطه بابليس….
ونحن نقول اليهود يسون هالسويات لان قلوبهم ما فيها رحمه…
لكن هاذيل …شو جنسهم؟؟
ووين اهلهم …وكيف مربينهم؟؟؟
……
هم شردوا صوب عيمان …
ولين الحين ما زخوهم..؟؟
ولكن لو شو صار محد راح يتنازل
والكل متحلف لهم؟؟؟
وتخيلوا اليوم متصل واحد منهم..
لولد اخوي الكبير… ويعتذر منه ويقول له اونه ما كنا نعرف انه من اهلكم
؟؟؟؟
تخيلوا اونه يعتذر؟؟؟ عقب ما بغوا يجتلونه ولااااا يتعذر بس لان هذا الولد يقرب لنا…؟؟!!!
يعني لو واحد ثاني ..جان الوضع كان عادي؟؟؟
لكن لو يموتون ما راح نتنازل عن القضية
لو يموتون ما راح نبرد ولا قلوبنا بتبرد
ولو كان ولد منووه؟؟
فوق العشرة على ياهل … فوق العشره على واحد
وين المريله ؟؟ وليش شاردين اذا هم مسوين عمرهم زعامه؟؟؟
ولو تشوفون ولد اختي قلبكم بيتقطع عليه…
ربي يعافيه ويقومه بالسلامه…
بعدني مب قادره اتخيل !!!!
حسبي الله ونعم الوكيل
حسبي الله ونعم الوكيل
حسبي الله ونعم الوكيل
تحذروا تحذروا من هالحيوانات …بلادنا مب امان مثل قبل…
لا حول ولا قوة الا بالله
اختكم
سهمي عالي
اعرف الغاليه وانا نفسج…
وان شاء الله بيدشون السجن وما بيظهرون منه…
والتحريات والشرطه … شغالين
وقالوا اليوم اذا ما طلعوا …راح يتصرفون …ما اقدر اقول شو هالتصرف،،،
ولكن بخبركم عنه ان شاء الله في وقته…..
وتخيلي ابوه واخوه يشتغلون في اماكن …ما اقدر اقول وين؟؟؟
ولكن اهلي ما راح يسكتون…. واذا الشرطه ما تصرفت
السالفه راح توصل “لبوظبي”….
نحن ناس كافين خيرنا شرنا وما لنا شغل بالمشاكل
لكن يعتدون علينا ونحن مو مسوين شيء
هالكلام ما ينسكت عنه….
واذا الشرطه ما وقفوهم عند حدهم …
عادي يعتدون على غيرهم….
حسبي الله عليهم
ومشكورة الغاليه على مواساتج الطيبه
ربي لا هانج
استوت لواحد من ربعي في رمضان 1999،،، في منطقة الخان و هو كان يدور على مغسلة سيارات ،، وقفوه 8 شباب ضربوه و طعنوه في ظهره بدون أي سبب،،، و بعد شهرين ربيعي عرف اسم واحد منهم عن طريق طال في المدرسة ، لأن التحريات ما رامت تمسك و لا واحد منهم،،،،، و يوم خبر التحريات قاله واحد من التحريات بتقدر تتعرف عليه عن طريق طابور المشتبهين،،،؟؟؟
قال لهم و انقشه من بين ألف بعد
و فعلا بعد التعرف عليه،،،،،،،،،، توقعوا المفاجأة؟؟؟
رجل التحريات يتوسط حق المتهم و يطلب من ربيعي التنازل،،، بسبب أن أهل المتهم معروف لديه و الامتحانات على الأبواب………..
شو رايكم
ألــف الحمد لله عــلى ســلامته
مايشــوف شــر يــارب
الله ينتقــم منـــهم !!
صــعقتيــني بالخبــر والله !!
شــي فظيــع !!
الف مليون سلامة
لا حول ولا قوة الا بالله العلي العظيم
خير اللهم خير
يارب لطفك ويا رب عفوك
لماذا ولماذا ولماذا ولماذا
كل الأسئله مشرعه و بكل الصدى تنادي
لكن هل من رد هل من تجاوب هل من سرعة في التحرك للقبض على الجناة
الف سلامة اختي الكريمه على ولد اختك المسكين
و ان شاء الله الجزاء العادل سيكون لهم بالمرصاد الليله قبل الغد
لا حول ولا قوة الا بالله
لا حول ولا قوة الا بالله
لا حول ولا قوة الا بالله
لا حول ولا قوة إلا بالله …
الله يشفيه ويرده لكم بالسلامة إن شاء الله ويبعد العصابات عنا ويكفينا شرهم ..