ما ادري انا احلم والا لا…..؟؟!!!؟؟
تخيلوا البارحه الساعه 9 في الليل ولد اختي كان واقف حذال بيت ربيعه…
ويتكلم بالتيلفون …. وشوي تحاوطوا عليه 3 نياسين ونزلوا تقريبا فوق العشرة
وعندهم شواطير وسجاجين وقبوب وتخيلوا هجموا عليه لا بارك الله فيهم
وقطعوه من الطعنات وهو وحليه يقاومهم…
طعنات بظهره وايده وريله ولا وعقبها شايتينه ومرفسينه
وكاسرين حوضه ….
حسبي الله عليهم فوق العشرة …
تهجمون على ياهل عمره 16 سنه
وعقبها شردوا …
وطاف ريال وشافه غرقان بدمه ودق الباب عليهم
تراكضوا ربعه واخوانه …
قالوا اصلا هو ما كمل 10 دقايق واقف برع
شو هالحيوانات شو هالغجر…
وين نحن عايشين..؟؟؟
وتعرفون وين صارت هالسالفه البارحه في القراين بالشارجه
وهالمرغده اونهم مسوين عصابه واي احد يشوفونه وما يعرفونه بس جذه
يضربونه…
نحن قلنا يمكن صاير شيء… صايره مشكله معاهم…؟؟ عداوه..؟؟
وولد اختي ما يعرفهم وتوهم منتقلين من ابوظبي وسكنوا بالشارجه
وما يعرفون احد وعلاقاتهم محدوده مع شباب الفريج….
وتخيلوا كيف حال اختي وزوجها وكيف حالنا نحن….؟؟؟؟!!!!
شو هالاجرام؟؟؟ ولكن الحمدلله عرفناهم من شباب الفريج
والتحريات عرفوهم… وقالوا زعيمهم اسمه حمود …
عنده سوابق… والعام بعد نفس الشيء معتدين على كمن واحد…
ولكنه طلع …. لان عنده واسطه…وتعرفون شو مسمي عمره؟؟؟
حمود ابليس…
حسبي الله عليه اسمه على اسم اشرف خلق العالمين
ورابطه بابليس….
ونحن نقول اليهود يسون هالسويات لان قلوبهم ما فيها رحمه…
لكن هاذيل …شو جنسهم؟؟
ووين اهلهم …وكيف مربينهم؟؟؟
……
هم شردوا صوب عيمان …
ولين الحين ما زخوهم..؟؟
ولكن لو شو صار محد راح يتنازل
والكل متحلف لهم؟؟؟
وتخيلوا اليوم متصل واحد منهم..
لولد اخوي الكبير… ويعتذر منه ويقول له اونه ما كنا نعرف انه من اهلكم
؟؟؟؟
تخيلوا اونه يعتذر؟؟؟ عقب ما بغوا يجتلونه ولااااا يتعذر بس لان هذا الولد يقرب لنا…؟؟!!!
يعني لو واحد ثاني ..جان الوضع كان عادي؟؟؟
لكن لو يموتون ما راح نتنازل عن القضية
لو يموتون ما راح نبرد ولا قلوبنا بتبرد
ولو كان ولد منووه؟؟
فوق العشرة على ياهل … فوق العشره على واحد
وين المريله ؟؟ وليش شاردين اذا هم مسوين عمرهم زعامه؟؟؟
ولو تشوفون ولد اختي قلبكم بيتقطع عليه…
ربي يعافيه ويقومه بالسلامه…
بعدني مب قادره اتخيل !!!!
حسبي الله ونعم الوكيل
حسبي الله ونعم الوكيل
حسبي الله ونعم الوكيل
تحذروا تحذروا من هالحيوانات …بلادنا مب امان مثل قبل…
لا حول ولا قوة الا بالله
اختكم
سهمي عالي
انا مب مصدق والله اللي يالس اقراه
نحن وين عايشين بشيكاغو والا ارض الاجرام لو انجلوس..!!!!!
حسبي الله ونعم الوكيل
الله يصبر اهله ويقومه بالسلامه
ما اعتقد يمر الموضوع مرور الكرام
عليكم بالصحافه اختي ووسائل الاعلام لان لها دور كبير عشان تضمنون انكم تأخذون حقوقكم على اكمل وجه من هذيلا الاوغاد وغير جيه الشرطه والامن يوم تسمع بأن السالفه وصلت لوسائل الاعلام تأخذ الموضوع بجديه اكبر وماتتهاون بالموضوع
نصيحه لوجه الله اختي الموضوع يجب انه مايمر مرور الكرام لازم تسوين منه قضيه بمجتمع الامارات عشان يكونون هذيلا المجرمين عبره لغيره وينفضحون ويتشهر فيهم جدام خلق الله
عليج بجريده بالامارات اليوم…..ماراح تجصر
حسبي الله ونعم الوكيل
حسبي الله ونعم الوكيل
حسبي الله ونعم الوكيل
السموحه منج اختي سهمي عالي ولو انها يت متأخره شوي
تسلم يا اخوي وكلك طيب
ومقبوله منك ويزاك الله كل خير
ولله الحمد على كل حال
والحين نحن في انتظار اجراء الازم….
ربي لا هانك يا اخوي
وفي حفظ الرحمن
يمكن متأخر ، بسـ ( لا بأس ، طهور إن شـآء الله ) ..
إن الله يمهل و لا يهمل ..
أبُو عَبـْـدِالله
رقم
الشر ما يجيك يا اخوي
وربي يسلمك ويحفظك
وتسلم كلك طيب
وان شاء الله بينالون عقابهم واكثر
والشكر لاخوي 1العموري وكل الاخوه اللي راسلوني على الخاص
وربي يحفظكم
ويديمكم بكل خير
لاهنتــــوا