ما ادري انا احلم والا لا…..؟؟!!!؟؟
تخيلوا البارحه الساعه 9 في الليل ولد اختي كان واقف حذال بيت ربيعه…
ويتكلم بالتيلفون …. وشوي تحاوطوا عليه 3 نياسين ونزلوا تقريبا فوق العشرة
وعندهم شواطير وسجاجين وقبوب وتخيلوا هجموا عليه لا بارك الله فيهم
وقطعوه من الطعنات وهو وحليه يقاومهم…
طعنات بظهره وايده وريله ولا وعقبها شايتينه ومرفسينه
وكاسرين حوضه ….
حسبي الله عليهم فوق العشرة …
تهجمون على ياهل عمره 16 سنه
وعقبها شردوا …
وطاف ريال وشافه غرقان بدمه ودق الباب عليهم
تراكضوا ربعه واخوانه …
قالوا اصلا هو ما كمل 10 دقايق واقف برع
شو هالحيوانات شو هالغجر…
وين نحن عايشين..؟؟؟
وتعرفون وين صارت هالسالفه البارحه في القراين بالشارجه
وهالمرغده اونهم مسوين عصابه واي احد يشوفونه وما يعرفونه بس جذه
يضربونه…
نحن قلنا يمكن صاير شيء… صايره مشكله معاهم…؟؟ عداوه..؟؟
وولد اختي ما يعرفهم وتوهم منتقلين من ابوظبي وسكنوا بالشارجه
وما يعرفون احد وعلاقاتهم محدوده مع شباب الفريج….
وتخيلوا كيف حال اختي وزوجها وكيف حالنا نحن….؟؟؟؟!!!!
شو هالاجرام؟؟؟ ولكن الحمدلله عرفناهم من شباب الفريج
والتحريات عرفوهم… وقالوا زعيمهم اسمه حمود …
عنده سوابق… والعام بعد نفس الشيء معتدين على كمن واحد…
ولكنه طلع …. لان عنده واسطه…وتعرفون شو مسمي عمره؟؟؟
حمود ابليس…
حسبي الله عليه اسمه على اسم اشرف خلق العالمين
ورابطه بابليس….
ونحن نقول اليهود يسون هالسويات لان قلوبهم ما فيها رحمه…
لكن هاذيل …شو جنسهم؟؟
ووين اهلهم …وكيف مربينهم؟؟؟
……
هم شردوا صوب عيمان …
ولين الحين ما زخوهم..؟؟
ولكن لو شو صار محد راح يتنازل
والكل متحلف لهم؟؟؟
وتخيلوا اليوم متصل واحد منهم..
لولد اخوي الكبير… ويعتذر منه ويقول له اونه ما كنا نعرف انه من اهلكم
؟؟؟؟
تخيلوا اونه يعتذر؟؟؟ عقب ما بغوا يجتلونه ولااااا يتعذر بس لان هذا الولد يقرب لنا…؟؟!!!
يعني لو واحد ثاني ..جان الوضع كان عادي؟؟؟
لكن لو يموتون ما راح نتنازل عن القضية
لو يموتون ما راح نبرد ولا قلوبنا بتبرد
ولو كان ولد منووه؟؟
فوق العشرة على ياهل … فوق العشره على واحد
وين المريله ؟؟ وليش شاردين اذا هم مسوين عمرهم زعامه؟؟؟
ولو تشوفون ولد اختي قلبكم بيتقطع عليه…
ربي يعافيه ويقومه بالسلامه…
بعدني مب قادره اتخيل !!!!
حسبي الله ونعم الوكيل
حسبي الله ونعم الوكيل
حسبي الله ونعم الوكيل
تحذروا تحذروا من هالحيوانات …بلادنا مب امان مثل قبل…
لا حول ولا قوة الا بالله
اختكم
سهمي عالي
امين يا رب
والله المستعان
والحمدلله على كل حال
الله يسلمك يا اخوي …
وصدق ما ندري شو صاير في هالدنيا!!!!
وان شاء الله بيزخونهم ولازم ياخذون عقابهم…
والا بتصير الدنيا فوضه…
وتشكر اخوي خلفان وكلك طيب
ربي يخليك
حسبي الله عليهم
الله يقومه بالسلامه
لا تسكتون عنهم هالمتوحشين
احنا مره شباب من الحاره ضربو اخويه ويانا راسه كله يصب دم تيمعو عليه بغراش و عصي حديد
^
^
بس ابويه قال ما بيخبر عليهم الشرطه لانه اخويه كان توه مشتغل في الشرطه وعادي يحجزونه ويحققون وياه في الموضوع (مع انه ما سوى لهم شي) ……. بس شغل عيال ما فيهم ادب مخلين عمرهم عصابه
الله يشفيه ويرده لكم بالسلامة إن شاء الله
حسبي الله عليهم
اقولك لا تتنازلون وخليهم ياخذون جزائهم لانه ممكن يسوا هالشي مره ثانية، لكن لما ياخذون جزائهم بتعلمون والناس الثانية ما تفكر تسوي سواتهم.
حسبي الله ونعم الوكيل …..
متى بنفتك من هالملوثة يارب…… الله يجسح ايديهم..
والله قهررررررر…….. والله لو الموقف صاير جدامي حرام لدعمهم الله يغربلهم ويفكنا منهم.. وين عايشين نحن؟؟
طمنينا ع الولد… ولا تتنازلون و ارفعو قضية مدنية غير عن الجنائية واطلبو منهم بالملايين تعويض.. من غير السجن.
لاحول ولا قوة الا بالله العلي العظيم شو صاير بالبلاد
المهم الحمد لله على سلامة الولد
مايشوف شر ويقوم بالسلامه ان شاء الله