حلول المشاكل المكانيكية والكهربائية+فرق مواصفات الوارد والخليجي

332 thoughts on “حلول المشاكل المكانيكية والكهربائية+فرق مواصفات الوارد والخليجي”

1. السلام عليكم ورحمة الله وبركاته

   اخواني انا ماعرف وايد فالسيايير وعندي مشكله مادري اذا اتصادفني انا بس والا فالاكورد عموما ..

   عندي اكورد 2008 ومشكلتها انه لما اوقف مثلا عند الدوار والا اليوتيرن واتريا الشارع يفظى
   لما ادوس الريس وابا اتحرك ما تمشي بسرعه يعني اتعلق (( نشتها ثجيله ))
   وتسببلي وايد مشاكل يعني كم مره بغيت اسوي حادث والحمدلله ربي ستر ..

   وديتها الوكاله عسب ايجيكونها وع قولتهم عدلوا الكمبيوتر
   بس اشووفها بعدها ع حالها حتى امفكره ابيعها ..

   اذا عندكم الحل لا تبخلون عليه

2. مرحبا بالجميع
   انا ابا اسأل اذا ادعس بالموتر مره وحده يفز جير واحد الجير الثاني تحسه يوقف عداد rpm ثانيه ونص تقريبا على الرقم 4 ويفتح مره وحده ومن يفتح يبدل جير ثلاثه شو المشكله من الانجكترات؟؟؟

   مع اني جربت من شركة nos شريت اللي ينظف الانجكترات الاوكتين اللي تخلطه مع البترول بس بعد مافي فايده

   ياريت من اصحاب الخبره الرد مع العلم السياره كابريس اس اس موديل 2004

   أخوي هذا العطل من اشهر اعطال الكابرس.. الفيول بمب

   ويوم بتبدلة انصحك اتبدل البيبات مال الفيول اللي فوق التانكي.. يعني مشكلتة مب كهربة

3. السلام عليكم

   لكزس gs300 خليجي وين مكان فلتر البترول يكون ؟؟ تحت السيت اللي ورى؟؟

   استفسار ثاني .. اذا ابا ابدل زيت الجير والفلتر شوه الترتيب ؟؟ يكون عادي ولا لازم تنزيل جير ولا شوه بالضبط ..
   وبالنسبه لزيت الجير .. مكتوب لي اسم زيت .. شوه راح يصير لو حطيت شي غير ؟
   وحصلت بعد زيت للجير العادي وزيت جير للأوتوماتيك بيفرق يعني ولا عادي
   لاني ابا ابدل الزيت والفلتر .. لكن ابى اسير الكراج وانا عارف كل شي ومطمن .. لاني احس الجير مايبدل عدل اذا سخنت السياره تقريبا …

   شوه الأشياء الثانية اللي ممكن تأثر في تبديل الجير…من حيث النعومه والسلاسه .. ساعات احس بس بريس المكينة والسياره ما تزيد سرعتها

   هلا بخصوص أيل القير مايحتاي تنزيل بعض السياير يبطلون الغطى ألي تحت ويفرغون الزيت والبعض الثاني يكون نفس البرغي يتبطل وينزل الزيت

   بخصوص نوع الزيت حاول تركب مال الوكاله وأكيد يفرق الاتوماتيك يفرق عن العادي
   بخصوص القير أذا بدلت جرب وهم يبدلون الزيت أذا بطلو الغطى ينظفون القير زين ويخلو الزيت ينزل كله ولو يضربونه بهوا أحسن لأنه مراات يكون فيه فتات حديد صغير وفيه طريقه ثانيه أنك ترفع لقياس مال الزيت وتشوفه ناقص وأمسكه بأيدك وأفركه شوفه سلس ولافيه مثل الفتات أو يشبه الرمل ملمسه

   كم ماشيه سيارتك ؟ وين موقعك ؟
   وأن شاءالله الشباب يفيدونك أكثر
   ورد خبرنا شووه صار ويالك

   والسموحه

4. هلا بو عايشة … يمكن يبالها وزنية رصاص(ترصيص) سير عند البنشرجي خله يجيك الترصيص…. واذا كان كل شي تمام

   فيبالك ميزانية رود .. مابيكلفك اكثر عن 70 درهم

   وان شاء الله ماشي شر

5. السلام عليكم

   عندي مشكلة

   بدلت رنجات السيارة وخذت رنجات 18 بدل الاولية 17 ومحل الرنجات قال بيضبطلي الموضوع
   المهم ان السيارة قامت تاخذ على اليمين وديت السيارة لدينا تريد وخلوها عندهم وقالوا ما نقدر نضبلطلك اياه لان الموتر وارد

   ارجو المساعدة

Comments are closed.