بسم اللة الرحمن الرحيم من يومين رحت سوق السمك للفرجة واللاءستمتاع فقط فسألت احد الزملاء القادمين من البحر هاااا وين الهامور مجرد سؤال فرد علية الهامور ما غيرة؟ قلت نعم ماغيرة فطلع الرجال حبة وحدة قلت لة بس؟ قال البحر مليان وخير اللة واجد لكن الدوريه واقفة وتشيك الطراريد الي عندة هامور ومازال حي او فيه رمق ترجعة البحر. فخبرو صاحبنا انتة ما تعرف ان صيد الهامور ممنوع؟000 قال لا واللة مااعرف فقالولة هذي اول وآخر مره نشوف معك هامور ترى صيد سمك الهامور حاليا ممنوع وحتى اشعار آخر.
7 thoughts on “صيد الهامووووووووووور”
Comments are closed.
اليوم كنت في مزاد الجمعيه مال السمج وسألت الدلال هل الكلام صحيح قال صح لكن بيطبق من أول شهر 6
وبعدين ياجماعه اذا هم بيمنعون صيد الهامور على الطراريد ليش ما يطبقون القرار على اللنشات ييبون بالكميات 50 و 100 هامور كل لنش
سبحان الله وبحده سبحان الله العظيم
مشكور على هالمعلومات
الله يسامح ربعنا هامور طول شبر منزلنة السوق بعد هذا يعتبر بالول وين يبون السمك يتكاثر عيل
المنع صار لانة حسو في نقص فالهوامير المخزون السمكي
بس هالسنة الماية الحمرا أثرت وايد على السمك شردت السمك
على سالفة منع الهامور بذكر لكم قصه حصلت معاي في إحدى محلات بيع ادوات الصيد في ابوظبي , والمحل معروف من غير ذكر الاسم , وهو يعتبر من اكبر المحلات ,, رحت مره اريد اشتري ميارير من المحل , وانا اشوف الميارير سمعت واحد من الشباب محتشر مع واحد من اللي يبيعون في المحل (ماشاءالله من كبر المحل عنده عدة بائعين) , المهم رحت الكاشير بدفع بعد ما اخذتلي كم ميرور , وكان الزبون بجنبي فقلت خلني اسأله شو المشكله ,,,, فقالي تصور اني مشتري عندهم خمس مسدسات وانا بروحي ضربت فوق الثلاثين هامور في يوم واحد , وعشرين من الثلاثين كانن يتبطلن من الحربه مالت المسدس وانا الحين اريد اردهن واشتري حجم اكبر وراعي المحل مو راضي يردهن ….. بصراحه انصدمت ولاقدرت اقول شي …..
مع العلم ان المسدسات البحريه ممنوعه منع نهائي واللي يبيعه يعاقبونه , بس هذا المحل معلقنهن على الرف ومن جميع الانواع ,,,,
وانتم طبعها تعرفون اذا نزل الغواص بين تجمع هوامير وعنده مسدس شو يسوي فيهن ,,, طبعا مب الكل ,, المهم تخايلوا معاي شو مصير الهوامير اللي ضربتهن الحربه وتبطلن منها ..
تحياتي
لازم في سبب للمنع
نحنا قرينا الخبر في الجرايد وعلى مسجات الاخبار بس بدون توضيح الاسباب للمنع