حلول المشاكل المكانيكية والكهربائية+فرق مواصفات الوارد والخليجي

332 thoughts on “حلول المشاكل المكانيكية والكهربائية+فرق مواصفات الوارد والخليجي”

1. اشكرك اخوي صاحب محفظة.

   بس احب اضيف انه لو اتخلي الكهربجي يشيك على الانجكترات بالمرة.. يمكن متوسخة.. بس اغلب الظن من الوايرات او الكويلات.

2. السلام عليكم ورحمة الله

   عندي لكزس موديل 1998 وارد ألمانيا

   السؤال :

   1- تظهر لي في الشاشة شك انجن و شك Vsc

   2- شاشة اللمس تختفي يعني تكون عاديه وبعد فترة وجيزه تختفي الالوان وتصبح الشاشة بيضة ؟ مع هذا تشتغل افتح المكيف والراديو والمسجل عادي بس الالوان تختفي .
   أرجو الافادة

   بخصوص الجك انجن و الثبات .. جرب افصل البطارية و ارجع ركبها .. واذا طلعن مرة ثانية معناتها في مشكلة في النظام .. ورح عند كهربائي جيد ..

   أما بخصوص الشاشة .. اعتقد في بلب أو لمبة معينة يبالها تبديل .. لاني قريت عن هذا الشي في احد المنتديات الاجنيبة ..

   بس تبديلها في نوع من الخطورة .. حسب كاتب الموضوع .. لانة ممكن تخترب الشاشة ..

   جرب اخوي اتروح السكاريب .. وان شاء الله بتحصل شاشة 98 ..

3. شيخي تواجهني مشكله بسيطه

   الا وهي

   يوم القير يبدل احس ان التبديل غير سلس

   وللعلم ان عندي نيسان اللتيما 2004

4. بغيت استشارة أخوي في مشكلة غريبة أواجهها.

   عندي انفنيتي. بعد آخر تشييك في الوكالة. لاحظت اني لو ما خليت السيارة تحر وتوصل لأول خط في مؤشر الحرارة.. تقطع علي ,انا أسوقها.

   يعني لو قمت الصبح شغلت السيارة ومشيت على طول. بتقعد السيارة تقطع وما تمشي عدل لين المكينة تسخن وتوصل أول خط.

   بس لو قمت الصبح وسخنتها لين وصلت الخط الأول وبعدين مشيت. ما أواجه هالمشكلة.

   شو رايك؟ شو السبب؟

   مشكور وما قصرت أخوي.

   منقذ

   يا خوي ماعندك اي مشكلة بتاتا !! الحل هو انك اتسخن السيارة وبس ..

   ثاني شي كيف ما تبا السيارة تقطع ياخوي.. غرفة الاحتراق في المحرك لازم تكون ضمن درجة حرارة معينة عشان تضمن أفضل احتراق للبترول.. لانة اذا سقت السيارة وهي باردة وبديت فالتسارع ,, يمكن اكثر من 30 بالمية من البترول ما يحترق بالصورة الصحيحة مما يؤثر على اشتغال المحرك ويخلية يقطع.

   هذي الاضرار اللي اتحس فيها وماخفي كان أعظم.. انته تدري انك اذا ماسخنت المحرك.. بيقل العمر الافتراضي للمكينة والجير أيضا.. لانة خلال فترة التسخين يتوزع الزيت حتى يغطي كامل المكينة وزيت الجير كذلك .. والعكس صحيح اذا ماسخنتها يعني المكينة ما بتلحق تتزيت صح و بتتآكل الأجزاء الداخلية في غرفة المحرك.. يعني لا تستبعد انه عقب سنتين مكينتك تصرف آيل اذا استمريت على هذا الشي ..

   عط سيارتك مالايقل عن 5 دقائق تسخين و تجنب التسارع القوي خلال أول 5 دقائق سواقة ( هذا اذا كنت مستعجل)

   واسمحلي

5. السلام عليكم
   مشكور وما قصرت واشكر تعاونك وجزاك الله الف خير . اصبح راح اشيك عليها في الوكالة واشكر اهتمامك

Comments are closed.