حلول المشاكل المكانيكية والكهربائية+فرق مواصفات الوارد والخليجي

332 thoughts on “حلول المشاكل المكانيكية والكهربائية+فرق مواصفات الوارد والخليجي”

1. السلام عليكم..

   اخوي عندي نيسان موديل 97 كاربيتر…مشكلته شوي يقطع يوم اتدوس..وحتى يوم واقف يرجف وايد.
   بدلت الكويل والبكات وبعض الوايرات حتى ! لكن المشكله بعدها..نظفت الكاربيتر ب هذا اللي يرشونه spray..لكن المشكله بعدها… من شو تتوقع الخراب؟؟
   يا ريت تفيدونا.. ومشكورين

2. اخوي الحديق

   في قطعه تساعد على ضخ الهواء المكيف

   لما تضغط ريس يزيد ضغط الهواء هذه عندك خربانه

   والله أعلم

3. ما شاء الله عليك يا بن دبي .. الصراحة ماقصرت ويا الشباب.. أشكرك بعنف

   انا البارحة صارلي موقف سخيف .. واتمنى انه اللي اتواجة نفس المشكلة يستفيد من تجربتي ..

   البارحة غسلت السيارة شامل .. ونوعها لكزس موديل 2000 .. ويوم استلمت السيارة .. كانت اتقطع و مولهة ليت المكينة و الثبات الاليكتروني و ليت ثاني ماعرف مال الشو .. المهم .. قلت فخاطري بتمشي نص ساعة لين ما ينشف الموتر واتخوز التقطيعة .. وبالفعل خازت التقطيعة لكن الليتات للاسف ما بندن!!

   سرت اكثر عن ورشة . واللي يقولي الكمبيوتر خربات واللي يقولي الكهربة محترقة من الغسيل ..

   آخر شي سرت ورشة مكة .. تعرفون شو سوى؟؟

   فتح البونيت وفصل واير البتري ورجع ركبة!! ورجع كل شي طبيعي!!!! وماطاع ياخذ فلوس وحليلة

   مرحبا بك اخوي.. انا ما سويت غير الواجب يطول لي بعمرك
   كيف ما اشارك فالموضوع واللي كاتبنه مساهم درجة رابعة

4. شحااااااااالكم ياأخوااان الله يسلمكم انا عندي كورفيت موديل 98 خليجي وبغي اعدل فالمكينه للانه المكينه فيها صرفيه آيل والمشكله الثانيه عندي الناقل اللي هو اسمه ( هاب ) وسم ثاني نقل الحركه اللي يعلق فالبيرنق والدرام ويل الله يسلمكم ها مكسور وبغي نفس القطه مستعمله ولا يديده للانه فالوكاله وفالشاطري لازم بطلبيه والطلبيه تاخذ أكثر عن شهر والسموحه منكم ياأخوان وياريت تساعدوني

5. السلام علييكم اخواني انا عندي جمس 2007 غييرت الرنجات والحين طلعلي هالشي ومب عارف كيف اشله؟؟؟؟؟

   

   السلام عليكم
   بخصوص الاشارة الى في الطبلون هي حساسات ضغط الهواء في الاطارات يوم بدلة الرنجات شلو عنك الحساسات والرنجات اخوي

Comments are closed.