السلام عليكم
في خبر وصلي وانصعقت منه ان الاخت رشا بورحيمه تم فصلها
والسبب انها حولت مكالمه الاخت الي اشتكت على المذيع الي استهزا بالخالق
طبعا الكل شكر الاخت الي اشتكت على المذيع
بس شو ذنب رشا انها تنفصل بسبب هالمكالمه؟
طبعا الي صار انهم حولها للجنه تحقيق من قبل عبداللطيف الصايغ الي فصل المذيع واعلن هالخبر بالمقابل قام بفصل الاخت رشا لانها حولت المكالمه وان المفروض ما اتحول اي مكالمه للمذيع والمفروض اتعرف المضمون
اي بث مباشر ها مافيه مصداقيه لا في الشكاوي ولا في حق
بدال ما يشكرها راح فصلها
الموضوع مب منقول ولا شي
بس من الغصه لان الاخت رشا اخت عزيزه لانها راقيه في تعاملها ويا الناس وكل شخص اتصل بها بيشهد بهالشي
كل الي اطلبه منكم دعوه للاخت ان الله ايوفقها وينصرها على كل ظالم ويستر عليها دنيا واخره وايعوضها خير ووظيفه احسن مليون مره من شغل الاذاعه وخصوصا في الاعلام
واشكر كل شخص بيدعيلها بالخير واذا كان طلبي مب مقدور عليه اشكركم على رحابه صدركم ومروركم
والسموحه
اللع يعوضها بأحسن من شغلتها… ودعوة المظلوم مستجابة
قانون الغابة
القوي يأكل الضعيف
حسبي الله ونعم الوكيل
انزين لا مصدر ولا نقل ولا شي ولا دليل !!
بصراحه اذا في كان حد مظلوم مااقول إلا حسبي الله ونعم الوكيل
والله ماينسى عباده
لا رشا بورحيمه ولا الصايغ !! لين ما يتأكد الموضوع
الله يوفقها بوظيفة أخير من وظيفتها الجديمة
ولن أقول لكم لماذا، اذهبوا إليها في مقرها بالقوز الصناعية لتروا هذا بأم أعينكم لتعرفوا كيف فشلت هذه المجموعة منذ سنة خلت بالحصول على ادنى تقييم لجائزة الجودة !!
أين الإعلاميين الأكفاء الوطنيين المخلصين ليقودوا هذه المجموعة من المستنقع الذي تغرق به!!
أليس الأولى للمخصرم الإعلامي الكبير ثاني جمعة بالرقاد الفلاسي بقيادة هذه المجموعة؟!!
شخص قدير يوقر الكبير ويحترم الصغير وابتسامته لاتفارقه ، محترم لأبعد الحدود ، شفاف بالطرح والأسلوب ومن رزة أهل الدار،مثقف ، واعي، إعلامي قبل أن يظهر البعض يخرج لنا بقرارات ارتجالية تعيد الإعلام بدبي إلى حضيرة تاراتتا وأمثالها..
وندائي للأخ عبداللطيف الصايغ بالأمس تقدم لنا برامج لاتعبر عن الهوية الوطنية بأي حال من الأحوال واليوم تقيل من يسعون لخدمة مجتمعاتهم بشفايفة مطلقة..
فما أشبه اليوم بالبارحة أيها الصايغ!!!
ادعو الأخت لأن ترفع كتاب تظلم لسيدي نائب رئيس الدولة رئيس مجلس الوزراء وبإذن الله لا مظلوم في ديرة بو راشد حفظه الله ورعاه.
ومثل ماقال الأخوان فالترفع قضية عليهم لأعادة حقها وإثبات أحقيتها لتكون في وظيفتها.
وثقي أختنا الكريمة أننا معك ومع الحق قلبا وقالبا ونحن متضامنين مع كل مواطن يفصل ظلما وبهتانا لأنه صريح وشفاف ويسعى لخدمة دولته.
حمى الله الوطن والمواطنين من شر من الفتن ماظهر منها ومابطن.
احترامي لكم جميعا