السلام عليكم
في خبر وصلي وانصعقت منه ان الاخت رشا بورحيمه تم فصلها
والسبب انها حولت مكالمه الاخت الي اشتكت على المذيع الي استهزا بالخالق
طبعا الكل شكر الاخت الي اشتكت على المذيع
بس شو ذنب رشا انها تنفصل بسبب هالمكالمه؟
طبعا الي صار انهم حولها للجنه تحقيق من قبل عبداللطيف الصايغ الي فصل المذيع واعلن هالخبر بالمقابل قام بفصل الاخت رشا لانها حولت المكالمه وان المفروض ما اتحول اي مكالمه للمذيع والمفروض اتعرف المضمون
اي بث مباشر ها مافيه مصداقيه لا في الشكاوي ولا في حق
بدال ما يشكرها راح فصلها
الموضوع مب منقول ولا شي
بس من الغصه لان الاخت رشا اخت عزيزه لانها راقيه في تعاملها ويا الناس وكل شخص اتصل بها بيشهد بهالشي
كل الي اطلبه منكم دعوه للاخت ان الله ايوفقها وينصرها على كل ظالم ويستر عليها دنيا واخره وايعوضها خير ووظيفه احسن مليون مره من شغل الاذاعه وخصوصا في الاعلام
واشكر كل شخص بيدعيلها بالخير واذا كان طلبي مب مقدور عليه اشكركم على رحابه صدركم ومروركم
والسموحه
حسبي الله ونعم الوكيل عليهم
أذا كانت هذي أخلاقيات المهنه للصايغ .. فنطالب بأستقالته,,,
القصة و مافيها يا اخوان انه في احدى حلقات البث المباشر اتصلت احدى الاخوات المواطنات و تكلمت عن برنامج لمذيع اجنبي في اذاعة تابعة للمجموعة العربية للاعلام يعني نفس المجموعة لي تندرج تحتها اذاعة نور دبي و كانت شكوى الاخت انه المذيع تطاول على الذات الالهية و هني قامت الاخت رشا بورحيمة بتحويل المكالمة للمذيع حتى تقوم المتصلة بالحديث على الهواء مباشرة بما سمعت من المذيع الاجنبي.
بعد ما خلصت المتصلة الحديث تفاعل معها الناس و جي و عصبوا على الموضوع.
رئيس المجموعة ما عجبه انه رشا بورحيمة طلعت المكالمة على الهواء مباشرة و بمجرد انتهاء الحلقة تم استدعاء رشا و جمال الى مكتب الصايغ و طاح فيهم طيحة و كان يدافع عن المذيع !!! و اونه المذيع ما كان يقصدنا ربنا نحن !! و قالهم انتوا المفروض ما تحولون المكالمات التي تشكي على المجموعة مالتنا !!!!!!
طبعا موقف رئيس المجموعة الغريب العجيب اثار رشا بو رحيمة و قالتله هذا يتناقض مع مصداقية البرنامج و العمل الصحفي و مثل ما نحن ناخذ شكاوي على الاخرين المفروض ناخذ شكاوي على مجموعتنا !! الرئيس ما عيبه هالكلام و اوقفها عن العمل و الحين فنشوها لانها متمسكة بالمصداقية الاعلامية و الرئيس ما يبغي اي مصداقية.
هذي القصة كلها !!
لاحول ولا قوة الا بالله
حسبي الله ونعم الوكيل عليهم
اذكر المكالمه وكان جمال مطر المذيع
لكن اول مره اعرف سالفة رشا بو رحيمه
رشا انسانه محترمه وخلوقه وان شاء الله الله بياخذ الحق منهم