السلام عليكم و رحمة الله و بركاته
الحمد لله بدينا المشوار .. و اول موظوع لي في هالمنتدى انشالله ينجح ..
الموظوع موظوع سيايير .. طبعا شرات ما الكل عارف انه اسعار السيايير وايد مرتفعه فالبلاد … كل انواع السياير.. و انشالله انا بالتوفيق من ربي و عون الله اقدر اني اوفر لكل عظو السياره الي يباها . و اللون الي يبيه و المواصفات الي يباها و باحلى سعر يرظاه ..

والمشروع في بدايته .. و انشالله اتوفق و اكمل و افتح شركه .. و كل هاذا بتوفيق ربي و تشجيعكم لي ..
في البدايه احب اشرح الموظوع
في انواع وايده من السيايير داخله فالمشروع
بس انا ابي اي واحد يبي يتعامل معاي :
1- يطلب مني النوع الي يباه .. و بنتفق على السعر وانشالله يكون راظي .. و انا طبعا اسعاري راح تكون اقل عن اسعار السوق ..

2- يتم الاتفاق على العربون و الجزء المدفوع مقدما ..

3- اشحن له موتره .. و اول ما يستلمه يدفع باقي المبلغ ..

4- ااكد انه ما راح يدفع العظو ولا درهم غير المبلغ الي بنتفق عليه .. لا عشان شحن ولا جمارك ولا اي شي .. المبلغ المطلوب و خلاص .. بيستلم السياره كامله ..

والسيايير كلها بتكون مواصفات امريكيه .. و مستورده من امريكا .. .. .. انا حاليا في امريكا .. و عشان جي باديين البزنس هاذا ..

الطلب راح يكون على حسب ما تبون .. اي نوع من المواتر ..

مزراتي
مرسيدس
بي ام .. اي شي في خاطركم انشالله يكون متوفر ..

السياره الي بييبها لكم راح يكون معاها تقرير يثبت انه ما فيها اي حوادث .. من كار فاكس ..

الشحن مع التامين و تقريبا بياخذله 4 اسابيع من وقت الشراء لين وقت وصول الموتر لين باب بيتكم J
انا بحاول اني آخذ طلبات محدوده عشان ماريد ولا شي يتاخر ولا شي يكون ناقص وكل شي يكون على اكمل وجه
اتمنى من الاخوان التشجيع و التعاون .. و ربي يوفق الجميع ..
تحياتي …

One-person

446 thoughts on “&&&&&&&& الي يبـي يشتري سيارة .. طلبات السيارات من امريكا.. ( سيارات للبيع ) &&&&&&”

  1. اختي ابيج تشوفيي S500 موديل 2006 اي لون من داخل ومن برع بس يكون رخيص ومايكون مدعوم ولا غرقان وكم واصل الامارات تراني جاد وشراي ان شالله اذا سعر مناسب

  2. السلام عليكم اختي ابى اعرف اسعار سوزوكي الفيتارا من موديل2003الي2005 وسيارات هايونداي اكسنت بعد نفس الموديل وبكميات يعني للتصدير خارج الامارات وياريت ما تحسبين اسعار الجمرك بالامارات وياريت تردين علي باسرع وقت لاني مستعجل اختي

  4. [نتمنى لك النجاح في مشروعك الجديد ولو انه اتى في ظل الازمة المالية العالمية ومالها من آثار سلبية (ترشيد الانفاق والاحتفاظ بالكاش) وقترح عليك اضافة المواصفات الخليجية الى مشروعك

  5. لو سمحتي ممكن الدوريلي ml63 او ml500 وفيه سياره وايد في خاطري g500 باب واحد ومايكون شتري , اي موديل عادي

    وسموحه اذا طولت عليج

Comments are closed.