السلام عليكم و رحمة الله و بركاته
الحمد لله بدينا المشوار .. و اول موظوع لي في هالمنتدى انشالله ينجح ..
الموظوع موظوع سيايير .. طبعا شرات ما الكل عارف انه اسعار السيايير وايد مرتفعه فالبلاد … كل انواع السياير.. و انشالله انا بالتوفيق من ربي و عون الله اقدر اني اوفر لكل عظو السياره الي يباها . و اللون الي يبيه و المواصفات الي يباها و باحلى سعر يرظاه ..
والمشروع في بدايته .. و انشالله اتوفق و اكمل و افتح شركه .. و كل هاذا بتوفيق ربي و تشجيعكم لي ..
في البدايه احب اشرح الموظوع
في انواع وايده من السيايير داخله فالمشروع
بس انا ابي اي واحد يبي يتعامل معاي :
1- يطلب مني النوع الي يباه .. و بنتفق على السعر وانشالله يكون راظي .. و انا طبعا اسعاري راح تكون اقل عن اسعار السوق ..
2- يتم الاتفاق على العربون و الجزء المدفوع مقدما ..
3- اشحن له موتره .. و اول ما يستلمه يدفع باقي المبلغ ..
4- ااكد انه ما راح يدفع العظو ولا درهم غير المبلغ الي بنتفق عليه .. لا عشان شحن ولا جمارك ولا اي شي .. المبلغ المطلوب و خلاص .. بيستلم السياره كامله ..
والسيايير كلها بتكون مواصفات امريكيه .. و مستورده من امريكا .. .. .. انا حاليا في امريكا .. و عشان جي باديين البزنس هاذا ..
الطلب راح يكون على حسب ما تبون .. اي نوع من المواتر ..
مزراتي
مرسيدس
بي ام .. اي شي في خاطركم انشالله يكون متوفر ..
السياره الي بييبها لكم راح يكون معاها تقرير يثبت انه ما فيها اي حوادث .. من كار فاكس ..
الشحن مع التامين و تقريبا بياخذله 4 اسابيع من وقت الشراء لين وقت وصول الموتر لين باب بيتكم J
انا بحاول اني آخذ طلبات محدوده عشان ماريد ولا شي يتاخر ولا شي يكون ناقص وكل شي يكون على اكمل وجه
اتمنى من الاخوان التشجيع و التعاون .. و ربي يوفق الجميع ..
تحياتي …
One-person
أدور Gl من مرسيدس كم بلاقيه أكيد 500 و 2009 …. لون أسود او أبيض من داخل بيج!!!!
كم بيطلع سعره مع الشحن للإمارات؟؟؟
انا من فتره ادور بليزر .. لو عندك بليزر نظيف .. هوه شفر
موديلات الشكل القديم .. من 79 لين 1991
بغيت اعرف تكلفتك وكل شئ ..
بالتوفيج ان شاء الله
والله يعينج لانه درب هالتجاره يباله بارض و صبر و تتحملين استفسارات الناس
من الافضل انه ما تحددين موعد وصول السياره ب 4 اسابيع ..لانه في اغلب الاحيان توصل عقب 8 اسابيع(لانه الناس بتاخذ عكلامج و بتعاتبج في حالة التأخير)
واهم نقاط التساؤل:
العموله
كم قيمة الشحن
ونحن نشجع المواطنين على التجاره و بذل الجهد
ونتمنى انج اتكونين عند حسن الظن
بالتوفيق ان شاء الله
الذين يشاهدون محتوى الموضوع الآن : 4 ( الأعضاء 3 والزوار 1)
one-person , mOmayz , الفخامه
حياكم الله