السلام عليكم و رحمة الله و بركاته
الحمد لله بدينا المشوار .. و اول موظوع لي في هالمنتدى انشالله ينجح ..
الموظوع موظوع سيايير .. طبعا شرات ما الكل عارف انه اسعار السيايير وايد مرتفعه فالبلاد … كل انواع السياير.. و انشالله انا بالتوفيق من ربي و عون الله اقدر اني اوفر لكل عظو السياره الي يباها . و اللون الي يبيه و المواصفات الي يباها و باحلى سعر يرظاه ..

والمشروع في بدايته .. و انشالله اتوفق و اكمل و افتح شركه .. و كل هاذا بتوفيق ربي و تشجيعكم لي ..
في البدايه احب اشرح الموظوع
في انواع وايده من السيايير داخله فالمشروع
بس انا ابي اي واحد يبي يتعامل معاي :
1- يطلب مني النوع الي يباه .. و بنتفق على السعر وانشالله يكون راظي .. و انا طبعا اسعاري راح تكون اقل عن اسعار السوق ..

2- يتم الاتفاق على العربون و الجزء المدفوع مقدما ..

3- اشحن له موتره .. و اول ما يستلمه يدفع باقي المبلغ ..

4- ااكد انه ما راح يدفع العظو ولا درهم غير المبلغ الي بنتفق عليه .. لا عشان شحن ولا جمارك ولا اي شي .. المبلغ المطلوب و خلاص .. بيستلم السياره كامله ..

والسيايير كلها بتكون مواصفات امريكيه .. و مستورده من امريكا .. .. .. انا حاليا في امريكا .. و عشان جي باديين البزنس هاذا ..

الطلب راح يكون على حسب ما تبون .. اي نوع من المواتر ..

مزراتي
مرسيدس
بي ام .. اي شي في خاطركم انشالله يكون متوفر ..

السياره الي بييبها لكم راح يكون معاها تقرير يثبت انه ما فيها اي حوادث .. من كار فاكس ..

الشحن مع التامين و تقريبا بياخذله 4 اسابيع من وقت الشراء لين وقت وصول الموتر لين باب بيتكم J
انا بحاول اني آخذ طلبات محدوده عشان ماريد ولا شي يتاخر ولا شي يكون ناقص وكل شي يكون على اكمل وجه
اتمنى من الاخوان التشجيع و التعاون .. و ربي يوفق الجميع ..
تحياتي …

One-person

446 thoughts on “&&&&&&&& الي يبـي يشتري سيارة .. طلبات السيارات من امريكا.. ( سيارات للبيع ) &&&&&&”

  2. السلام عليكم ورحمة الله وبركاته

    أختي لوسمحت تشوفين لنا
    اللكزس
    Gs 300
    Gs 460
    موديل 2008 و 2009
    ولوتكرمتي تشوفين
    الكابريس Ss
    2009
    وبعد
    يوكن دينالي 2009
    كلهم وكالة وكم بيكلف سعرها لين توصل اللبلاد

    وبخصوص جان بتحصلين لكزس
    Ls 460 L موديل 2003 وفوق بحالة زينة

    ومشكورة
    والله يعطيج العافية
    وبالتوفيج

  3. هلا اخواني شحالكم عساكم ابخير ..

    انا آسفه ع التاخير فالردود .. بس انا مشغولة في اجراءات موتر واحد من الشباب .. و دعواتكم بالتوفيج ..

    اتمنى منكم انكم تدعولي بالتوفيج ..

    وانشالله تاريخ فبراير 2 برد عليكم كلكم ..

    والسموحة ع القصور ..

    والله الموفق ..

    تحياتي

  4. السلام عليكم اخواني ..

    السموحه ع التاخير فالرد .. بس انا هاليومين بكون مشغولة في اجراءات موتر واحد من الشباب عشان جيه ما برد ..

    ادعووووووولي بالتوفيج

    وانشالله يومين بالكثير و برد عليكم

    والسموحة ع القصور ..

    تحياتي ..

    انتظرو الردود تاريخ 2 فبراير انشالله عقب يومين

    تقبلو فايق التحيات ..

Comments are closed.