السلام عليكم و رحمة الله و بركاته
الحمد لله بدينا المشوار .. و اول موظوع لي في هالمنتدى انشالله ينجح ..
الموظوع موظوع سيايير .. طبعا شرات ما الكل عارف انه اسعار السيايير وايد مرتفعه فالبلاد … كل انواع السياير.. و انشالله انا بالتوفيق من ربي و عون الله اقدر اني اوفر لكل عظو السياره الي يباها . و اللون الي يبيه و المواصفات الي يباها و باحلى سعر يرظاه ..
والمشروع في بدايته .. و انشالله اتوفق و اكمل و افتح شركه .. و كل هاذا بتوفيق ربي و تشجيعكم لي ..
في البدايه احب اشرح الموظوع
في انواع وايده من السيايير داخله فالمشروع
بس انا ابي اي واحد يبي يتعامل معاي :
1- يطلب مني النوع الي يباه .. و بنتفق على السعر وانشالله يكون راظي .. و انا طبعا اسعاري راح تكون اقل عن اسعار السوق ..
2- يتم الاتفاق على العربون و الجزء المدفوع مقدما ..
3- اشحن له موتره .. و اول ما يستلمه يدفع باقي المبلغ ..
4- ااكد انه ما راح يدفع العظو ولا درهم غير المبلغ الي بنتفق عليه .. لا عشان شحن ولا جمارك ولا اي شي .. المبلغ المطلوب و خلاص .. بيستلم السياره كامله ..
والسيايير كلها بتكون مواصفات امريكيه .. و مستورده من امريكا .. .. .. انا حاليا في امريكا .. و عشان جي باديين البزنس هاذا ..
الطلب راح يكون على حسب ما تبون .. اي نوع من المواتر ..
مزراتي
مرسيدس
بي ام .. اي شي في خاطركم انشالله يكون متوفر ..
السياره الي بييبها لكم راح يكون معاها تقرير يثبت انه ما فيها اي حوادث .. من كار فاكس ..
الشحن مع التامين و تقريبا بياخذله 4 اسابيع من وقت الشراء لين وقت وصول الموتر لين باب بيتكم J
انا بحاول اني آخذ طلبات محدوده عشان ماريد ولا شي يتاخر ولا شي يكون ناقص وكل شي يكون على اكمل وجه
اتمنى من الاخوان التشجيع و التعاون .. و ربي يوفق الجميع ..
تحياتي …
One-person
مطلوب اف جي 2007 اسود قير عادي
اختي ادور cl63 2009 جديد ابيض ومن داخل بيج غامق وطبلونه اسود ويكون cl63 كامل مش كت بس.
وهمر 2008 بيكب h2 مش مشكله مستعمل اسود او ابيض وفلوسي كاش ومشكوره على المجهود
مشكورة وماقصرتي ويعطيج الف عافية بس تبغين الصراحة السيارة أبدا مش عايبتني وحكمي روحج والسموحة ……
والسموحة ع القصور
السلام عليك أخوي
لقيت امبالا 1963 زرقا…. بس مكينتها 283 قير عادي….
ماشيه 58 الف ميل تقريبا …
سعرها واصله البلاد شامله كل شي 83 الف درهم تقريبا ….
لو بغيت سنوات ثانيه ولا 4 ابواب تلقا اشيا نظيفه قريب هالسعر
خبرنا برايك
و السموحه