السلام عليكم و رحمة الله و بركاته
الحمد لله بدينا المشوار .. و اول موظوع لي في هالمنتدى انشالله ينجح ..
الموظوع موظوع سيايير .. طبعا شرات ما الكل عارف انه اسعار السيايير وايد مرتفعه فالبلاد … كل انواع السياير.. و انشالله انا بالتوفيق من ربي و عون الله اقدر اني اوفر لكل عظو السياره الي يباها . و اللون الي يبيه و المواصفات الي يباها و باحلى سعر يرظاه ..

والمشروع في بدايته .. و انشالله اتوفق و اكمل و افتح شركه .. و كل هاذا بتوفيق ربي و تشجيعكم لي ..
في البدايه احب اشرح الموظوع
في انواع وايده من السيايير داخله فالمشروع
بس انا ابي اي واحد يبي يتعامل معاي :
1- يطلب مني النوع الي يباه .. و بنتفق على السعر وانشالله يكون راظي .. و انا طبعا اسعاري راح تكون اقل عن اسعار السوق ..

2- يتم الاتفاق على العربون و الجزء المدفوع مقدما ..

3- اشحن له موتره .. و اول ما يستلمه يدفع باقي المبلغ ..

4- ااكد انه ما راح يدفع العظو ولا درهم غير المبلغ الي بنتفق عليه .. لا عشان شحن ولا جمارك ولا اي شي .. المبلغ المطلوب و خلاص .. بيستلم السياره كامله ..

والسيايير كلها بتكون مواصفات امريكيه .. و مستورده من امريكا .. .. .. انا حاليا في امريكا .. و عشان جي باديين البزنس هاذا ..

الطلب راح يكون على حسب ما تبون .. اي نوع من المواتر ..

مزراتي
مرسيدس
بي ام .. اي شي في خاطركم انشالله يكون متوفر ..

السياره الي بييبها لكم راح يكون معاها تقرير يثبت انه ما فيها اي حوادث .. من كار فاكس ..

الشحن مع التامين و تقريبا بياخذله 4 اسابيع من وقت الشراء لين وقت وصول الموتر لين باب بيتكم J
انا بحاول اني آخذ طلبات محدوده عشان ماريد ولا شي يتاخر ولا شي يكون ناقص وكل شي يكون على اكمل وجه
اتمنى من الاخوان التشجيع و التعاون .. و ربي يوفق الجميع ..
تحياتي …

One-person

446 thoughts on “&&&&&&&& الي يبـي يشتري سيارة .. طلبات السيارات من امريكا.. ( سيارات للبيع ) &&&&&&”

  2. شوفيلي اكس فايف 4.8 ابيض من داخل بيج نظيف وما يكون غرقان ويكون موديل 2006 بحدود 140

    هلا اخوي

    لقيت لك وحده بيظا موديل 2006 3 بوينت او

    110 الاف

    لكن ما لقيت ولا وحده 4 بوينت 8 !!!!!!!!!!

    القى 4 بوينت 4 !! مادري لو هو نفسه الي اتريده او لا

    انتظر الرد

  3. السلام عليكم

    اختي اذا ما عليج زود بغيتج اتشوفيلي

    Ferrari F430 Spider

    و

    Bentley GTC

    موديلات 2006 او 2007 بس اهم شي النظافه

    والسمووحه..

    يامرحبا والله بمشرفنا ..

    انا من متى ادور على مشرف القسم اريد اسوي تعديل ع الموظوع مالي ..

    وبالنسبه للفراري اخوي فالبلاد ارخص .. و امسات شفت واحد عارظظها بسعر روعه فالمنتدى .. حمرا كانت بعد

    وبالنسبه للكونتننتال ممكن القالك سعر زين بس خبرني بكم تلقاها فالبلاد او انته بكم اتريدني اييبلك اياها ..

    والسموحة اخوي ..

Comments are closed.