السلام عليكم و رحمة الله و بركاته
الحمد لله بدينا المشوار .. و اول موظوع لي في هالمنتدى انشالله ينجح ..
الموظوع موظوع سيايير .. طبعا شرات ما الكل عارف انه اسعار السيايير وايد مرتفعه فالبلاد … كل انواع السياير.. و انشالله انا بالتوفيق من ربي و عون الله اقدر اني اوفر لكل عظو السياره الي يباها . و اللون الي يبيه و المواصفات الي يباها و باحلى سعر يرظاه ..

والمشروع في بدايته .. و انشالله اتوفق و اكمل و افتح شركه .. و كل هاذا بتوفيق ربي و تشجيعكم لي ..
في البدايه احب اشرح الموظوع
في انواع وايده من السيايير داخله فالمشروع
بس انا ابي اي واحد يبي يتعامل معاي :
1- يطلب مني النوع الي يباه .. و بنتفق على السعر وانشالله يكون راظي .. و انا طبعا اسعاري راح تكون اقل عن اسعار السوق ..

2- يتم الاتفاق على العربون و الجزء المدفوع مقدما ..

3- اشحن له موتره .. و اول ما يستلمه يدفع باقي المبلغ ..

4- ااكد انه ما راح يدفع العظو ولا درهم غير المبلغ الي بنتفق عليه .. لا عشان شحن ولا جمارك ولا اي شي .. المبلغ المطلوب و خلاص .. بيستلم السياره كامله ..

والسيايير كلها بتكون مواصفات امريكيه .. و مستورده من امريكا .. .. .. انا حاليا في امريكا .. و عشان جي باديين البزنس هاذا ..

الطلب راح يكون على حسب ما تبون .. اي نوع من المواتر ..

مزراتي
مرسيدس
بي ام .. اي شي في خاطركم انشالله يكون متوفر ..

السياره الي بييبها لكم راح يكون معاها تقرير يثبت انه ما فيها اي حوادث .. من كار فاكس ..

الشحن مع التامين و تقريبا بياخذله 4 اسابيع من وقت الشراء لين وقت وصول الموتر لين باب بيتكم J
انا بحاول اني آخذ طلبات محدوده عشان ماريد ولا شي يتاخر ولا شي يكون ناقص وكل شي يكون على اكمل وجه
اتمنى من الاخوان التشجيع و التعاون .. و ربي يوفق الجميع ..
تحياتي …

One-person

446 thoughts on “&&&&&&&& الي يبـي يشتري سيارة .. طلبات السيارات من امريكا.. ( سيارات للبيع ) &&&&&&”

  1. بغيت اسفسر اذا طلبت سيارة جديده من الوكاله في امريكا و حددت انا الموصفات و كل شيء, كم هي عمولتكم و شو هي اجراءاتكم لاني ناوي اطلب Bmw 750 Li اليديد لأنه في فرق اكثر من 130000 درهم في السعر بين امريكا و الأمارات.

    اخوي الموتر ما نزل ليحين و انا بنفسي اتصلت فالوكاله و سالت عن السعر المتوقع قالو ما عنده اي معلومات عن السعر ! ولا حتى يعرفون متى بينزل بالظبط !!

    يقولون يمكن شهر 3 او اربعه !!

    واتمنى اني اكون افدتك اخويه

    وبالتوفيق ياخوي

  2. ان شاء الله ف ميزان حسناتج اختيـه

    ما مقصره ويا الاعضاء بشي

    وبصراحه هذا اكثر موضوع اشوف فيه حركه ماشاء الله عليج و اتمنالج التوفيق ان شاء الله

    ياسلام .. والله استانس لما اشوف هالردود من هالنفوس الطيبه .. ربي يكثر من هالاعظاء في منتدانا يارب ..

    شكرا اخوي ع الرد الجميل و المرور الطيب

    والله يقدرني اني اسوي كل الي اقدر عليه عشان اادي شغلي على اكمل وجه ..

  3. اخوي هاي كم واصله البلاد لو لقيت عنابي او اسود من برع وبيج من داخل بعد مش مشكله وعادي لو مش الترا لانه مانبا الشاشه يكون احسن بدون شاشه

    Pictures of Used 2001 Lexus LS 430, Memphis, TN – Yahoo! Autos

    هلا اخوي

    زيد على سهار هالموتر 3000 دولار شحن
    2800 دولار عمولة
    5% جمارك و ها هو السعر النهائي لهالموتر

    وبالتوفيق اخوي

  4. السلام عليكم

    اختي بغيت سي ال 550 موديل 2008
    شوفي لي مع الكت بكم و بدون الكت بكم و ماشية اقل عن 10 الااف ميل
    حق المدير علشان يعطيني ترقية ههههههه

    يكون فل اوبشن بانوراما و نايت فيشين و رادار

    اللون ابيض من داخل بيج

    السعر شامل كل شي
    و ياليت تواصلين معاي في الخاص لاني عندي استفسار بخصوص الشراء
    شكرا

    هههههههههههه رديت عليك ع الخاص ياخوي ..

    انتظر ردك ع العرظ

  5. السلام عليكم ورحمة الله وبركاته

    اختي ،، بغيت اطلب منج سياره

    مرسيدس S 550
    اذا لقيتي لي وحده ما يكون مضى عليها سنتين
    من تاريخ الشراء ( عشان يكون شاملها الضمان الدولي ) ..

    يعني تكون 2007 أو 2008 ..

    المواصفات : Panorama,night Vision …الخ .

    و يكون السعر لا يتعدى الــ 250 ألف ،، اتمنى انج تبلغيني ،، ويكون اللون الداخلي فاتح ..

    تقبلي التحيـــة و الشكر ..

    مرحبا اخوي …

    سوري ع التاخير ..لقيت لك وحده 220 الف درهم

    كحلي اسود لونها من داخل بيج ..

    ماشيه 58 الف مايل تقريبا

    وهاي صورتها

    وانشالله ما نختلف ياخويه

    انتظر الرد

    والله الموفق

Comments are closed.