السلام عليكم و رحمة الله و بركاته
الحمد لله بدينا المشوار .. و اول موظوع لي في هالمنتدى انشالله ينجح ..
الموظوع موظوع سيايير .. طبعا شرات ما الكل عارف انه اسعار السيايير وايد مرتفعه فالبلاد … كل انواع السياير.. و انشالله انا بالتوفيق من ربي و عون الله اقدر اني اوفر لكل عظو السياره الي يباها . و اللون الي يبيه و المواصفات الي يباها و باحلى سعر يرظاه ..

والمشروع في بدايته .. و انشالله اتوفق و اكمل و افتح شركه .. و كل هاذا بتوفيق ربي و تشجيعكم لي ..
في البدايه احب اشرح الموظوع
في انواع وايده من السيايير داخله فالمشروع
بس انا ابي اي واحد يبي يتعامل معاي :
1- يطلب مني النوع الي يباه .. و بنتفق على السعر وانشالله يكون راظي .. و انا طبعا اسعاري راح تكون اقل عن اسعار السوق ..

2- يتم الاتفاق على العربون و الجزء المدفوع مقدما ..

3- اشحن له موتره .. و اول ما يستلمه يدفع باقي المبلغ ..

4- ااكد انه ما راح يدفع العظو ولا درهم غير المبلغ الي بنتفق عليه .. لا عشان شحن ولا جمارك ولا اي شي .. المبلغ المطلوب و خلاص .. بيستلم السياره كامله ..

والسيايير كلها بتكون مواصفات امريكيه .. و مستورده من امريكا .. .. .. انا حاليا في امريكا .. و عشان جي باديين البزنس هاذا ..

الطلب راح يكون على حسب ما تبون .. اي نوع من المواتر ..

مزراتي
مرسيدس
بي ام .. اي شي في خاطركم انشالله يكون متوفر ..

السياره الي بييبها لكم راح يكون معاها تقرير يثبت انه ما فيها اي حوادث .. من كار فاكس ..

الشحن مع التامين و تقريبا بياخذله 4 اسابيع من وقت الشراء لين وقت وصول الموتر لين باب بيتكم J
انا بحاول اني آخذ طلبات محدوده عشان ماريد ولا شي يتاخر ولا شي يكون ناقص وكل شي يكون على اكمل وجه
اتمنى من الاخوان التشجيع و التعاون .. و ربي يوفق الجميع ..
تحياتي …

One-person

446 thoughts on “&&&&&&&& الي يبـي يشتري سيارة .. طلبات السيارات من امريكا.. ( سيارات للبيع ) &&&&&&”

  1. السلام عليكم
    ادور على جمس بك اب غمارة ونص موديل 1999الى 2002 ودبل واوتيك ونظيف
    وشكرا

    شكرا على مرورك اولا ..

    و احب اقول لكل الاخوان الي يسالون عن مواتر قبل 2004

    انه انا اريدكم تتاكدون من نقطه دخول الموتر للبلاد هل مسموح او لا ..

    لانه شرات ما سمعت انه غير مسموح دخولهم

    وشكرا و اذا مسموح حاظرين

    في انتظار الرد

  2. الغالي مارسدس Slk 350

    قير اتماتيك

    شتري

    لونه ابيض ولا احمر
    ولا اسود

    بدون دعمه ولا صبغه

    ولا تكون غرقانه

    موديل 2005 ولا 2006

    كم تحصلي ايااها..؟

  4. اوف انثى والله انا مخربط اسف اختي هيهيهي
    ما كنت منتبه الصراحه
    ماشاءالله عليج وعساج عالقوه دوم يا رب
    تاجرة سيارات ؟؟؟ مب صعب عليج؟

    ربي يحفظج

  5. الله يبارج فيك على هالمشروع الجميل ونتمنى تكون اسعارك قريبه من اسعار امريكا مب اسعارنا هني
    اخويه انا ابي كورفيت zo6 2007 او 2008
    كم اسعارهن الحينه في امريكا نظيفات وايد مثل الوكاله

Comments are closed.