السلام عليكم و رحمة الله و بركاته
الحمد لله بدينا المشوار .. و اول موظوع لي في هالمنتدى انشالله ينجح ..
الموظوع موظوع سيايير .. طبعا شرات ما الكل عارف انه اسعار السيايير وايد مرتفعه فالبلاد … كل انواع السياير.. و انشالله انا بالتوفيق من ربي و عون الله اقدر اني اوفر لكل عظو السياره الي يباها . و اللون الي يبيه و المواصفات الي يباها و باحلى سعر يرظاه ..

والمشروع في بدايته .. و انشالله اتوفق و اكمل و افتح شركه .. و كل هاذا بتوفيق ربي و تشجيعكم لي ..
في البدايه احب اشرح الموظوع
في انواع وايده من السيايير داخله فالمشروع
بس انا ابي اي واحد يبي يتعامل معاي :
1- يطلب مني النوع الي يباه .. و بنتفق على السعر وانشالله يكون راظي .. و انا طبعا اسعاري راح تكون اقل عن اسعار السوق ..

2- يتم الاتفاق على العربون و الجزء المدفوع مقدما ..

3- اشحن له موتره .. و اول ما يستلمه يدفع باقي المبلغ ..

4- ااكد انه ما راح يدفع العظو ولا درهم غير المبلغ الي بنتفق عليه .. لا عشان شحن ولا جمارك ولا اي شي .. المبلغ المطلوب و خلاص .. بيستلم السياره كامله ..

والسيايير كلها بتكون مواصفات امريكيه .. و مستورده من امريكا .. .. .. انا حاليا في امريكا .. و عشان جي باديين البزنس هاذا ..

الطلب راح يكون على حسب ما تبون .. اي نوع من المواتر ..

مزراتي
مرسيدس
بي ام .. اي شي في خاطركم انشالله يكون متوفر ..

السياره الي بييبها لكم راح يكون معاها تقرير يثبت انه ما فيها اي حوادث .. من كار فاكس ..

الشحن مع التامين و تقريبا بياخذله 4 اسابيع من وقت الشراء لين وقت وصول الموتر لين باب بيتكم J
انا بحاول اني آخذ طلبات محدوده عشان ماريد ولا شي يتاخر ولا شي يكون ناقص وكل شي يكون على اكمل وجه
اتمنى من الاخوان التشجيع و التعاون .. و ربي يوفق الجميع ..
تحياتي …

One-person

446 thoughts on “&&&&&&&& الي يبـي يشتري سيارة .. طلبات السيارات من امريكا.. ( سيارات للبيع ) &&&&&&”

  2. الذين يشاهدون محتوى الموضوع الآن : 19 ( الأعضاء 12 والزوار 7)
    one-person , binali04 , al7zin_ad , Protocol , Bu_Me6ar , almurar , UaePro , BIOMEDICAL ENGINEER , السرووحي , alwismy , waham_ad

    شكرا على تشجيعكم و تواجدكم ^^

  3. اوف انثى والله انا مخربط اسف اختي هيهيهي
    ما كنت منتبه الصراحه
    ماشاءالله عليج وعساج عالقوه دوم يا رب
    تاجرة سيارات ؟؟؟ مب صعب عليج؟

    ربي يحفظج

    شكرا على الرد ..

    لا لانه انا و زوجي نشتغل .. هاذا نك نيمي انا و زوجي ..

    الله يوفق الجميع انشالله

    شكرا اخوي

  4. لا خلاص لغوا هالقرار حتى آشعار آخر !! .. من توجيهات صاحب السمو الشيخ خليفه بن زايد الله يطول بعمره

    الحينه ردينا علي سوالف كلاسيك علي ثمنيات

    شوفي دوريلي السياره الزوينه ..

    الله يبشرك بالخير

    راح تستلم رساله على الخاص فيها التفاصيل

    شكرا

  5. بصراحه شي حلوو يعني بس ندفع لج عربون وعقب ماتوصل السياره ندفع باقي قيمتها ويا العموله صح والا اناا غلطان؟؟؟

    لو بهذا المنوال تتعاملين ان شالله اختي بنكون من اول المتعاملين واانا بييب وايد شباب

    لانه السياره يوم توصل البلاد يقدر الواحد يشتريها عن طريق التمويل البنكي لكن يوم تكون برع البلاد مايقدر يمولها البنك وهذا بيخلي وايدين يشترون عن طريقك

    لان المشكله في الاخوان الي اييبون سيايير من برع البلاد يطلب نصف القيمه مقابل شيك وصارت وايد حركات نصب وناس وايده انقص عليها بالاضافه الى انهم يطلبون ان الواحد يتريا من شهرين الى 3 شهور لين توصل السياره يعني بتكون قيمتها نزلت وايد من يوم ماشتراها

    انتظر ردج اختي او اخوي ماعرفنا لك انت واحد والا وحده نكك هب واضح

    السلام عليك اخوي ..

    اولا شكرا على مرورك .. و انا واحد و وحده .. اثنين نشتغل مع بعظ

    والمهم .. عن موظوع الدفع .. انا انشالله بشتغل كل الي اقدر عليه انه التزم بمواعيدي و عندي اخواني و ناس يشتغلون معاي فالبلاد عشان الظمان و هالاشيا ..

    و الدفع ما راح يكون مجرد عربون .. راح يكون مبلغ كبير من قيمة السيارة ..

    و الباجي عقب الاستلام ..

    و انشالله اذا كان لي زباين وايد .. و تيسرت اموري اني اقدر اشتري المواتر و اييبها و عقب تندفع قيمتها ما بقصر و بسوي هالشي لكم انشالله .. بس توني في البدايه … انشالله بعون الله و تشجيعكم اقدر اوفر لكم الي تريدونه ..

    وشكرا اخوي على المرور

Comments are closed.