السلام عليكم و رحمة الله و بركاته
الحمد لله بدينا المشوار .. و اول موظوع لي في هالمنتدى انشالله ينجح ..
الموظوع موظوع سيايير .. طبعا شرات ما الكل عارف انه اسعار السيايير وايد مرتفعه فالبلاد … كل انواع السياير.. و انشالله انا بالتوفيق من ربي و عون الله اقدر اني اوفر لكل عظو السياره الي يباها . و اللون الي يبيه و المواصفات الي يباها و باحلى سعر يرظاه ..
والمشروع في بدايته .. و انشالله اتوفق و اكمل و افتح شركه .. و كل هاذا بتوفيق ربي و تشجيعكم لي ..
في البدايه احب اشرح الموظوع
في انواع وايده من السيايير داخله فالمشروع
بس انا ابي اي واحد يبي يتعامل معاي :
1- يطلب مني النوع الي يباه .. و بنتفق على السعر وانشالله يكون راظي .. و انا طبعا اسعاري راح تكون اقل عن اسعار السوق ..
2- يتم الاتفاق على العربون و الجزء المدفوع مقدما ..
3- اشحن له موتره .. و اول ما يستلمه يدفع باقي المبلغ ..
4- ااكد انه ما راح يدفع العظو ولا درهم غير المبلغ الي بنتفق عليه .. لا عشان شحن ولا جمارك ولا اي شي .. المبلغ المطلوب و خلاص .. بيستلم السياره كامله ..
والسيايير كلها بتكون مواصفات امريكيه .. و مستورده من امريكا .. .. .. انا حاليا في امريكا .. و عشان جي باديين البزنس هاذا ..
الطلب راح يكون على حسب ما تبون .. اي نوع من المواتر ..
مزراتي
مرسيدس
بي ام .. اي شي في خاطركم انشالله يكون متوفر ..
السياره الي بييبها لكم راح يكون معاها تقرير يثبت انه ما فيها اي حوادث .. من كار فاكس ..
الشحن مع التامين و تقريبا بياخذله 4 اسابيع من وقت الشراء لين وقت وصول الموتر لين باب بيتكم J
انا بحاول اني آخذ طلبات محدوده عشان ماريد ولا شي يتاخر ولا شي يكون ناقص وكل شي يكون على اكمل وجه
اتمنى من الاخوان التشجيع و التعاون .. و ربي يوفق الجميع ..
تحياتي …
One-person
لا خلاص لغوا هالقرار حتى آشعار آخر !! .. من توجيهات صاحب السمو الشيخ خليفه بن زايد الله يطول بعمره
الحينه ردينا علي سوالف كلاسيك علي ثمنيات
شوفي دوريلي السياره الزوينه ..
بصراحه شي حلوو يعني بس ندفع لج عربون وعقب ماتوصل السياره ندفع باقي قيمتها ويا العموله صح والا اناا غلطان؟؟؟
لو بهذا المنوال تتعاملين ان شالله اختي بنكون من اول المتعاملين واانا بييب وايد شباب
لانه السياره يوم توصل البلاد يقدر الواحد يشتريها عن طريق التمويل البنكي لكن يوم تكون برع البلاد مايقدر يمولها البنك وهذا بيخلي وايدين يشترون عن طريقك
لان المشكله في الاخوان الي اييبون سيايير من برع البلاد يطلب نصف القيمه مقابل شيك وصارت وايد حركات نصب وناس وايده انقص عليها بالاضافه الى انهم يطلبون ان الواحد يتريا من شهرين الى 3 شهور لين توصل السياره يعني بتكون قيمتها نزلت وايد من يوم ماشتراها
انتظر ردج اختي او اخوي ماعرفنا لك انت واحد والا وحده نكك هب واضح
انا ما عندي مشكله اني ادورلك اياها ..
لاكن في مشكله يا اخوي .. انا سمعت انه في قانون جديد ما يسمح بدخول المواتر الوارده الي عمرها اكثر عن 5 سنين !! … يعني حدنا الحينه 2004 … !!
اذا تبغي تتاكد ممكن انك تستفسر و خبرني و حاظرين اذا ممكن نوفرلك اياها ..
شكرا
هلا ختيه ..
لقيتلج وحده سودا
سعرها شامل كل شي 319 الف درهم بس ..
ماشيه بس 7000 مايل ..
بس المشكله سوووودا
اللون الي تريدينه نادر ..
انشالله انا قاعده ادور
لانه عم ريلي بعد يريد بيظا من داخل بيج او اي لون فاتح .. .
وانشالله بحطه فالموظوع اول ما القااااه
انتظر ردج ختيه ..
والسموحة
ري يوفقج .. و شكرا
اخي One-person
ممكن تفيدني بطلبي هذا واكون شاكر لك
ابغي مرسيدس
s-63
2008
او
2009
zero mileg اوماشيه شويه
white out
tan in
بانوراما
رؤيه ليليه
يعني full option
بانتظار الرد
شكرا