السلام عليكم و رحمة الله و بركاته
الحمد لله بدينا المشوار .. و اول موظوع لي في هالمنتدى انشالله ينجح ..
الموظوع موظوع سيايير .. طبعا شرات ما الكل عارف انه اسعار السيايير وايد مرتفعه فالبلاد … كل انواع السياير.. و انشالله انا بالتوفيق من ربي و عون الله اقدر اني اوفر لكل عظو السياره الي يباها . و اللون الي يبيه و المواصفات الي يباها و باحلى سعر يرظاه ..

والمشروع في بدايته .. و انشالله اتوفق و اكمل و افتح شركه .. و كل هاذا بتوفيق ربي و تشجيعكم لي ..
في البدايه احب اشرح الموظوع
في انواع وايده من السيايير داخله فالمشروع
بس انا ابي اي واحد يبي يتعامل معاي :
1- يطلب مني النوع الي يباه .. و بنتفق على السعر وانشالله يكون راظي .. و انا طبعا اسعاري راح تكون اقل عن اسعار السوق ..

2- يتم الاتفاق على العربون و الجزء المدفوع مقدما ..

3- اشحن له موتره .. و اول ما يستلمه يدفع باقي المبلغ ..

4- ااكد انه ما راح يدفع العظو ولا درهم غير المبلغ الي بنتفق عليه .. لا عشان شحن ولا جمارك ولا اي شي .. المبلغ المطلوب و خلاص .. بيستلم السياره كامله ..

والسيايير كلها بتكون مواصفات امريكيه .. و مستورده من امريكا .. .. .. انا حاليا في امريكا .. و عشان جي باديين البزنس هاذا ..

الطلب راح يكون على حسب ما تبون .. اي نوع من المواتر ..

مزراتي
مرسيدس
بي ام .. اي شي في خاطركم انشالله يكون متوفر ..

السياره الي بييبها لكم راح يكون معاها تقرير يثبت انه ما فيها اي حوادث .. من كار فاكس ..

الشحن مع التامين و تقريبا بياخذله 4 اسابيع من وقت الشراء لين وقت وصول الموتر لين باب بيتكم J
انا بحاول اني آخذ طلبات محدوده عشان ماريد ولا شي يتاخر ولا شي يكون ناقص وكل شي يكون على اكمل وجه
اتمنى من الاخوان التشجيع و التعاون .. و ربي يوفق الجميع ..
تحياتي …

One-person

446 thoughts on “&&&&&&&& الي يبـي يشتري سيارة .. طلبات السيارات من امريكا.. ( سيارات للبيع ) &&&&&&”

  1. بحصل راف 4 كوبي وارد أمريكي من 94 الى 99
    تقريبا على العشرين وتحت

    اخوي ما تسوى عليك والله … سعرها اهنيه وايد رخيص يعني ماشيه 195 الف هههههههه سعرها 9800 درهم تقريبا وفوق .. ارخص ارخص وحده لقيتها بهالسعر ..

    تدفع عليها شحن مادري كم الف و تدفع جمارك و عمولة

    احس تلقاها فالبلاد ارخص …….

    انته شوف كم فالبلاد و خبرني ..

    انتظر اخويه

  2. الغالي ابى اتخبرك عن الاستيشن 2008 في اكس ار

    بكم واصل البلاد هب مشكله لو فيه دعمه ولايهم كم مشى

    هلا اخوي ..

    الستيشن ياخوي سياره هب مطلوبه وايد في امريكا .. و ما تلقا وايد و سعرها نفس سعر البلاد اعتقــــد يعني ما تسوى تاخذها من اهنيه

    يعني ارخص وحده لقيتها لك

    شامله العموله و الجمارك و الشحن

    سعرها طلع 229 الف درهم ..!! انا اعتبره وايد ومادري لو فالبلاد نفس الشي او لا ..

    ع العموم الموظوع راجع لك ..

    والي لقيته فظي ماشي 17 الف مايل بس ..

    والسموحة منك ااخويه ..

  3. اخوي للامانه اسعاررك جدا حلوه بصراحه

    اللكزس الاي اس ثمانيه سلندر ب200 الف شامل الشحن والله يابلاش انا شفته معروض ب60 الف دولار يعني ويا العموله بيطلع وايد فوق ال230

    موفق ان شالله

    ربي يوفقك ياخوي

    مشكور على هالكلمة الطيبه ..

    والمرور الجميل ..

  4. عندي استفسار قبل ما أطلب

    العربون كيف تحسبونه؟
    هل المبلغ ثابت لكل السيارات ولا يكون مثلاً 10% من قيمة السيارة؟

    والسموحه

    اخوي يندفع المبلغ مقابل جيك ظمان .. و على حسب الموتر بس اغلب المبلغ يندفع او كامل

    وتستلم جيك الظمان ..

    واول ما تستلم الموتر ترجع جيك الظمان ..

    وجذيه انته ظمنت حقك …

    ويكون في عقد رسمي قانوني موقع من الطرفين على البيعه .. مكتوب العقد عند مستشار قانوني ..

    والسموحة اخوي ..

Comments are closed.