اليوم وانا اجلب في اوراقي وشهايدي شفت رسائل التعين للداوائر الي اتعين فيها من بينهم اول دائره اشتغل فيها.
من شفت الاوفر ليتر ذكرت شو هببت في المقابله ^_^ الصراحه ويهي ايعورني يوم اذكر هاليوم بس بقولكم شو استوى بس اشوي اشوي علي وقناص الله ايخليك لا تحرق لي ويهي اكثر
المهم ايقولكم الاخت توها امخلصا امتحان الفاينل وراحت المكتبه عسب اترتب اوراقها وما خلت مكان إلا وهي امقدمه فيه.
عقب اسبوع اتصلو فيه اكثر من دائره ، شرطه دبي، الجمارك، دوبال، الإتصالات ومجلس الإعمال
طبعا اول دائره رحت لها وسويت انترفيو مذكوره فوق(خمنو)، كنت اول وحده وزايغه ما عندي خبره بطني ايعوروي والدقيقه ابساعه، المهم زقروني ودشيت القاعه ويا مكبر الطاوله شفت حرمه وريال كان يرمس في الموبال وجان اتقولي الحرمه اتفضلي ثواني والمدير العام بي، طبعا يحليلي انا ما اعرف هاييل امنو وشو شغلتهم ورمست الحرمه عادي فرندلي (يحليلي على نياتي ) شو اخبارج، شو اتسوين، وين قدمتي، في حد زقرج، هل هاي اول مقابله لج، المهم لي ما يا المدير العام وعقبها بدت المقابله،
الريال الي كان يرمس في التلفون كان مدير التوظيف، والحرمه هي مسؤولتي، والثالث المدير العام،
انتو بس اسمعو الاسئله وردودي الي اتفشل ما اعرف كيف اتوظفت ههههههههه
مدير الموارد البشريه قال ارمس عن عمرج اشوي، ما عرفت شو اقول جان اقول الي حفظونا في الكليه رمست عن تخصصي وهواياتي.
وجان يسال المدير العام شو انجليزيتج قلت له
I’m not that fluent but I’m good
المهم الريال ما سالني ابد عقب هالكلمتين
يت الحرمه وسالتني قالت لي انتي قلتي ان هوايتج القرايه شو اتحبين تقرين. رديت عليها ابسرعه وانا مستانسه قصص الحب (يحليلنا متعودين على قصص عبير وأحلام) ههههههههههه جان تضحك علي ويهي احترق, اهم شي ان الرياييل ما انتبهو وطلعت صحت لي ما قلت بس واشوي وبذبج عمري على ردي بس الحمدالله اليوم الثالث اتصلو فيني وقالو داومي من باجر
طبعا استانست ^_^
المره اليايه بقولك الموقف الي استوى يوم رحت اقدم في جمارك دبي, جمارك دبي وما ادراك ما جمارك دبي هههههههههههه
هالموفق استوى وياي وانتوا شو مواقفكم الي اتضحك يعني بدون خبره شو سويتو هل كنتو مثلي ولا اخس ^_*
انتي طحتي وانتي طالعه انا طحت في الدوام ههههههه ولا مديري جدامي والمهندسات على يميني، من الفشيله نشيت وانا اضحك اونه عادي عادي الحياه حلوه ^_^
السلام عليكم
انا اغرب موقف صار معي بشركة كبيره بدبي
قدمت واتصلو على المقابله ورحت وبعد المقابله بيومين شفت صديقي و هو احد مدراء هذه الشركه فاستغربت انه جاني رفض اصلا والسبب كان انه عندي شهادات كثيره ههههههههههههههههههههههههه
ومره بمقابله في شركة ايضا بالقطاع الخاص تم رفضي لسبب واحد . كان انه انا ما ضحكت في المقابله مع العلم اني كثير مبتسم كنت. كان ناقص ابطل حلقي على مصرعيه وسوي مغرة على بابا حق الذباب هههههههههههههههههههههههههههههههههههههه
يا جماعه استغرب شي انه معظم الشركات وبنسبة 95% منها مدراء التوظيف اجانب مو مواطنين . فكيف تبونا نشتغل بعدها
والسموحه منكم
قبل لا ارقد شفت هالموضوع
اولا شكرا اختي ع الموضوع
وانا بخبركم شوه سويت اول مقابله
طبعا الاخت داخله الغرفه ومن الارتباك علقت عباتي في الباب … والمدير يقولي تفضلي وانا ابتسم واير عباتي
وخلاف رد قالي تفضلي … عاد هني ما تحملت قلت له (صبر خل بابكم يفتك عباتي اول وخلاف بدخل) 
بصراحه المقابله كانت عاديه بس افتر راسي وانا كل شويه اصد صوب واحد منهم ويوم ظهرت تخيلوو شوه صار ….عاد حصلت الموظفين يتريوني برع يسالوني شوه سويت (الاخت قبل لا تدخل عرفت كل الي في البنك) وعاد مستانسين عليه من نفس الجبيله … قلت لهم الحمد لله ونزلت الدرج…………….
وانا نازله ما ادري شوه صار لي وطحت من الدرج لين تحت ههههههههههه بصراحه موقف ولا احلى وكان ورايه نائب المدير …عاد انا ما سمعت غير كلمة (سلمتي) وانا اطالع ويوه الكستمر تحت كلهم يشوفوني وفاجين حلوجهم
…….. قمت ونفضت عباتي ولا حتى اللتفت ورايه وطلعت برع كنه ما صار شي …. وكنت اتمنى الارض تنشق وتبلعني
احلى شي ما حسيت انه ريولي يعورني الا يوم ظهرت برع
يالله نعيش وننسى …. ونحصل وظيفه شرات الخلق
وتصبحون ع خير
اسميك مقرود قراده هههههههههههههههههههههههه ههههههههههههههههه
جان قلتيله اي ماستر إلى بقر وتيوس هههههههههههه