اليوم وانا اجلب في اوراقي وشهايدي شفت رسائل التعين للداوائر الي اتعين فيها من بينهم اول دائره اشتغل فيها.
من شفت الاوفر ليتر ذكرت شو هببت في المقابله ^_^ الصراحه ويهي ايعورني يوم اذكر هاليوم بس بقولكم شو استوى بس اشوي اشوي علي وقناص الله ايخليك لا تحرق لي ويهي اكثر
المهم ايقولكم الاخت توها امخلصا امتحان الفاينل وراحت المكتبه عسب اترتب اوراقها وما خلت مكان إلا وهي امقدمه فيه.
عقب اسبوع اتصلو فيه اكثر من دائره ، شرطه دبي، الجمارك، دوبال، الإتصالات ومجلس الإعمال
طبعا اول دائره رحت لها وسويت انترفيو مذكوره فوق(خمنو)، كنت اول وحده وزايغه ما عندي خبره بطني ايعوروي والدقيقه ابساعه، المهم زقروني ودشيت القاعه ويا مكبر الطاوله شفت حرمه وريال كان يرمس في الموبال وجان اتقولي الحرمه اتفضلي ثواني والمدير العام بي، طبعا يحليلي انا ما اعرف هاييل امنو وشو شغلتهم ورمست الحرمه عادي فرندلي (يحليلي على نياتي ) شو اخبارج، شو اتسوين، وين قدمتي، في حد زقرج، هل هاي اول مقابله لج، المهم لي ما يا المدير العام وعقبها بدت المقابله،
الريال الي كان يرمس في التلفون كان مدير التوظيف، والحرمه هي مسؤولتي، والثالث المدير العام،
انتو بس اسمعو الاسئله وردودي الي اتفشل ما اعرف كيف اتوظفت ههههههههه
مدير الموارد البشريه قال ارمس عن عمرج اشوي، ما عرفت شو اقول جان اقول الي حفظونا في الكليه رمست عن تخصصي وهواياتي.
وجان يسال المدير العام شو انجليزيتج قلت له
I’m not that fluent but I’m good
المهم الريال ما سالني ابد عقب هالكلمتين
يت الحرمه وسالتني قالت لي انتي قلتي ان هوايتج القرايه شو اتحبين تقرين. رديت عليها ابسرعه وانا مستانسه قصص الحب (يحليلنا متعودين على قصص عبير وأحلام) ههههههههههه جان تضحك علي ويهي احترق, اهم شي ان الرياييل ما انتبهو وطلعت صحت لي ما قلت بس واشوي وبذبج عمري على ردي بس الحمدالله اليوم الثالث اتصلو فيني وقالو داومي من باجر
طبعا استانست ^_^
المره اليايه بقولك الموقف الي استوى يوم رحت اقدم في جمارك دبي, جمارك دبي وما ادراك ما جمارك دبي هههههههههههه
هالموفق استوى وياي وانتوا شو مواقفكم الي اتضحك يعني بدون خبره شو سويتو هل كنتو مثلي ولا اخس ^_*
ايقولكم مره من المرات كنت اسوي مقابله لوظيفه مساعد اداري
اتصلت في الكانديديت وقلت لهم الوقت والتاريخ
خلال المقابله طلع لي واحد يرفع الضغط كان في خاطري ازغده
المهم كنا 4 في المقابله
انرمس الريال وماشالله عليه انجليزيته اوكيه وكل شي اوكي
وين اتداوم
في الشركه الفلانيه
شو هي شغلتك
اشتغل في شركه خاصه واساعدهم في الشؤون الإداريه الي تتعلق بالمراسلات العربيه الداخليه والخارجيه للشركه
المهم في نايه المقابله قلت في خاطري ها هو بروح وايييب له احسن اوفر عسب ايداوم عنا وشكله حرج وشغول
كتبت على ورقتي ان ابروف(يعني اموافقه ) ووريته للي وياي في المقابله وهم نفس الشي موافقين مبدأيا
المهم اخر سؤال كان فلان هل في شي تبي اتقولنا او سؤوال في خاطري
اتوقعنا شي عن الراتب
الدوام
طبيعه الشغلة
اتخيلو شو قال؟!
اتعرفون حد في الشرطه ايوظفني هناك ابي ادش على رتبه ملازم( نعم يا اخوي وين تبا)
تعالو وشوفونا طبعا استويت ماروكو وعلامات الاستفهام فوق راسي وفاجه حلجي هاااااااااااااااااا ههههههههههه
وجان ايقوله واحد من الي وياي في اللجنه تتكلم جد ولا شو وهو مستغرب منه
وهو لا جد والله ابي اداوم في الشرطه قلت انتو في الموارد البشريه اكيد اتعرفونهم واترومون اتسولي واسطه
انا في خاطري اقوله قم اطلع برع
قلت له شكرا اخوي واذا الله قدرنا بنساعدك
هو طلع من هني ونحن امنو ايودنا كل واحد ناقع من الضحك
قلت لهم ما بزقر الريال الثاني عن يطلع مثله هههههههههههه
^_^
هههههههه وحزه المقابله شو قلت لهم يا الارباب
انا يوم اشتغلت محد قابلني انا قابلتهم اشوفهم اصلح اداوم عندهم ولا لا هههههههههههههههههههههههههههههههههاي
يمكن انقهرو من ضحكتك وقالو هاي يتمصخر علينا هههههههه