السلام عليكم
يا جماعة خلونا نسوي هذا التجمع علشان نأزر بعضنا البعض لين ما ربكم يفرجها ان شاء الله
انا اشتريت في استوديو في برج الهلال وخذيت القدم على 600 ودفعت لهم تقريبا 67الف درهم حتى الان واتصلت اليوم وقالوا بعدنا ما حطينا طوبة والاجراءات تأخذ وقت والمحصلة يعني حامض على بوزي والاجراءات في هيئة التنظيم وقلت لهم ياللي ما اتخافون ربكم انا اشتريت علشان ادور لي دخل ثاني وانتوا اتقولون لي بعدنا ما سوينا شيىء والمشروع بيتأخر يعني من التسليم 2011 حتى وحطبة ما ادري وين بس سلمت امري لله؟
2- مشروع الراشد اشتريت في برج الراشد 1 ودفعت حول 148 الف درهم ولين الحين محلك سر المشكلة الراشد كمن مشروع اموقف ولما سألت هيئة التنظيم قالوا لي الراشد ما جاءهم علشان يسوي له حساب ضمان مب حرام معقولة هذا ؟ يعني فلوسنا راحت في شربة ماي ويوم قلت لهم اريد انسحب وارجع الشقة قالوا لي راح نخصم يمكن 10 او 30 % مب حراااااااااااااااااااااااااام عليهم ؟ ربي وكلت لك امري
اللي عندهم تجارب ياريت كل واحد يكتب لنا وانصبر بعضنا البعض وربكم يسهل الله امين
مع شكري وتقديري لرحابة صدركم
اختكم
ام عيسي
الشكر موصول للادارة لانها ثبتت لنا الموضوع واخص بالشكر الاخت براجيل
تحياتي لك بحياة طيبة
اختك
ام عيسي
يا اخوان تعرفوا شي عن
كسب العقارية وأبراجها برج السلام وبلاج الهلالأفيدوني الله لا هانكم
سويت هوم نعم تأخر صحيح لكن زرت الموقع و العمل شغال في مباني وصلت لل 20 طابق.. الله المستعان
بقولكم شي
اصلا كل مشاريع عيمان اتوقفت … غير الي اتشوفنه انبنى و يالس ينبني
بس هاييل الي بتكتمل
و الباقي صدقوني و لا طابوقه بتشوفون
الي يقدر يلحق على عمره يلحق و يوقف الدفعات
و صاحب شركة الراشد … الريال خارج الدوله شارد من الناس
الحمدلله الحمدلله … حصلت عروض عروض من هالشركه و كنت بشتري
بس الوالده قالت لي لا تشتري يا ولدي خل الفلوس حق العرس
قلت الي تامرين به يالوالده
و ما اشتريت
الحمدلله الحمدلله
السلام عليكم
هلا والله
بالنسبة للراشد رحت محكمة عجمان
وحولوني لجنة التوفيق والمصالحة ودفعت الرسوم تقريبا ما ،
، وخذيت صور من العقد اللي عندي والدفعات اللي دفعتها،
قائمة الرسوم كالتالي:
25 رسم اعلان في جريدة الفجر
25 رسم رسالة شكوي الى مكتب الراشد ترسل لهم
50 درهم رسم طباعة طلب الشكوي وبعدين ايحدد معاكم القاضي موعد للجلسة
ويارب انصر عبدك اللهم امين خسرنا وايد في عقارات عجمان وما لنا غير الصبر
تحياتي
ام عيسي