السلام عليكم
يا جماعة خلونا نسوي هذا التجمع علشان نأزر بعضنا البعض لين ما ربكم يفرجها ان شاء الله
انا اشتريت في استوديو في برج الهلال وخذيت القدم على 600 ودفعت لهم تقريبا 67الف درهم حتى الان واتصلت اليوم وقالوا بعدنا ما حطينا طوبة والاجراءات تأخذ وقت والمحصلة يعني حامض على بوزي والاجراءات في هيئة التنظيم وقلت لهم ياللي ما اتخافون ربكم انا اشتريت علشان ادور لي دخل ثاني وانتوا اتقولون لي بعدنا ما سوينا شيىء والمشروع بيتأخر يعني من التسليم 2011 حتى وحطبة ما ادري وين بس سلمت امري لله؟
2- مشروع الراشد اشتريت في برج الراشد 1 ودفعت حول 148 الف درهم ولين الحين محلك سر المشكلة الراشد كمن مشروع اموقف ولما سألت هيئة التنظيم قالوا لي الراشد ما جاءهم علشان يسوي له حساب ضمان مب حرام معقولة هذا ؟ يعني فلوسنا راحت في شربة ماي ويوم قلت لهم اريد انسحب وارجع الشقة قالوا لي راح نخصم يمكن 10 او 30 % مب حراااااااااااااااااااااااااام عليهم ؟ ربي وكلت لك امري
اللي عندهم تجارب ياريت كل واحد يكتب لنا وانصبر بعضنا البعض وربكم يسهل الله امين
مع شكري وتقديري لرحابة صدركم
اختكم
ام عيسي
الاخــوة الكرام كل مالديه عقار ومشترى عند اى مطور ولم يبت فى امره الاتجاه مباشره لمحكمة عجمان لتسويه وضعه والله المستعـــــــــــان
مرحبا
مااعرف الى متى راح نبقى ننتظر قضية الراشد للعقارات للأسف انا خارج البلاد وقلقة جدا ممكن حد يقترح لي خطوة بداية انا مستعدة اتعاون برفع قضية عليهم والاشتراك بالمصاريف ارجو الرد او مراسلتي علما ان شقتي في الراشد1 وشكرا زينب
السلام عليكم
في احد متضرر من برج الشلال وهو تابع بعد للراشد على ما اعتقد
كلمت المسؤول في شركة الراشد
قالي نحن شركه سعوديه على وشك شراء مشاريع الراشد كامله بس في مرحلة الحصر الحين
وطلب مني عدم دفع اي دفعات وهم بيتواصلون معاي عقب ما تنتقل الملكيه
مع العلم اني دافع 3 دفعات بس والباقي بدون شيكات
وشكرا لكم والله يوفقنا جميعا
الافاضل ادارة قسم عقارات الامارات الشمالية
الرجاء مخاطبة الادارة كي تجعل الموضوع مرفوعاً وثابتا لان حجم المتضررين اكبر وما خفى اعظم
الرجاء تلبية طلبنا
تحياتي
ام عيسي
السلام عليكم انا رحت المحكمة وقدمت طلب شكوى على الراشد وعطوني موعد حضور جلسات المحكمة في 24 /6 وللجميع اقول روحوا واشتكوا عليه والله راح ينصرنا اللهم امين
تحياتي
ام عيسي