السلام عليكم
يا جماعة خلونا نسوي هذا التجمع علشان نأزر بعضنا البعض لين ما ربكم يفرجها ان شاء الله
انا اشتريت في استوديو في برج الهلال وخذيت القدم على 600 ودفعت لهم تقريبا 67الف درهم حتى الان واتصلت اليوم وقالوا بعدنا ما حطينا طوبة والاجراءات تأخذ وقت والمحصلة يعني حامض على بوزي والاجراءات في هيئة التنظيم وقلت لهم ياللي ما اتخافون ربكم انا اشتريت علشان ادور لي دخل ثاني وانتوا اتقولون لي بعدنا ما سوينا شيىء والمشروع بيتأخر يعني من التسليم 2011 حتى وحطبة ما ادري وين بس سلمت امري لله؟
2- مشروع الراشد اشتريت في برج الراشد 1 ودفعت حول 148 الف درهم ولين الحين محلك سر المشكلة الراشد كمن مشروع اموقف ولما سألت هيئة التنظيم قالوا لي الراشد ما جاءهم علشان يسوي له حساب ضمان مب حرام معقولة هذا ؟ يعني فلوسنا راحت في شربة ماي ويوم قلت لهم اريد انسحب وارجع الشقة قالوا لي راح نخصم يمكن 10 او 30 % مب حراااااااااااااااااااااااااام عليهم ؟ ربي وكلت لك امري
اللي عندهم تجارب ياريت كل واحد يكتب لنا وانصبر بعضنا البعض وربكم يسهل الله امين
مع شكري وتقديري لرحابة صدركم
اختكم
ام عيسي
السلام عليكم
اخي العزيز بالنسبة لشركة كسب نفس الحال التعبان محلك سر كلنا كلنا هوا
الله كريم يارب
الي بيوي خير يرمس التنظيم العقاري في عجمان ويشوف الموضووع الي يخص شركة كسب العقاريه
لانه يقولون انه التأخير من التنظيم العقاري هب من عندهم
انا دافع في حدود ال 110 الاف حق وحده من هالمشاريع…واذا الواحد بغى يشتكي اي محكمه يرووح ..هل لازم اتكون في محاكم عجمان..ولا تستوي في بوظبي
الاخت ام عيسى عندي اقتراح اولا لايروح اي متضرر الى دكتور التخدير المستشار القانوني وعدم الاتصال باي واحد من الشركه الاعن طريقكم وذلك لزياده عدد المضررين وهذا اسلوب الضقط على الشركه ثانيا الغرغان مايهمه البلل وهو نشر اعلان مفاده على اي منضرر من هذه الشركه الاتصال بكم وهذا الاعلان في اكثر من موقع واي واحد من الاخوه المتصلين يعرف انه شريك بدفع الاعلانات وهذا يقلل التكلفه ثالثا تقديم عريضه باسماء التضررين للمحكمه وهذا من شانه ان يكون عامل ظغط ثاني على الشركه واهتمام من قبل المحكمه والله يرد حقوقكم ويبرد على صدوركم
حد يعرف عن avanti holding
يفيدني