السلام عليكم
يا جماعة خلونا نسوي هذا التجمع علشان نأزر بعضنا البعض لين ما ربكم يفرجها ان شاء الله
انا اشتريت في استوديو في برج الهلال وخذيت القدم على 600 ودفعت لهم تقريبا 67الف درهم حتى الان واتصلت اليوم وقالوا بعدنا ما حطينا طوبة والاجراءات تأخذ وقت والمحصلة يعني حامض على بوزي والاجراءات في هيئة التنظيم وقلت لهم ياللي ما اتخافون ربكم انا اشتريت علشان ادور لي دخل ثاني وانتوا اتقولون لي بعدنا ما سوينا شيىء والمشروع بيتأخر يعني من التسليم 2011 حتى وحطبة ما ادري وين بس سلمت امري لله؟
2- مشروع الراشد اشتريت في برج الراشد 1 ودفعت حول 148 الف درهم ولين الحين محلك سر المشكلة الراشد كمن مشروع اموقف ولما سألت هيئة التنظيم قالوا لي الراشد ما جاءهم علشان يسوي له حساب ضمان مب حرام معقولة هذا ؟ يعني فلوسنا راحت في شربة ماي ويوم قلت لهم اريد انسحب وارجع الشقة قالوا لي راح نخصم يمكن 10 او 30 % مب حراااااااااااااااااااااااااام عليهم ؟ ربي وكلت لك امري
اللي عندهم تجارب ياريت كل واحد يكتب لنا وانصبر بعضنا البعض وربكم يسهل الله امين
مع شكري وتقديري لرحابة صدركم
اختكم
ام عيسي
في انسان يشتري سمك في البحر..
حلك بسيط
أنت حاب تتنازل عن ال 80000 اللي دافعهم
اتصل بالمطور … وبيخبرك تعال وقعلي على ورقة التنازل …….. وبيحب راسك بعد .
والله يعوضك إن شـــــــــــــــــــــــــــــاء الله
السلام عليكم انا موضوعى شوية غير اشتريت شقه من شركة تمويل اسمها موارد والمطور الرئسى اسمه ستار جيجا والشقه غرفتين وصاله فى عجمان فى الامارات سيتى وتسليمى 2012 بس لغاية هذه اللحظه ما حطوا اساسات او حتى استخرجوا رخصة البناء وكل ما اتصل بموارد ردهم ان الموضوع مش عندهم عند ستار جيجا ولما حبيت اكنسل قالولى ما ينفع تكنسل الا تجيب مشترى تانى بدالك فهل هادا الكلام معقول لو محامى يرد علينا والله دخنا ودوخونا انا عندى استعداد استغى عن 80000 اللى دفعتهم وما اكمل بس اكنسل لان الظاهر على 2012 وهادا لو استلمت الشقه راح بيكون سعرها ما يتعدى 250000 فى حين انى لما اكمل اقساطى على عشر سنوات مع موارد بتكون الشقه فى حدود 800000 وبكون كتييييييييييييييييير خسران ارجوا الافاده من الجميع ولكم جزيل شكرى
مافيه شي اعجب واغرب من ردك!!!! داخل بشراع وميداف …وسالفة اكون واضح أو غامض ما يهم لاني مب صاحب العلاقه وجهة نظري وحر فيها ………..
الأهم : مافيه انسان معصوم من الخطأ ويمكن هوه تاب وتغير بعد ما طلع من السجن وانا ما تعاملت معاه . بس من عرفت انه هوه انسحبت وطلعت.
عرفت الحين. والا اعيد بطريقه ثانيه؟
ماتريد تظلم الريال وماتتوقع انه يغش وفي نفس الوقت انت متأكد انه كان مسجون لفتره طويله بسبب الاحتيال شئ عجيب شو رايك انت تفسر هذا اللغز للناس اللي تعاملوا مع هذه الشركه لانه اعتقد انه كلامك انته مو واضح ومو واضح القصد فيرجى منكم التوضيح أكثر ؟ أو إذا تعرف إنه صاحب الراشد نصاب ليش ماتفضحه وتقول سيرته الذاتيه دام انك دخلت الموقغ ترى كل شئ واضح وما في أحد على ماأعتقد يخاف من الحق أو يخاف من أحد . واسمحلنا يا خوي .