السلام عليكم
يا جماعة خلونا نسوي هذا التجمع علشان نأزر بعضنا البعض لين ما ربكم يفرجها ان شاء الله
انا اشتريت في استوديو في برج الهلال وخذيت القدم على 600 ودفعت لهم تقريبا 67الف درهم حتى الان واتصلت اليوم وقالوا بعدنا ما حطينا طوبة والاجراءات تأخذ وقت والمحصلة يعني حامض على بوزي والاجراءات في هيئة التنظيم وقلت لهم ياللي ما اتخافون ربكم انا اشتريت علشان ادور لي دخل ثاني وانتوا اتقولون لي بعدنا ما سوينا شيىء والمشروع بيتأخر يعني من التسليم 2011 حتى وحطبة ما ادري وين بس سلمت امري لله؟
2- مشروع الراشد اشتريت في برج الراشد 1 ودفعت حول 148 الف درهم ولين الحين محلك سر المشكلة الراشد كمن مشروع اموقف ولما سألت هيئة التنظيم قالوا لي الراشد ما جاءهم علشان يسوي له حساب ضمان مب حرام معقولة هذا ؟ يعني فلوسنا راحت في شربة ماي ويوم قلت لهم اريد انسحب وارجع الشقة قالوا لي راح نخصم يمكن 10 او 30 % مب حراااااااااااااااااااااااااام عليهم ؟ ربي وكلت لك امري
اللي عندهم تجارب ياريت كل واحد يكتب لنا وانصبر بعضنا البعض وربكم يسهل الله امين
مع شكري وتقديري لرحابة صدركم
اختكم
ام عيسي
السلام عليكم
انا عندي اقتراح كل متضررين من كل شركة يكتبون اسمائهم في عرائض واتنرفع لحاكم عجمان بالاضافة الى ذكر المبالغ التي دفعت واعتقد انه ما راح يرضى بالظلم لنا
ما ادري هل تشاركوني الرأي
تحياتي
ام عيسي
السلام عليكم
اخوي بو ترتيل هذا والله رمسة نوف وانا نقلت لكم اللي قالته
ما ادري الراشد وكسب وين اخر شيىء راح يودونا
على فكرة
انا كتبت رسالة للمستشار القانوني بشركة كسب حاتم البلوشي وقال لي تعالي المكتب وراح اتشوفين المشروع على ارض الواقع وراح اخليش تقعدين مع مهندس المشروع وانا ارتب حاليا علشان اروح لهم المكتب
بالتوفيق للجميع
تحياتي
ام عيسي
الله يستر على امته
السلام عليج اختى ام عيسى كيف نوف الكعبى تقول لك خذينا شكاوى الراشد كلها وحطينها فى ملف وهو من الاساس ليس لديه حساب ضمان و انا ذهبت لهم ورفضوا يستلموا منى اى شى باعتبار الراشد ليس مسجل لديهم وقالوا لى بالحرف الواحد سير محكمه عجمان واشتكى عليه والراشد ليس لديه اى ملف فى التنظيم العقارى و اللـــــــــــــــــــــــه المستعـــــــــــــــــان
مرحبا اخواني
حبيت اقولكم (حسب ما قريت في اقسام ثانية في المنتدى ) ان مهلة التسجيل في التنظيم العقاري بعجمان انتهت
يعني شدوا حيلكم واستفسروا عن المطور واذا ما فتح حساب ثقة ما لكم الا ترفعوا دعوى
ولو حد عنده معرفة بأحد الاخوان في التنظيم العقاري يطلب كشف بأسماء المطورين الحرامية الي ما فتحوا حساب ويماطلوا ويبوا يسرقوا بيزاتنا وينشرها في المنتدى
وعسى ربي يعوظكم خير