السلام عليكم
يا جماعة خلونا نسوي هذا التجمع علشان نأزر بعضنا البعض لين ما ربكم يفرجها ان شاء الله
انا اشتريت في استوديو في برج الهلال وخذيت القدم على 600 ودفعت لهم تقريبا 67الف درهم حتى الان واتصلت اليوم وقالوا بعدنا ما حطينا طوبة والاجراءات تأخذ وقت والمحصلة يعني حامض على بوزي والاجراءات في هيئة التنظيم وقلت لهم ياللي ما اتخافون ربكم انا اشتريت علشان ادور لي دخل ثاني وانتوا اتقولون لي بعدنا ما سوينا شيىء والمشروع بيتأخر يعني من التسليم 2011 حتى وحطبة ما ادري وين بس سلمت امري لله؟
2- مشروع الراشد اشتريت في برج الراشد 1 ودفعت حول 148 الف درهم ولين الحين محلك سر المشكلة الراشد كمن مشروع اموقف ولما سألت هيئة التنظيم قالوا لي الراشد ما جاءهم علشان يسوي له حساب ضمان مب حرام معقولة هذا ؟ يعني فلوسنا راحت في شربة ماي ويوم قلت لهم اريد انسحب وارجع الشقة قالوا لي راح نخصم يمكن 10 او 30 % مب حراااااااااااااااااااااااااام عليهم ؟ ربي وكلت لك امري
اللي عندهم تجارب ياريت كل واحد يكتب لنا وانصبر بعضنا البعض وربكم يسهل الله امين
مع شكري وتقديري لرحابة صدركم
اختكم
ام عيسي
السلام عليكم يا اخوان…
بصراحه انا كنت وايد متشجع وضربت خط من العين الين عجمان ويلست معاهم بخصوص ألابراج الجديده وكنت ناوي اخذ ستوديو واقتنعت لكن سبحان الله وانا يالس دخل شخص واعرفه بس هوه ما يعرفني ويلس على المكتب..سألت المندوب اللي كان يقنعني منوه هذا اتعرفه؟ قالي هذا صاحب الراشد للعقارات….يوم قالي جيه شليت بعمري وطلعت
انا ماريد اظلم الريال او اتوقع انه يغش بس انا متاكد انه كان مسجون فتره طويله بسبب الاحتيال والخساير المتتاليه !!!!
انشاء الله اترد بيزاتكم
تحياتي
لاتظلمن اذا كنت مقتدرا فالظلم اخره ياتيك بالندم
نامت عيونك والمظلوب منتبها يدعوا عليك وعين الله لم تنم
حطوا لكم محامي وارفعو عليهم قضيه
وما يروح حق وراه مطالب
والله يعوضكم ان شالله
في بنك دبي الاسلامي
والله ماعرف شو اسوي انا حسابي في مصرف ابوظبي وقالوا لي هالكلام
انتي في بنك اختي زهرة الريف ؟؟؟؟
انا اليوم اتصلت البنك وقالولي اذا انرد الشيك بسبة اختلاف التوقيع ما ينخصم ولا شي
ينخصم في حالة وحدة اذا ما شي رصيد في حسابك
وأنا غيرت توقيعي وانرد الشيك ما انخصم عني ولا فلس