السلام عليكم
يا جماعة خلونا نسوي هذا التجمع علشان نأزر بعضنا البعض لين ما ربكم يفرجها ان شاء الله
انا اشتريت في استوديو في برج الهلال وخذيت القدم على 600 ودفعت لهم تقريبا 67الف درهم حتى الان واتصلت اليوم وقالوا بعدنا ما حطينا طوبة والاجراءات تأخذ وقت والمحصلة يعني حامض على بوزي والاجراءات في هيئة التنظيم وقلت لهم ياللي ما اتخافون ربكم انا اشتريت علشان ادور لي دخل ثاني وانتوا اتقولون لي بعدنا ما سوينا شيىء والمشروع بيتأخر يعني من التسليم 2011 حتى وحطبة ما ادري وين بس سلمت امري لله؟
2- مشروع الراشد اشتريت في برج الراشد 1 ودفعت حول 148 الف درهم ولين الحين محلك سر المشكلة الراشد كمن مشروع اموقف ولما سألت هيئة التنظيم قالوا لي الراشد ما جاءهم علشان يسوي له حساب ضمان مب حرام معقولة هذا ؟ يعني فلوسنا راحت في شربة ماي ويوم قلت لهم اريد انسحب وارجع الشقة قالوا لي راح نخصم يمكن 10 او 30 % مب حراااااااااااااااااااااااااام عليهم ؟ ربي وكلت لك امري
اللي عندهم تجارب ياريت كل واحد يكتب لنا وانصبر بعضنا البعض وربكم يسهل الله امين
مع شكري وتقديري لرحابة صدركم
اختكم
ام عيسي
حسبي الله ونعم الوكيل عليك ياأبو راشد
مال الحرام مايدوم
انا رافع شكوى في الشرطة عليه 500 الف درهم شيكات ويقولون لي في عيمان انه هربان ولو عرفت مكانه خبرنا
شورايكم اخواني ……….؟
مثل ما قالت حارثة وانا اؤيد كلامها اجتمعو وخلو واحد ينسق بينكم البين وشوفو محامي محترم الواحد ما بتجيه الى 1000 درهم او 2000 المهم يخاطبهم قانونياص ويكون كل شي واضح
محد سمع عن شركة العندليب للتطوير العقااري ..انا حالتي نفس حالتكم بس في هذي الشركه وما اعرف شو اسوي ..واسال التوفيج من الله ان شاء الله وما يضيع حقي عالفاضي ..
الله يعينكم ويرد حقوقكم
انا اقول احصروا اعداد المتضررين وتواصلوا مع بعض وحطوا لكم محامي ما بيكلف الواحد 1000درهم
اذا عددكم كان كبير -واظنه كذلك -وباذن الله بترد اموالكم
وما ضاع حق وراه مطالب
السلام عليكم
انا الصراحة خلال 10 ايام الى اسبوعين ببدأ اتخذ اجراءاتي ضد الراشد للعقارات
اللي حاب يدش وياي, يراسلني على الخاص
…..