السلام عليكم
يا جماعة خلونا نسوي هذا التجمع علشان نأزر بعضنا البعض لين ما ربكم يفرجها ان شاء الله
انا اشتريت في استوديو في برج الهلال وخذيت القدم على 600 ودفعت لهم تقريبا 67الف درهم حتى الان واتصلت اليوم وقالوا بعدنا ما حطينا طوبة والاجراءات تأخذ وقت والمحصلة يعني حامض على بوزي والاجراءات في هيئة التنظيم وقلت لهم ياللي ما اتخافون ربكم انا اشتريت علشان ادور لي دخل ثاني وانتوا اتقولون لي بعدنا ما سوينا شيىء والمشروع بيتأخر يعني من التسليم 2011 حتى وحطبة ما ادري وين بس سلمت امري لله؟
2- مشروع الراشد اشتريت في برج الراشد 1 ودفعت حول 148 الف درهم ولين الحين محلك سر المشكلة الراشد كمن مشروع اموقف ولما سألت هيئة التنظيم قالوا لي الراشد ما جاءهم علشان يسوي له حساب ضمان مب حرام معقولة هذا ؟ يعني فلوسنا راحت في شربة ماي ويوم قلت لهم اريد انسحب وارجع الشقة قالوا لي راح نخصم يمكن 10 او 30 % مب حراااااااااااااااااااااااااام عليهم ؟ ربي وكلت لك امري
اللي عندهم تجارب ياريت كل واحد يكتب لنا وانصبر بعضنا البعض وربكم يسهل الله امين
مع شكري وتقديري لرحابة صدركم
اختكم
ام عيسي
اتمنى من الاخوان يفيدونا اكثر في هالموضوع
بصراحه ماعرفنا نصدق منو والا منو حتى ماشي تصريح من احد مسؤولين
والله مانعرف شو الحل معاهم
حسبي الله ونعم الوكيل
شورك وهداية الله وفكرتك حلوة
مشكور على النصيحة
السلام عليكم ورحمة الله
اختي الكريمة .. اعتقد اسهل واسرع طريقة لايقاف دفع المبالغ للمطورين المتخلفين هي تغيير التوقيع الخاص بك في البنك .. وبهذه الحالة لا يكون ارجاع الشيك بسبب عدم وجود رصيد مما يسبب مشاكل واحراجات لك … وانما سيكون ارجاع الشيك بسبب اختلاف التوقيع ,,, وتكوني في مأمن عن المشاكل المتعلقة بالشيكات ,,,
اخوي ali-k كلامك صح انا سرت عند المشروع وشفته موقف ماشي عمال ومبناي لين الدور السابع
سرت البنك عشان أوقف الدفع قالولي لازم اسير الشرطة وأقدم على بلاغ واييب ورقه من عندهم
من الشهر الياي قررت اني ما بدفع لهم
وانت بعد اخوي ولد الامارات لا تدفع وسير قدم على بلاغ في الشرطة والله ينتقم منهم الحرامية يعلهم ما يتوفقون يارب