السلام عليكم
يا جماعة خلونا نسوي هذا التجمع علشان نأزر بعضنا البعض لين ما ربكم يفرجها ان شاء الله
انا اشتريت في استوديو في برج الهلال وخذيت القدم على 600 ودفعت لهم تقريبا 67الف درهم حتى الان واتصلت اليوم وقالوا بعدنا ما حطينا طوبة والاجراءات تأخذ وقت والمحصلة يعني حامض على بوزي والاجراءات في هيئة التنظيم وقلت لهم ياللي ما اتخافون ربكم انا اشتريت علشان ادور لي دخل ثاني وانتوا اتقولون لي بعدنا ما سوينا شيىء والمشروع بيتأخر يعني من التسليم 2011 حتى وحطبة ما ادري وين بس سلمت امري لله؟
2- مشروع الراشد اشتريت في برج الراشد 1 ودفعت حول 148 الف درهم ولين الحين محلك سر المشكلة الراشد كمن مشروع اموقف ولما سألت هيئة التنظيم قالوا لي الراشد ما جاءهم علشان يسوي له حساب ضمان مب حرام معقولة هذا ؟ يعني فلوسنا راحت في شربة ماي ويوم قلت لهم اريد انسحب وارجع الشقة قالوا لي راح نخصم يمكن 10 او 30 % مب حراااااااااااااااااااااااااام عليهم ؟ ربي وكلت لك امري
اللي عندهم تجارب ياريت كل واحد يكتب لنا وانصبر بعضنا البعض وربكم يسهل الله امين
مع شكري وتقديري لرحابة صدركم
اختكم
ام عيسي
السلام عليكم ورحمة الله وبركاته
كيف الحال إخواني
أنا إشتريت شقة في مدينة الإمارات في عجمان
عن طريق (((( مؤسسة الإستثمارات العقارية )))) التابعة لحكومة عجمان
و المفروض أستلم الشقة في تاريخ 31 / 12 / 2009
و لكن تم تأجيل الموعد سنة كاملة على حسب كلامهم ( و أعتقد إنها حجة منهم و ممكن تتأخر أكثر بكثير )
و أنا دافع مبلغ 134000 درهم و توقفت عن الدفع من 6 شهور .
و لا أعلم ما أعمل معهم
يا ترى هل هناك حل
ما أقول غير حسبي الله و نعم الوكيل
أللهم أجرني في مصيبتي و أخلفني خيراً منها
بوحمد 71 عقبال ماتترقى وتوصل 007 جيمس بوند زمانك
وقف على صوب بالزاويه هناك <<<<<< وارفع يدينك ولاتنزلها الا لين تحكم المحكمه باول قضيه رفعت من ثلاث او اربع سنين ليومك هههه
شوف اسمع وافهم ولاتتحامل على حد ولاتشجع الوطنيه الي فيك وتتفوه بكلام باطل تريد به الحق
شوف كم واحد متاثر واحكم بقولون لك اوراق رسميه حكوميه وضمان قيد والحكومه ماتحلحلت من مكانها وتقولي لاتدخل الحكومه والعجيب حاولون يوصلون صوتهم للاعلام المرئي والمسوع ولكن كانهم منعوا من نشر هكذا مواضيع وين الانصاف والعداله الي تتكلم عنها يانشوف بالاذاعات ياشكوى على بالوعه ياشكوى على موظف بالدواير الحكوميه ياعمال الشاحنات هههه وبربك وراضي بذمتك شفت مقال يوضح هذي المأساه كانه محد متضرر اخوي والله كنت نفسك ادافع ببداية الامر وانتقد كل من يتجرأ على الحكومه لان الامر كان ببدايته وماتوضحت الرؤيا بس مرة سنه سنتين ومتكتفي الايدي كنهم يقولون للصوص اصحاب المشاريع شردوا مو ناقصين بلاوي بالمحاكم
اوووه السموحه برب مهمه انسانيه وراجع باذن الله
الاخ ali k على حق والحق دايما ينزعل منه واني غسلت ايدي من رجعة الفلوس
يا اخوان احنة رحنا للمحكمة علشان نرفع قضية وطلبو منا 15000 درهم وطلبنا من القاضي ياخذ الجواز ورفض وكال ان اكو ناس رافعين قضايا من ست اشهر وما حصلو شي واحنة محتارين نرفع قضية او ما نرفع واذا ما رفعنا محد راح يعوضنا هاي اذا اكو تعويض اصلا والله محتارين
الى كل من يتشدق بعجمان ومحكمة عجمان اليكم مشوار ام عثمان داخل محكمة عجمان
اخي بلال
بخصوص المطالبة بشمولنا بالاموال المستحصلة فالشخص اللي يعمل بقسم التنفيذ بعجمان هو اللي طلب من عدنا ذلك . في البداية نصحنا وقال ” انت خسرت فلوس الشقة لا تخسر بعد فلوس المحكمة لان ما راح تحصل شي ابداً ” وبعد ان اصريت ان ادفع الرسوم واخذ موعد جلسة قال لي ما دمت دفعت فانصحك بأمر هام جداً (( اثناء الجلسة اطلب من القاضي ان يشملك بالمبالغ المستحصلة)) (هكذا فهمت )
وبخصوص الرسوم فقد دفعنا 50% منها فقط والقسط الثاني (50 %) لم ندفعها لحد الان وانما وضعنا مكانها جواز السفر كتأمينات بأمر من رئيس المحكمة . والسؤال هنا هذه الرسوم هل تسترد ام ان مصيرها كمصير المبلغ اللمدفوع للراشد ؟؟؟
وأخيراً لم تخبرنا بخصوص كلامك هذا (( ان شاء الله الموضوع بيتحل …. لا تيأسوا….. الحكومة تتابع الموضوع )) هل هناك اخبار جديدة ام مجرد تفائل ؟؟؟؟!!!
__________________
__________________