السلام عليكم
يا جماعة خلونا نسوي هذا التجمع علشان نأزر بعضنا البعض لين ما ربكم يفرجها ان شاء الله
انا اشتريت في استوديو في برج الهلال وخذيت القدم على 600 ودفعت لهم تقريبا 67الف درهم حتى الان واتصلت اليوم وقالوا بعدنا ما حطينا طوبة والاجراءات تأخذ وقت والمحصلة يعني حامض على بوزي والاجراءات في هيئة التنظيم وقلت لهم ياللي ما اتخافون ربكم انا اشتريت علشان ادور لي دخل ثاني وانتوا اتقولون لي بعدنا ما سوينا شيىء والمشروع بيتأخر يعني من التسليم 2011 حتى وحطبة ما ادري وين بس سلمت امري لله؟
2- مشروع الراشد اشتريت في برج الراشد 1 ودفعت حول 148 الف درهم ولين الحين محلك سر المشكلة الراشد كمن مشروع اموقف ولما سألت هيئة التنظيم قالوا لي الراشد ما جاءهم علشان يسوي له حساب ضمان مب حرام معقولة هذا ؟ يعني فلوسنا راحت في شربة ماي ويوم قلت لهم اريد انسحب وارجع الشقة قالوا لي راح نخصم يمكن 10 او 30 % مب حراااااااااااااااااااااااااام عليهم ؟ ربي وكلت لك امري
اللي عندهم تجارب ياريت كل واحد يكتب لنا وانصبر بعضنا البعض وربكم يسهل الله امين
مع شكري وتقديري لرحابة صدركم
اختكم
ام عيسي
ولد الامارات شو صار وياك رديت البلاد ما عندك أخبار يديدة؟
اخواني انا محتارة
ابغي أوقف الدفع بس انا عاطتنهم شيكات طلبت منهم يغيرولي نظام الدفع بس ما وافقوا وقالوا ما عندهم أي مشاكل وانا ما أقدر أسوي غير اني أصفر الرصيد بس بتكون شيكات من غير رصيد
بغيت أعرف شو العواقب اللي ممكن اتصير؟؟؟
وفي شيك بتاريخ بداية هالشهر وأنا صفرته شو رايكم في اللي سويته هل اللي سويته تصرف صحيح ؟؟؟؟؟
يا سبحان الله كيف الايام تلف وتدور …
الحين ياي تقول الكلام هذا عقب ما كنت تتمدح بالمطورين العقاريين وتقول اراهن واتحدى على نزاهتهم … ع العموم صح النوم يا اخوي ذاكرة ورق …
حسبي الله وعم الوكيل عليهم
اخى بروكر الله المستعان
نفس اخى نفس الحال ….. نسال الله سبحانه وتعالى ان يفرج كربنا وكرب المسلمين
انه الولى والقادر على ذلك