؛¤ّ,¸¸,ّ¤؛°`°؛¤ مطبخ مكتوب الشعبي ¤؛°`°؛¤ّ,¸¸,ّ¤؛

247 thoughts on “؛¤ّ,¸¸,ّ¤؛°`°؛¤ مطبخ مكتوب الشعبي ¤؛°`°؛¤ّ,¸¸,ّ¤؛”

1. سلام عليكم جميعاً , كل عام وإنتوا بخير ومبارك عليكم الشهر , من زمان ما دخلت المنتدى واليوم ما قدرت أقاوم يوم شفت المطبخ الشعبي قلت لازم أدخل وأتفرج ^_^ وبما إني من هواة الطبخ والنفخ مصورة كمن طبخة من زمان بنزلهن اليوم إن شاء الله .

   يعطيكم العافية جميعاً .

2. المحتشره . منى الروح . عبق الورد

   ذبحتونا حرام عليكم

   بس طلعت وحده يديده تطبخ ونحن ماندري عقب تحدي طلعت عبق الورد
   عقبال ديره ياااااااااااااااارب

   المحتشره . الفطاير او العجين مسويتنهن مثل القباقيب

   عاد منى الروح سالفتها سالفه . بينزا على ورق عنب على فطاير بالجبن

   يعني يت على العوووووووووووووووووق

   قمت ارون

   آمين الله يسمع منك

   مبطي

3. صباح الخير ..

   ما شاء الله عليكن .. أطباق لذيذه بصراحه وإن شاء الله انجرهن ..

   أنا اليوم ييت بـ صينية الكباب ..

   خفيفة ولذيذة ..

   المقادير:

   – حلقات بصل
   – حلقات بطاطس
   – حلقات طماطم
   – كباب (استخدمت الكباب الجاهز، بالإمكان شراء لحم مفروم وفرده وعمل الكباب)

   مقادير وطريقة عمل صلصة الطماط (اللي أحبها p:

   – نخلط حبات بصل مع طماطم في خلاطة
   – وفي قدر نضع بصل مقطع إلى قطع صغيرة حتى يصير لونه ذهبي، نحط شوي معجون الثوم والزنجبيل، وعقب نحط مكعب ماجي والبهارات
   – نحط كمية من معجون الطماطم، وبعدها نحط طماطم حبة واحد مقطعة إلى قطع صغيرة
   – نحط حلقات الفلفل الأخضر (حسب الرغبة)
   – بعد ما تذوب الطماطم نصب صلصلة الطماطم ونصب بعد عليه شوية ماي لكن مب وايد عسب ما يستوي خفيف
   – نخليه على نار هادية لين ما يستوي

   طريقة عمل صينية الكباب:

   – نفرد حلقات البصل في بايركس
   – وعلى ينب (نقلي حلقات البصل مع شوية كركم وبزار)
   – يوم ينضى البطاط نفرده على حلقات البصل
   – وعلى ينب نقلي الكباب (قلي خفيف نوعاً ما، المهم إنه يستوي)
   – نفرد الكباب فوق البطاط (هني بطارية الكاميرا فضت ^^)
   – والحين نفرد حلقات الطماطم وفوقهن بعد البصل
   – نصب صلصة الطماط لين ما توصل نص الصينية تقريباً
   – نحطها فالفرن لين ما نشوف الصلصة بدت تغلي ونطلعها

   .،.

   

   

   

   

   

   .،.

   هني وعافية على قلوبكم

   ^^

   صباح النور والسرور اختي Precious

   ما يحتاي امدحكم اختي ما شاء الله عليكم

   كل طبق احلى عن اللي قبله

   تسلم يمناج ….

   تصويرج واضح واخر صورتين يعذبن

   ما قصرتي الله يعطيج العافيه

   في انتظار كل جديد

4. احس ديره مسوية مفاجأة طبخة ما حصلتش
   عيل انا ناوية اسوي أكله ثانية على السحور >> تخصص سحور
   وبعرضها لكم .. اذا قدرت اصورها واذا ما قدرت بحط لكم من النت

   وخلنا نشوف ابداعاتك يا احساس الشارجة

   والله حمستيني اسويلكم مفاجأه

   بحط اعلان في الموضوع قبلها بكمن يوم واذا ما شجعتوني

   بكتبلكم الطريقه غلط

5. 

   نضيف شوية زيت على اللحمة شي بسيط وأحلى زيت هو زيت زيتون لأنه ألذ في الطعم وصحي

   

   تاخذون خبز لبناني و تقطعونه نفس اللي في الصورة

   طبعا نفتح الخبزة ونحط فيها اللحم بس ما نكثر من اللحم يعني طبقة معقولة ونسكر الخبزة ونرصها

   بعد ما نخلص ندهن العرايس من برع بشوية زيت زيتون وما نكثر عشان ما تكون مزيته وايد

   ناخذ قطع قصدير ونلف فيها العرايس في ناس يصفون العرايس في صينية بدون لف بالقصدير بس لما تنلف بالقصدير احس يكون لها طعم ثاني

   دخلوها بالفرن لمدة 30 دقيقة تقريبا وبعدين شيكو عليها اذا احمرت الخبزة يعني خلاص ..

   وهاذي النتيجة النهائية

   

   وبالعافية عليكم ..
   أنصح البنات يجربونها لأنها وايد وايد سهلة وما تاخذ وقت طويل

   ما شاء الله عضواتنا مبدعات

   عبق الورد اختي … ابدعتي احسن شي

   الاكلات السريعه للي ما يحبون يطولون في المطبخ

   العرايس خفيف طبق غني عن التعريف

   وممتاز للسحور ما يثقل على المعده

   وسهلتي علينا …الخلطه تكون جاهزه …

   تسلم ايدج … وبالعافيه عليج

Comments are closed.