بتوجيهات من المغفور له بإذن الله تعالى الشيخ زايد بن سلطان آل نهيان رحمه الله تم انشاء جامعة زايد في كل من امارة ابوظبي وإمارة دبي للتخفيف من الضغط على جامعة الإمارات في مدينة العين وفي نفس الوقت تدريس الطالبات في جو متطور ومعاصر مع الحفاظ على العادات والتقاليد والحفاظ على حشمة الفتاة من الإختلاط بفترة الدراسة.
طبعا هاي مقدمة كلنا نعرفها والحين خلونا نرمس عن اللي بيستوي خلال الفتره الياية
خلال معرض التوظيف قبل تقريبا شهر في امارة ابوظبي ( أرض المعارض ) جامعة زايد كانت حاضره وبقوه وكانن هناك كم من بنيه في قمة الأدب والإحترام ( عسى ربي يحفظهم لأهلهم ان شاء الله ) وتخبرتهم عن مجال الدراسة العليا في الجامعة وما قصروا اجابوا عن كل الأسئلة بس تفاجأت بقرار راح يتم تنفيذه قريبا واذا ماكنت ناسي راح يكون على السنة اليايه
القرار هو تدريس الشباب في جامعة زايد بعد التخرج من الثانوية العامة
؟؟؟
اللي اعرفه ان جامعة زايد للبنات بس فليش غيروا التوجهات السابقة ؟؟؟
بيقولون والله الشباب بيحطونهم في كلاسات مفصوله عن البنات وراح نخلي عليهم سيكيوريتي بس هالشي مستحيل ينجح لأني شفت شباب يدرسون في تقنية الطالبات بدبي والمفروض يحطون عليهم سيكيوريتي ولكن الشباب ما شاء الله يتمشون على راحتهم وكل واحد تقول كإنه يتمشى على الكورنيش
يعني سالفة انهم بيحطونهم بروحهم هاي انسوا انها تنجح. في نفس الوقت الشباب يبون ياكلون ولا يشربون واكيد بيشترون من الكانتين او المطعم وهالمكان مختلط يعني الاختلاط اذا ماكان بالكلاسات راح يكون بالكانتين
اعرف ان بعضهم بيطلعون فيها وبيقولون انزين اذا البنيه محتشمه محد بيدوس لها على طرف والاختلاط موجود في المولات وبالدوامات
ردي عليهم ان في فرق كبير لما احط شباب اعمارهم ما بين 18 الى 19 سنه ما بين بنات اعمارهن ما بين 18 الى 23 سنه
مستوى تفكير الشباب صغير والسبب العمر لأنهم ما عاشروا الاختلاط من قبل بمدارسهم وماكانوا موظفين وخبرتهم قليله والبنيه بعد اللي توها مخلصه الثانويه وطمه ماتعرف شي وفجأه تحصل عمرها تدرس بجامعه بين شباب اذا ماكانت عاقله ومنتبهه على طول بتضيع
لما البنيه تتخرج من الجامعة واشتغلت في مكان مختلط هاييج الساعه بيكون مستوى تفكيرها انضج لأن عمرها تقريبا بيكون حول 22 او 23 سنه يعني اعقل وافهم ( المفروض ) من البنت اللي عمرها 17 و18 سنه
هل نقدر نقول بأن هاي هي الخطوة الثانيه للإختلاط بالجامعات الحكومية بعد ما بدأتها كلية التقنية العليا للطالبات في دبي ؟؟؟
انتظر تعليقكم على الموضوع والرجاء ثم الرجاء النقاش حول هالموضوع وبدون تجرح وذكر اسماء
والله يعين
اخوكم
ابو شوق
شو تبانا انقول لو سرت وقلت لهم ليش هالقرار راح يقولون لك الاختلاط موجود في كل مكان واغلب الجامعات مختلطة سالنا وكان هذا ردهم لنا واحتمال يقبلون الوافدين في جامعه زايد مقابل رسوم فاكيد بما ان دراسة جامعه زايد من احسن الدراسات حاليا فاغلب الوافدين راح يتجهون للجامعه هذا واذا سوا اختلاط انتوا ادرى شو راح يصير
انا ضد وبقوه لنه هذا اصلن بيخرب عليهم واتوقع ها الشباب والشابات بعدهم صغار وفي سن المراهقه واتعرفون عــاد كل واحد بيفكر بوحده وكل بنت بتفكر بواحد طبعا موب الكل بس اكثرهم وها الشي يصير موب لأنهم موب زينين لاء بس ها التفكير لازم يدور في فتره بالشباب او الشابه وخاصه بسن المراهقه وبيبدون يهملون دراستهم طبعا والله كريــم.. القرار موب حـلــو..
والسموحه ^_^
والله هذا شي يخوف وبدايه في الدمار في هالجامعه
في وجهة نضري اكيد اكيد هاشي مابيفلح يعني اختلاط فهالجامعه الله يستر ياخوي
ومثل ماقلت شباب طالعين من الثانويه واول مره بيدرسون بجامعه مختلطه الله يستر
البلوتوث مابيبند
اخوي عطني انطباعك عن هالقرار اللي راح يتنفذ قريبا في جامعة زايد
هل انت مع ولا ضد ؟؟؟
مع ذكر الاسباب لو سمحت
في انتظار تعليقك
الله يا وقت مضى وأيام مرت وين