السلام عليكم و رحمة الله
مريت بأزمة نفسية شديدة استمرت شهرين بسبب ظغوطات الغربــة
والله ياخوان اني كنت اسهر ليالي عدة , يعني عادي اواصل 3 ايام مانام فيها ابد ابد
وفي هالايام كنت اعاااااااني بضيجة شديدة و وسواس و خوف و وحدة وكنت ابكي على ابسط
واتفه الامور وسوي ضجة نفسية للعمري على اشيه تافهة ماتستاهل اني افكر فيها
على العموم تحملت الشهرين و رجعت للأهلي سالم غانم و لحمدلله رب العالمين
المشكلة تكمن يوم اني رجعت ,, حسيت اني مشتت تركيز ضعيف الاستيعاب مرتبك دايمً
خايف من دون سبب , صدااااااع شديد , اهتزاز فاليدين , والله ياخوان حاس انه الحياه مالها طعم
وني ابا اتخلص من نفسسسسسي بأي طريقة خصوصا يوم افقد الامل فالحصول على علاج
كملت اسبوع على هالحال , ولا رحت عند دكتور ولا مطوع ولا شي ولا خبرت ابوي ولا اي كائن
سوى اني كتبت الموضوع فالمنتدى
اتمنى انكم تفيدوني
ربي يحفظكم
أخوي أنا أشوف إنك الأفضل تراجع أخصائي نفسي..
لأن الأعراض اللي تكلمت عنها بدايات “وسواس قهري” .. بعيد الشر عنك.. خصوصًا و إن الموضوع وصل عندك لحد التفكير في التخلص من النفس!!
داوم على الذكر و الاستغفار.. و الصدقات..
و في نفس الوقت دور على العلاج
و ما تشوف شر ياخوي ..
السلام عليكم اخوي .. الي فهمته ان الي مسبب لك الاكتئاب هو خوفك من عدم وجود علاج لك
صدقني انا مريت فهالحاله وعشت الغربه لمدة سنوات الحل انك تقعد مع نفسك وتشوف شو هو الشي الي يريحك , يونسك , يضحك؟؟؟ اذا كانوا ربعك فاظهر وياهم وغير جو اتقرب من الناس وقبل كل هذا صدقني ثم صدقني اهم اهم اهم شي قراءة القرآن مابتفهم معنى الراحه ولا بتصدقها الا يوم تقرى قرآن وتخشع واتصيح وتدعي وانت فالسجود وصلي قيام الليل بتحس انك ملكت هالكون كله وبتحس انك اسعد خلق الله .. جرب وادعيلي ..
وربي يفرج همك ويشرح صدرك ويشافيك
الله يشفيك نفس ماقالو الاخوان لازم اتسويه وانا ازيد عليهم انته عايش روتين معين غير الروتين هذا رتب جدولك من جديد روح السينما اتشمى روح الحديقة ومن هذا القبيل غير جو ولازم ترتاح وتنام في اليوم 6 ساعات اقل شي اتجنب السهر وماتشوف شر
اذكر الله وقوم صل ركعتين واقرا قرآن وكل هذا بيخوز ان شاء الله
.
حياك الرحمن أخي الكريم
الحمد لله على السلامة وماجور وما تشوف شر
أنت شكلك متضايق أو زعلان أو حاس بالوحدة
وما أدري إذا بترد تتغرب مرة ثانية أو لا؟!!
نصيحة أختك
اطلع مع الوالد وفضفض له
صلاة الفجر لا تفوتها وحاول ما تفوت الصف الأول فيها
احرص على قراءة ورد من القرآن عقب كل صلاة
تحصن دايما
ابدأ يومك بالدعاء والرقية
وقبل ما تنام اختمه بنفس الشيء
ضيق النفس وارد للجميع وساعات الواحد وده يبكي وبدون سبب
بس أهم شيء إنا نقدر نسيطر على أنفسنا ونطرد هالوساوس وما نخلي للشيطان مدخل
أتمنى أكون قدمت لك شيء مفيد
وفي انتظار كلام باقي الأخوة الشباب والشياب
بيفيدونك إن شاء الله أكثر
بارك الله فيك