السلام عليكم ..
شحالكم شباب ؟
الموضوع واضح من عنوانه … انا ريال اموت عالمواتر السبورت … مب راعي دعاس وسباقات
بس مادري ما احب سواقة السيارات الباردة … بديت ففتك وعقبه لومينا اس اس والعام خذتلي بي ام
750 ومادخلت مزاجي الصراحه فخمه بس مب عالكيف بعتها والحين افكر فالبانيميرا لانها سبورتيه ..
بس امسات شفت هالوحش في خط بوظبي – دبي
DODGE CHALLENGER SR8
يالربع حد يعرف كم سعرها هاي ؟؟؟ الصراحه اول مره اشوفها وخاطريه اخليها باك اب
ولا حد يبا يبيع شراتها ؟؟
والسموحه من اليميع
الغالي سر محل للاجار وجرب السيارة قبل لا تأخذها
يا حبوب جانك راعي قروب سيارات واقفه في الكراج من رنج لين بنتلي لين مورسدس كل يوم تستعمل سياره منهن وتروح خاطي مره في الدوج على الكاسر فالموتر يستاهل ورياضي وقوي باور عالي اظن فوق 500 حصان ولا تفكر في البيع عقب شراتنا ههههه يعني قبل ماتنتهي ملكيته تهديه لاحد من رباعتك ^_^
ترا الامريكي عندنا ماله سوق وخاصة المستعمل تشتريه اليوم 200 وباجر تبيعه 90 !!!! ولايشتريه راعي المعرض يقولك وقفه على نصيبك وييك زلمة المعرض ويرفع سعره علشان انته تبيعه عقب على راعي المعرض الزلمه وقفه 2 شهرين هههه نصابه و أعرف سواد ويوهم
موفق بإذن الله … لك مني أجمل تحية .
ديمور تسلم اتصلبتبهم عقب ماشفت ردك وتأكدت
…
الرميثي تسلم الغالي والموتر اول مره اشوفه ولكنه يقولون نازل من سنتين!!!!
موفق بإذن الله … لك مني أجمل تحية .
سياره قويه وتستاهل مع انه حجمه عووود شوي بس حلو حق التمشيات والويكند
احيد سعرها في الوكاله 210 الف