السلام عليكم
من باب التغير والخروج عن المواضيع الجدية
وش رايكم كل واحد يخبرنا عن اكثر الأعضاء بالمنتدى الغالي تخيل شكله ولا اوصافة من خلال اسمة بالمنتدى او اسلوبة وطريقتة بطرح مواضيعة
وانا ببداء اول واحد والله يستر على اشتراكي 
بصراحة من بداية تشرفي وانتسابي للمنتدى 
في بالي اثنين من الاخوان وهم اكيد اعضاء لهم محبة وتقدير عند الجميع
اول واحد
اممممممممم
كبير المستثمرين 
بيني وبينكم اتخيلة ماشاءالله مليان ومن اصحاب الاوزان اللي ما ينمزح معها ابدا 
واحس انه دايم جدي ومعصب وما عنده لعب وطويل ومتين
واول ما يدخل المنتدى ايده تشب علية يدور احد يحط حره قومة الصبح فية 
واكثر ما الله عطاه كره لاي واحد يحب يستظرف دمه او يتفلسف فلسفه مالها داعي
<<<<<<< شكله بيضحي فية كبير المستثمرين من طلعه الصبح 
اما العضو الثاني
اخونا المبدع دايما العيماني
وهالشخص مع اني احبه بالله وما بيني وبينة الا معرف خلال المنتدى بس
لكن ماعليه بقول شو تخيلته في بالي 
طبعا احس ان الله ماعطاه طول يعني قصير 
ونحيف بس حبيب وخدوم لأبعد حد 
وكل همه اول ما يدخل المنتدى يحصل حد يبا مساعده ولا برنامج عشان يتلاحق علية بالفزعة كالعاده
باله طوييييييييييييل وصدره وسييييييييييع 
الكل تقريبا يتفق على محبته وغلاته ولا يهنون كل الأعضاء
شعاره (المواضيع مع العيماني غير ) 
وسلامتكم
طبعا متاكد ان الاخوان بيخذون الموضوع بروح رياضية كعادتهم وماراح يوقفون معرفي المتواضع 
الله يستر لا يستلموني 
والدعوه كلها ميانه اخوان على بعض
تحياتي
لكن
“ أنــا ”
special case ،، صوح !!
والله كلامك يضحك ..اسميكم قطعتو بعض…بقووووولكم بالنسبه لي:
احس اغلبية الي في المنتدى ياهالووووووه خخخخخخخخ لا تحرجون بس احساس ..
بس فاء و اماراتيه اتوقعهن من عمري يعني تقريبا كبري…
واتوقع اكبر واحد في المنتدى كبير المستثمرين يعني اعطيه 45 سنه رزين وقيادي واتوقعه مافيه طول يعني يمكن ايكون جيك ..وابيض البشره بس داقتنه الشمس اشوي ومحترق خخخخخخخخخ.
بوعائشه احسبه ريال مطوع وما يتفاهم وعصبي.
باسويد بعد اتوقعه ريال دين وكلامه مفيد واعطيه عمر 30 وهو اسمر البشره
القناص احسبه ولد الصغير يعني قووووووم طعششش ..17 او 18 او 19
دبي بيبي احسبها قوم 24 ودلوعه وقوم قصه وكشه
وما اذكر بعد منو …والسموووووووووووحه منكم اتراه كله تخمين
ما شاء الله .. ما شاء الله
ليش تتحرش ؟؟ انا في حالي وساكت واشارك في المواضيع وما يخصني في حد .. ليش تييب اسمي ومنو قالك تتخيلني وانا ما ادري .. ولا بس يعني لأنك الأرباب فيحق لك تتخيل البورصه ؟!!
المهم .. اسمحولي اوصفلكم كيف اتخيل صديقي الصدوق والمفضل لدي .. هذا الكائن المسمى بكبير المستثمرين اللي دوم يغني السمبتيكا السمبتيكا دقي دقي يا مزيكا
الطول : 145 سم
العرض : متر << كبت مب آدمي ههههههه الوزن : 105 قبل الريجيم والشاي الأخضر و 97 بعد رجيم استمر 6 شهور !! الله المستعان هههههه لون البشره : اسمر << يا ويلي الشاب الأسمر جنني لووول لون العيون : خضراوتااااان << ومن غير عدسات نفس حسين فهمي ههههههه الشعر : فلافل وطويل ومن ورى عقصين !! ههههه
الأكلة المفضلة : كل ما ثقل وزنه وطاب طعمه
اتخيله من غير لحية وشنبه خفيف .. يتم يالس جدام الكمبيوتر ومجابل هالمنتدى وعداله صحن سندويجات ودبة بيبسي من الحجم العائلي يشرب منها
لووووووووووول
لووووووووووووول
حشى .. نمر العدوان مب كبير الموووستثمرين
اسكت يالدب يالبالوون يالمتين يالمنطاد يالمنتفخ يا نفيخه المنافيخي كل تخيلاتك خطا
احمد ربك التخيلات ما عليها علامات .. لو عليها علامات بتاخذ صفر
[quote=بنت السلطان;1993123]بوصفلكم الاعضاء ,,بناء على كتاباتهم
سعيد ,,يسمع اكثر من ما يتكلم
يحب يسألون عنه ربعه ,,وهو ما يبادر بالسؤال
بيتوتي ,,يحب العائله
نشيط ,,ويهوى الترحال
كل الكلام صح تبارك الله ساحرة لا يتكام شوية بالعكس انا اقرقر كثيرا خخخخخخ خخخخخخ
بنت السلطان
طويلة تمشي بأستقامة معزلة
شخصية صدق انها بنت سلطان يعني وحدة vip صدق
تحل مشاكل الكل ماتحل مشاكلها
اللي
بعــده !!