نيسان 2010 والمشكله اللي حاصله في هذا الصدد وهي مشكله وحده وهي ارتفاع سعر السياره من قبل الناس اللي حاجزه لغرض بيع العربون
طبعا الواحد فينا بيسير الوكاله عشان يحجز له سياره بيقولوله ماشي عدنا احجز عقب 4 او 5 شهور بتوصل السياره فطبعا الجماعه اللي حاجزه بتحصلهم عارضين سياراتهم في الجرايد والمنتديات المهم من تتصل فيه بيقولك انا حاجز السياره بتوصل عقب اسبوعين واذا بتشتري عني العربون بس 10000 وشي منهم 20000 واذا السياره موجوده عنده زاد علسعره 50000 وفعلا في ناس تدفع اكثر عن المبلغ اللي انا ذكرته؟
بس انا اتمنى من اي شخص يفكر لو لحظه لو اتريت شويه شو بيحصل باخذ السياره بسعرها ومن غير مذله بصراحه مهب سالفه مع التجار يشتري السياره او عشر سيارات ويقول تجاره شو هي التجاره في الموضوع انا من راي تجاره على النفوس اللي ماعندها عقل ولاتفكر.
وشي من الناس الله عاطنه خير ماشي خلاف عنده ومايحب يتريا مب مهم عنده حد يزيد عليه (صح جي تفكريكم)ياجماعه السالفه مب سالفه الفلوس(ليش انا افتح مجال حق التجار يتحكمون فينا) دام الشي اللي اباه موجود وبحصله بس يباله صبر واذا ما عبرناهم صدقوني بيتوهقون في السيارات اللي عندهم وبيبعونها ارخص عن الوكاله.
واحينه في مجال تستورد السياره من السعوديه والا قطر اسعارهم ارخص من عدنا.
خلونا مره وحده بس نتفق على راي واحد مانشتري الا من الوكاله خله اللي دافع عربون يتوهق .
بس وين والا وين والا وين الناس تعودت على …………..؟؟؟؟؟؟؟؟؟؟؟؟؟
47 thoughts on “نيسان 2010 والناس”
Comments are closed.
السلام عليكم ورحمة الله وبركاته
اول شي اشكركم على مبادراتكم الحلوه والمتميزه وعلى ثقافتكم ووعيكم على فهم الموضوع.
اخواني الموضوع اللي طرحته ماذكرت شي من (التميز)وفعلا نحن والحمدلله في بلد يصعب انك تكون (مميز) لسبب واحد مابدخل في التفاصيل بس بقولكم (البنوك) روح اي بنك مابيردك بيمولك اي سياره فخاطرك.
القصد يااخواني من الموضوع (انكم لا تعطون شي اكبر من حجمه) ولا اتخلون حد يستغلكم في رفع قيمة السياره شو كانت نوعها واللي اتمناه منكم واللي في خاطره اي سياره شوية (صبر) دام انكم عارفين سعر السياره ليش تدفعون فوق
سعرها (الاف) وانت تقدر (تصبر) وتاخذها بسعرها (الاصلي) .
اخواني اسف اني طولت عليكم القصد من كلامي ونصحيتي لكم لا حد يستغلكم في رفع سعر اي شي تبونه سوء سياره او اي بضاعه فخاطركم اللي ماحصلته اليوم بتحصله باجر.
ولكم مني التوفيق في حياتكم انشالله
وعاد خلنا نكون واقعيين التميز يكون بالرولز رويس او او slr وفيراري ولامبو وهاييل من السيارات النادره الغاااليه
بس اني ادفع سعر خيالي ع نيسان عسب اتميز في الشارع … نيساااان عااد
الصراحه كلمة تميز مول ماتليق ع النيساان
كلام سليم 100%
انا اللي اعرفه ان النيسان موتر مكدة وعملي
بس (تميز) على اي اساس ؟؟
وإذا القصد التميز في اول شهرين فهذا مايسمونه (تميز) هذا عدم تقدير النعمه وحتى اللي عنده فلوس بعد محاسب لانه يدخل في التبذير سواء ان تم عنده او باعه لانه زاد100 ألف يوم اشتراه ونقص 100 ألف او اكثر اذا باعه(وطبعا بسعر السوق) هب بسعر (التبذير) يعني يوم بيبيعه بيقولوله سعره يديد280 ألف هب 350 ألف وسعره مستعمل بقيمة اليديد الحالي مثلا كذا عاد احسب كم خسر صاحب(التبذير)
ومعنى (التميز بالنسبه لي ) انك متميز بالشي اللي عندك وحتى لو كان عند غيرك.(هب شهرين)وابشركم حتى خلال الشهرين لاتنسون البلديه تراهم اول ناس بيسوقونه وبيتميزون على الدوائر الثانيه وهذا هو (التميز) يوم تبى تتميز وعاشت البلدية.
والسموحه منكم ومن صاحب الموضوع
بسم الله الرحمن الرحيم
السلام عليكم ورحمة الله وبركاته
اخواني السيارة متوفرة واللي يبا بيستلم باول اسبوع من شهر 5 من الوكيل انا البارحه فالوكاله
وتعرف شو اللي يعيبك في الشباب
انهم يحطون حط ع اصحاب الوكالات واسعارهم الغاليه والمرتفعه وانهم نصابين واستغلاليين ويحرجون ليش سعر الوكاله 300 الف او 350 وان الوارد ارخص بوايد
وهم روحهم يدفعون 50 الف زياده ع سعر السياره الاصلي لأصحاب المعارض عسب انها تاخذ كم شهر لين توصل الوكاله ويبا يخق في الشوارع!
يعني تحس وايد منهم بو ويهين
وعاد خلنا نكون واقعيين التميز يكون بالرولز رويس او او slr وفيراري ولامبو وهاييل من السيارات النادره الغاااليه
بس اني ادفع سعر خيالي ع نيسان عسب اتميز في الشارع … نيساااان عااد
الصراحه كلمة تميز مول ماتليق ع النيساان
أكثر كلمة عجبتني في الموضوع
( ضريبة التميز )
ياخي ناس والله ما تفكر … المهم عندهم هذا اللي اسمه تميز
وصدقوني لو تعرفون هالناس اللي بتدفع 350 ألف على النيسان للتجار
بيطلعون نفسهم اللي اشتروا الاستيشن او الـ x6 او …. الخ
وتوهقوا فيهن وباعوهن بخساره
مشكور يا راعي الموضوع على الطرح وكل الشباب على الردود الطيبه
اخوكم الكعبي