نيسان 2010 والمشكله اللي حاصله في هذا الصدد وهي مشكله وحده وهي ارتفاع سعر السياره من قبل الناس اللي حاجزه لغرض بيع العربون
طبعا الواحد فينا بيسير الوكاله عشان يحجز له سياره بيقولوله ماشي عدنا احجز عقب 4 او 5 شهور بتوصل السياره فطبعا الجماعه اللي حاجزه بتحصلهم عارضين سياراتهم في الجرايد والمنتديات المهم من تتصل فيه بيقولك انا حاجز السياره بتوصل عقب اسبوعين واذا بتشتري عني العربون بس 10000 وشي منهم 20000 واذا السياره موجوده عنده زاد علسعره 50000 وفعلا في ناس تدفع اكثر عن المبلغ اللي انا ذكرته؟
بس انا اتمنى من اي شخص يفكر لو لحظه لو اتريت شويه شو بيحصل باخذ السياره بسعرها ومن غير مذله بصراحه مهب سالفه مع التجار يشتري السياره او عشر سيارات ويقول تجاره شو هي التجاره في الموضوع انا من راي تجاره على النفوس اللي ماعندها عقل ولاتفكر.
وشي من الناس الله عاطنه خير ماشي خلاف عنده ومايحب يتريا مب مهم عنده حد يزيد عليه (صح جي تفكريكم)ياجماعه السالفه مب سالفه الفلوس(ليش انا افتح مجال حق التجار يتحكمون فينا) دام الشي اللي اباه موجود وبحصله بس يباله صبر واذا ما عبرناهم صدقوني بيتوهقون في السيارات اللي عندهم وبيبعونها ارخص عن الوكاله.
واحينه في مجال تستورد السياره من السعوديه والا قطر اسعارهم ارخص من عدنا.
خلونا مره وحده بس نتفق على راي واحد مانشتري الا من الوكاله خله اللي دافع عربون يتوهق .
بس وين والا وين والا وين الناس تعودت على …………..؟؟؟؟؟؟؟؟؟؟؟؟؟

47 thoughts on “نيسان 2010 والناس”

  2. والله كلامكم درر بس وين الي يسمع ياااخي تقول جنه السياره بس بتنزل دفعه وحده
    كل الناس مشططه يبغي ينتلكها قبل غيره بس شو بنقول لا جول ولا قوة.

    والشكر موصول لراعي الموضوع عالطرح…..

  4. تحسب الضرابه على بو جاتي طلع نيسان ههههههههههههه
    ياكثرهن عقب شهر في الوكالة الي طاق والي خارب قير والي الجامه ماترتفع هههههههه
    شوي شوي على عاماركم اخواني

  5. محد مدمر الشباب الا ضريبة التميز ,,
    مثلآ الواحد لو ضاري وبيزاته في مخباه يمكن يحقلهـ ,,
    لكن اييك واحد ماقد شاف الدنيا وأول مانزل موتر ,, نفخه البنك وظهرهـ ,
    مايتم عنده 4 شهور ,, ويدقه ببيعه ,,
    ويزيدن الفوايد ويتم بها الحاله تقريبآ 12 سنه ويقول ,, ويتعلثـ ان كل الناس مديونيـنـ ,,
    انزين يالخبلـ دامكـ بتدين خذ الموتر وكــده كد اليهد هب تبيعه وتدور غيرهـ ,,

    نصيحه الي يبا النيسان يتريا موديل 2011 او 2012 ,, بيكون شي تغيير بسيط عليه ,,

Comments are closed.