نيسان 2010 والمشكله اللي حاصله في هذا الصدد وهي مشكله وحده وهي ارتفاع سعر السياره من قبل الناس اللي حاجزه لغرض بيع العربون
طبعا الواحد فينا بيسير الوكاله عشان يحجز له سياره بيقولوله ماشي عدنا احجز عقب 4 او 5 شهور بتوصل السياره فطبعا الجماعه اللي حاجزه بتحصلهم عارضين سياراتهم في الجرايد والمنتديات المهم من تتصل فيه بيقولك انا حاجز السياره بتوصل عقب اسبوعين واذا بتشتري عني العربون بس 10000 وشي منهم 20000 واذا السياره موجوده عنده زاد علسعره 50000 وفعلا في ناس تدفع اكثر عن المبلغ اللي انا ذكرته؟
بس انا اتمنى من اي شخص يفكر لو لحظه لو اتريت شويه شو بيحصل باخذ السياره بسعرها ومن غير مذله بصراحه مهب سالفه مع التجار يشتري السياره او عشر سيارات ويقول تجاره شو هي التجاره في الموضوع انا من راي تجاره على النفوس اللي ماعندها عقل ولاتفكر.
وشي من الناس الله عاطنه خير ماشي خلاف عنده ومايحب يتريا مب مهم عنده حد يزيد عليه (صح جي تفكريكم)ياجماعه السالفه مب سالفه الفلوس(ليش انا افتح مجال حق التجار يتحكمون فينا) دام الشي اللي اباه موجود وبحصله بس يباله صبر واذا ما عبرناهم صدقوني بيتوهقون في السيارات اللي عندهم وبيبعونها ارخص عن الوكاله.
واحينه في مجال تستورد السياره من السعوديه والا قطر اسعارهم ارخص من عدنا.
خلونا مره وحده بس نتفق على راي واحد مانشتري الا من الوكاله خله اللي دافع عربون يتوهق .
بس وين والا وين والا وين الناس تعودت على …………..؟؟؟؟؟؟؟؟؟؟؟؟؟

47 thoughts on “نيسان 2010 والناس”

  1. السلام عليكم ورحمة الله وبركاته

    شـكــ وبارك الله فيك ـــرا لك … لك مني أجمل تحية .

  3. كلام سليم 100%
    انا اللي اعرفه ان النيسان موتر مكدة وعملي
    بس (تميز) على اي اساس ؟؟
    وإذا القصد التميز في اول شهرين فهذا مايسمونه (تميز) هذا عدم تقدير النعمه وحتى اللي عنده فلوس بعد محاسب لانه يدخل في التبذير سواء ان تم عنده او باعه لانه زاد100 ألف يوم اشتراه ونقص 100 ألف او اكثر اذا باعه(وطبعا بسعر السوق) هب بسعر (التبذير) يعني يوم بيبيعه بيقولوله سعره يديد280 ألف هب 350 ألف وسعره مستعمل بقيمة اليديد الحالي مثلا كذا عاد احسب كم خسر صاحب(التبذير)

    ومعنى (التميز بالنسبه لي ) انك متميز بالشي اللي عندك وحتى لو كان عند غيرك.(هب شهرين)وابشركم حتى خلال الشهرين لاتنسون البلديه تراهم اول ناس بيسوقونه وبيتميزون على الدوائر الثانيه وهذا هو (التميز) يوم تبى تتميز وعاشت البلدية.

    والسموحه منكم ومن صاحب الموضوع

    خــلاصـــة الموضوع …….. يعطيك العافيه

  4. هذي الفئه هي سبب ارتفاع كل السلع في الدولة وهم اللي مخلين التجار يبالغون في كل السلع حتى الاستهلاكية فلو انضبطة هذي الفئه صدقوني الباقين بيكون بينهم تعاون على كسر سعر التاجر الجشع اللي ماهمه غير كيف يستغل المواطن

  5. اصلا هو شكله بصوب والتميز بصوب مادري ليش كل هالضجة عليه

    والمشكلة الناس ماتفكر لا بمعقولية السعر ولا بالخرابات اهم شي التميز

    مشكوور أخوي بوسلطان

Comments are closed.