نيسان 2010 والمشكله اللي حاصله في هذا الصدد وهي مشكله وحده وهي ارتفاع سعر السياره من قبل الناس اللي حاجزه لغرض بيع العربون
طبعا الواحد فينا بيسير الوكاله عشان يحجز له سياره بيقولوله ماشي عدنا احجز عقب 4 او 5 شهور بتوصل السياره فطبعا الجماعه اللي حاجزه بتحصلهم عارضين سياراتهم في الجرايد والمنتديات المهم من تتصل فيه بيقولك انا حاجز السياره بتوصل عقب اسبوعين واذا بتشتري عني العربون بس 10000 وشي منهم 20000 واذا السياره موجوده عنده زاد علسعره 50000 وفعلا في ناس تدفع اكثر عن المبلغ اللي انا ذكرته؟
بس انا اتمنى من اي شخص يفكر لو لحظه لو اتريت شويه شو بيحصل باخذ السياره بسعرها ومن غير مذله بصراحه مهب سالفه مع التجار يشتري السياره او عشر سيارات ويقول تجاره شو هي التجاره في الموضوع انا من راي تجاره على النفوس اللي ماعندها عقل ولاتفكر.
وشي من الناس الله عاطنه خير ماشي خلاف عنده ومايحب يتريا مب مهم عنده حد يزيد عليه (صح جي تفكريكم)ياجماعه السالفه مب سالفه الفلوس(ليش انا افتح مجال حق التجار يتحكمون فينا) دام الشي اللي اباه موجود وبحصله بس يباله صبر واذا ما عبرناهم صدقوني بيتوهقون في السيارات اللي عندهم وبيبعونها ارخص عن الوكاله.
واحينه في مجال تستورد السياره من السعوديه والا قطر اسعارهم ارخص من عدنا.
خلونا مره وحده بس نتفق على راي واحد مانشتري الا من الوكاله خله اللي دافع عربون يتوهق .
بس وين والا وين والا وين الناس تعودت على …………..؟؟؟؟؟؟؟؟؟؟؟؟؟

47 thoughts on “نيسان 2010 والناس”

  1. الحمدلله والصلاة والسلام على رسول الله وعلى آله وصحبه أجمعين

    والله نحن ماهلكونا غير هاللي يحبون المثل اللي يقول تدين وتزين الله يهديهم ويعينهم مايفكر بالسعر المرتفع او بالفلوس اللي بيدفعها همه الكشخه يوم بيطلع بها عالكاسر ولا عند الشباب الله يهديهم ….وياما شفت شباب الله يهديهم والله مايتم شي عندهم من الراتب كله على قسط السياره يوم ايي اخر الشهر مايعرف شو يسوي ياكل بالفلوس ولا يعبي بتروول ..وياما شفت من هل الرنجات في عز انتشاره العام واللي قبله… الشباب والله يعبون بترول ب 30 و 50 والباقي حق الكفتيريا … صح في ناس دفييعه ومايهمهم السعر لكن .. السياره ماتكمل وايد عندهم.. يستعملونها شهرين ولا 3 وبييييع عاد يالله شوف السعر اللي تييبه… القهر انه مب فارقه معاه لو خسر 100.000 الامور طيبه الله يعين على هل المعارض خوفي يرفعون سعر النيسان بعد شرى ماستوى بالتيوتا

    مشكلتنا نحن الشمقه من تشوف شي (سياره – دراجه – بقي- الخ…) بس تبا تشتريه ولو فيه عيوب تقول عادي بتعود … بس من يكمل شهرين ولا 3 تعافه وتقول ياليت ماسويت

    (ضريبـــة تميــــز)

    موفقين بإذن الله … لكم مني أجمل تحية .

  3. ياريال لو تاتا نانو هاي اللي بـ 2500 دولار اييبونها المعارض بيشترونها هنيه الشباب بـ 100 الف درهم اونه اول سياره ويبا يتميز

  4. ضريبة التميز … الحين لو يبا يبيعه اضن يسواله 230 ألف , ,,

    600 – 230 = 370 ألف .. هاي ضريبة التميز ..

    وازيدك عزيزي

    اول نيسان جي تي ار gtr

    تم بيعه في حدود 600الف بعد

    والحين فالوكاله 345الف

    وسعره لو ايي يبيعه الحين 245الف +-

    وهاي بعد ضريبة التميز

Comments are closed.