السلام عليكم ورحمة الله وبركاته

اخواني بغيت استفسر من اللي ادخلوا في محفظة الشركة

وهذا رابط الموضوع:

الاليه الجديده للشركه القابضه – بارباح 8% شهريا وارباح سنويه( مهم جدا )

انا بغيت ادخل في الشركه لكن بغيت اعرف آراء اللي دخلوا فيها …

وهل يستلمون الأرباح الشهريه في وقتها والا في تأخير …؟؟؟

ياليت اللي دخل في هالمحفظة يعطينا معلومات

وجزاكم الله خير

140 thoughts on “من ساهم في محفظة العضو نايف ؟؟”

  1. انا بكتب بالخط الاحمر بعض الملاحظات تحت كلامك

    اخواني شكرا لكم على فتح الموضوع وعلى السؤال عن المحفظه

    والشكر لاخواني اللي تكلموا عن المحفظه والحمدالله كل اللي معانا يستلمون شهريا وبالتاريخ المحدد

    عموما كثر الكلام عن المحفظه واليتها وانا اذكر من فتره طويله كتبت اليه عمل المحفظه بس الظاهر مع تجديد القسم اختفت الاليه ودخولي الحين بيكون سريع عشان اشرح الاليه لتوضيح اللبس على بعض الاخوان وان شالله تكون الاليه واضحه لهم ولاي سؤال طبعا لاتترددون بالاستفسار ..

    اولا الشركه مرخصه من وزاه التجاره والاقتصاد
    ثانيا موضوع الارباح كيف تتوزع وليش ناخذها من المساهمين ياليت تركزون معاي الحين لان بشرح هالشي بالضبط وبطريقه مطوله نسبيا عشان الكل يقدر يفهمها فياليت تنتبهون لها ومثل ماقلت لاي سؤال عادي

    اليه عمل الشركه :

    يتم توقع عقد لدى محامي قانوني على اساس تاسيس شركه راس مالها مليون درهم ( ولايكون العقد عباره عن توظيف اموال) لان توظيف الاموال مافي عليها تصريح اصلا .. ويكون العقد عقد شركه محاصه وهو عقد معمول فيه بقوانين جميع الدول الخليجيه والعربيه ويمكن اثباته بالشهود ويمكن الاطلاع عليه بالرجوع لاي موقع من مواقع غرف التجاره والصناعه او وزارات الاقتصاد لدول الخليج او الذهاب شخصيا او الاتصال بهم ..

    الكثير يسال ليش مدراء المحافظ ماياخذون سلفه وقروض من البنك وتكون بنسبة ارباح اقل حيث ان البنك ماياخذ اكثر من 15% سنويا كحد اقصى بينما احنا ندفع 8% شهريا + 30% سنويا كحد ادنى بالنسبه للمحفظه اللي معاي

    السبب الله يسلمكم ان عند اخذ سلفه من البنك كم بيكون اقصى حد .؟؟ بيكون مايتعدى مليون او ثلاثه ملايين بهالحاله لان بتكون بدون دفعات مقدمه او مسبقه وبتكون نقدا فتمويل البنك شي طبيعي بيكون قليل نسبيا وفي احسن الاحوال ماراح يتعدى عشره ملايين

    الحين الله يسلمكم بنتكلم عن كيفيه تحقيق ارباح شهريا توصل ل8 % + ارباح سنويه

    (( عند توقيع العقد بمليون درهم مثلا يكون المساهم ساهم بقيمة مية الف درهم فتكون مساهمه الطرف الاول اللي هو انا او الشركه بقيمة 900 الف درهم ))

    يعني انت تعامل كل مستثمر لوحدة على اساس تكميل مبلعغل المليون و ذلك لتسهيل عملية الاقتراض من البنك يعني المفروض يكون عندك على كل مستثمر يدخل ب 100 الف مبلغ 900 الف او انه ما يكون عندك شي و تجمع من المستثمرين مبالغ 100 الف كل شخص و بالنالي تضطر لدفع ارباح شهرية قيمتها 7 %

    اللي يحصل بهالحاله ان المليون ندفعها للبنك كدفعه اولى لشراء عماره او ارض او عده بيوت او شقق

    ويكون المليون عباره عن 10% من قيمة التمويل للشراء .. طبعا كلنا نعرف ان الكثير من البنوك تمول بعد دفع نسبة عشره بالميه صح

    فبهالحاله بيكون التمويل عندنا بقيمة عشره ملايين ..

    الحين ياليت تركزون معاي شوي لان الموضوع بيصير كله ارقام في ارقام

    عشره ملايين يتم شراء عقار فيها بمردود شهري بما يقارب 1% – 2% ..

    اغلب المردود بيكون اعلى حد 1% شهريا على هذا الاساس بنحسب

    1% -2% اللي هي العائد من العشر ملايين بتكون تساوي = 100 الف – 200 الف

    هالرقم اللي هو مابين 100 الف – 200 الف يساوي في الاساس مابين 10% – 20% من مبلغ المساهمه الاساسي صح اخواني هذا لو كان المستثمر فقط 100 الف و بالواقع

    المبلغ المستثمر هو 10 مليون يعني ال 100 الف تقسيم 10 مليون يعني ربح ال مليون بيكون 10000 درهم فقط يعني ال 100 الف بيكون ربحهم 1000 شهري

    للحين مركزين معاي ان شالله يعني الحين قلنا ان صرنا نحقق شهريا على مبلغ المساهمه مايقارب 10 – 15% شهريا صح ..

    بنقدر نقول 10 % كايراد غير صافي دون توزيع الارباح
    في حالة توزيع الارباح لا تنسى انه في دفعة للبنك بتكون .15% فوائد سنوي يعني على 10 مليون
    لان احنا كان عندنا مليون واحد بس وخذنا عليه تمويل بقيمة عشره ملايين صح 125000 فوائد للبنك تفدع كل شهر يضاف لها 7000 نصيب كل مستثمر بينما العائد الي حققناه عبارة 100000 يعني يوجد عجر اقل تقدير قيمته حوالي 35 الف كل شهر طبعا نحن حسبنا انه مستثمر واحد لكل مليون و منك التمويل ال 900 الف بينما لو حسبنا انه المليون عباره عن 10 اشخاص يعني بيصير عجزنا 125000 + ( 7000*10)

    وطلع لنا عائد شهري بقيمه واحد الى اثنين بالميه من العشره ملايين فهي بالوقت نفسه تساوي عشره الى عشرين بالميه من قيمة المساهمه الاساسي ..

    الحين نقول طلعنا لنا بمتوسط تقريا 150 الف شهريا بتتوزع 80 الف على المساهمين واللي هي تساوي 8 % من قيمة الارباح الشهريه لان

    كل مليون يكون عليه ثمانين الف ربح شهري صح ..

    والباقي طبعا بيروح كقسط للبنك لان احنا في الاساس ماخذين تمويل من البنك للشراء وعشان تصير عندنا ارباح تغطي 8% شهريا

    ويبقى في النهايه مبالغ خفيفه من بعد التوزيع الارباح ودفع الاقساط وهالمبالغ يعاد استثمارها مره ثانيه في مشاريع عقاريه خفيفه كالوساطه العقاريه او ادارة العقارات وعلى اساسها نقدر نوزع الربح السنوي اللي يكون مابين 30% – 70% سنويا..

    هالاليه طبعا هي جزء من العمل في تحقيق الربح الشهري والسنوي لكن طبعا في اليات كثيره ثانيه ماشرحتها هني لان هالاليه كافيه لتببين مصدر الربح واليته كيف ..

    فياليت الاخوان يقرون بتركيز وانتباه سواء اللي يبون يساهمون وحتى اللي مايبون يساهمون والبنك يعطيهم تمويل يقدرون يستعملون هالطريقه لان بتفيدهم كثير ان شالله وفي النهايه بيتملكون عقار بعد وبيسددون قيمته وهم ربحانين

    فببساطه هااذي هي اليه الربح من المحافظ العقاريه واتمنى تكون صورتها واضحه لكم وانا ماكتبتها لكم كدعايه لي لاني اصلا نفسي اخبر المساهمين انا مابى ادخل المنتدى كثير عشان لايكون دخولي كدعايه لي او غيره خصوصا ان اغلب رؤساء مجالس ادارة الشركات او المدراء العامين مايدخلون بصفتهم الشخصيه على الانترنت والمنتديات دوم يدخلون باسماء مستعاره يشوفون الوضع ويطلعون عن اي اشكال وغيره.

    لكن بما ان الاليه انمسحت قلت اكتبها مره ثانيه عشان الكل يعرفها وأي احد بعد يقدر يستفيد منها لنفسه وعشان بعد اكتب بعض من افكاري السابقه اللي انمسحت عشان غيري يستفيد منها ان شالله

    اخواني اي احد يشوف عيب او نقص في الاليه يخبرنا عشان يفيدنا بس ياليت ماشوف نقد بدون توضيح بس لمجرد ان هاذي اليه ونبي نغلطها .. فالمهم ان النقد واختلاف الراي يفيد الكل ان شالله

    وبالنسبه للبنوك ليش ماتسوي هالاليه.. ترى الكل يسوي هالاليه عيل شلون تسمع ان في بنوك تحقق سنويا ارباح تتعدى 100% او 300% واكثر بعد ترى لان البنوك تسوي هالاليه وفي نفس الوقت تسوي اليات كثيره منها اعطاء القروض واللي فيها ربح سنوي مايقارب عشرين بالميه وغير جذي الاستثمار في العقار والاستثمار في اسواق الاتصال والغذاء والنقط والذهب واوراق المال ..

    شي طبيعي ان الكل يستثمر في اكثر من جهه عشان ينوع سلة المخاطر ولهالسبب بعد احنا نحب نزيد راس مالنا عشان ننوع سلة الاستثمار والمخاطر مما يحقق في النهايه استثمار امن وبمردود اكبر

    اتمنى اخواني ان الصوره واضحه وسمحوا لي على الاطاله بس لان وقتي مايسمح اني ادخل كل يوميا وارد على الاسئله فحبيت اكتب لكم الاليه بالتفصيل الممل

    اخواتي اخواني مره ثانيه اشدد عليكم ياليت تقروون الاليه بتركيز وبالتفصيل عشان تستفيدون منها سواء لنفسكم او لغيركم لان حتى انتوا اذا بديتوا فيها بنفسكم تقدرون في خلال كم سنه ان شالله تصيرون من اصحاب العقارات والشركات بطريقه ان من عقار لعقار ومن شركه لشركه وخطوه بخطوه الكل يوصل ان شالله فياليت القراءه بتركيز وانتباه

    والشكر مره ثانيه لكل اللي سالوا ولكل اللي ردوا عليهم والله يعطيكم العافيه ويوفق الجميع ان شالله ومبارك عليكم الشهر اخواني

  3. اخ نايف ممكن تطرشلي بعد نسخه من دراسة الجدوى ونسخه من العقد
    لاني افكر بالاستثمار وياك باقرب وقت ممكن

    ابوحمدان

    4436888 50 00971

    biz@eim.ae

  5. اخوي ممكن نعرف منو الشركه في الامارات ومتى بيتم الاعلان عنها

    واتمنى التوفيق لك ولهم

Comments are closed.