السلام عليكم ورحمة الله وبركاته

اخواني بغيت استفسر من اللي ادخلوا في محفظة الشركة

وهذا رابط الموضوع:

الاليه الجديده للشركه القابضه – بارباح 8% شهريا وارباح سنويه( مهم جدا )

انا بغيت ادخل في الشركه لكن بغيت اعرف آراء اللي دخلوا فيها …

وهل يستلمون الأرباح الشهريه في وقتها والا في تأخير …؟؟؟

ياليت اللي دخل في هالمحفظة يعطينا معلومات

وجزاكم الله خير

140 thoughts on “من ساهم في محفظة العضو نايف ؟؟”

  2. السلام عليكم ورحمه الله

    حبيت اخبركم ان بالنسبه لاخواني اللي طلبوا نسخة العقد وتفاصيل الشركه والاشتراك سواء على العام او على الخاص او على الجوال ان شالله بكره كاقصى حد بتكون عندكم ردود على كل اللي طلبتوه ..

    وبالنسبه للي طلبوا دراسة الجدوى ولا يهمكم ان شالله بخليكم تطلعون عليها بكل تفاصيلها بس ان شالله اذا تلاقينا لان مثل ماتعرفون هاذي دراسه جدوى وتحتوي على الكثير من تفاصيل عمل الشركه بكل نواحيها فالسموحه منكم مااقدر اني اخليها على العام والحمدالله الكثير من المساهمين اللي معاي طلعوا عليها وعرفوا نتيجتها فساهموا معاي وان شالله تتطلعون عليها في اقرب لقاء سواء كان بالامارات او بالبحرين ولا يهمكم ان شالله

    اخوي كاش بالنسبه لطلبك ان عندي شركه بالبحرين اي نعم اخوي الشركه موجوده وبعد الاعضاء من المساهمين من المنتدى حضروا عندي بموقع الشركه بالبحرين بس ان اخلي رقم السجل التجاري على العام السموحه منك اخوي هذا رقم سجل الشركه ويمكن للشخص ان يطلع على كل شي عن الشركه من هالرقم بس فمااحبذ اني اكتبه وان شالله في اقرب لقاء بعد تقدرون تطلعون على سجلات الشركه ومثل ماقلت ياخوي حرص ولا تخون فماحب اني اخلي معلومات خاصه على الملأ للاطلاع فقط انما المساهمين من حقهم ان يطلعون على كل اللي يبون يتطلعون عليه من قبل لايساهمون لكن بحضورهم الشخصي والسموحه منكم مره ثانيه

    وصيغة العقود اللي راح ارسلها لكم بتحوي كل اللي تحتاجون انكم تطلعون عليه وان شالله لاي مساهم معانا سواء حظر عندنا او انتظر لفتح فرعنا بالامارات بيطلع على كل شي ان شالله يحتاج ان يطلع عليه قبل أي توقيع..

    اخواني حبيت اخبركم ان في الايام الجايه راح يقل دخولي على المنتدى مثل قبل بس بكون متواجد دايما لكن بيكون في تاخير في الردود ولاي احد يحتاج لأي استفسار بأي وقت ومارديت عليه بالمنتدى او بالخاص او بالايميل

    يقدر ان يكلمني او يرسل لي رساله على تلفون رقم

    0097339733970

    وشاكر لكم اهتمامكم واستفساراتكم

    وبالتوفيق ان شالله

  3. الاخ نايف :ارجو قبول عضويتى ب 100 الف درهم .

    مرااحب فيك اخوي خالد

    افا عليك ولا يهمك اكيد انت معانااا من البدايه بعد

    وبالتوفيق ان شالله اخوي

  4. السلام عليكم

    اخوي نايف شو رايك ترفه ملف دراسة الجدوى على النت عسب الكل يقراها ويستفيد

    وانا من ناحيتي اخوي نايف اتريه افتتاح الشركه الجديده واعتبرني شريك وياك ومب مساهم

    بس اخوي عندي استفسار وياليت تجاوب بصراحه

    هل عندك اي سجل تجاري في مملكة البحرين وياليت رقمه عسب الكل يتاكد انه لك مقر رسمي للشركه وانها مثل ما تقول مصرحه من وزارة الاقتصاد

    ولا تزعل مني اخوي

    بس في السوق يقولون

    حرص بس لا تخون

    وانتظر ردك

Comments are closed.